Mathiu 2
2
1An loanian ka Iesu remait Bethlehem le ten Judia loanian Herod reremera, ahm ru, nerem kamailbakau kasipen ibat marua Jerusalem, mani,
2Petuan irem kuaih Ieremera taha Ju min? Mero in ka iemaihm mahau tahan ibat, an iakamarua mama tiakaihwak kam in.
3An ieremera Herod neterero an tipil neterakahmo in mene ilar petum nerem Jerusalem.
4Neterhwafugen pen neremera le nuhwasigenan mene nerem kamatikun te neremim, an netererhapuk pen to ilar moma Kristo kuaih petuan.
5An netakanipen ton, Le Bethlehem le ten Judia; mero in ka kamrai mok lan le profeta,
6An ik, Bethlehem, ten Judia,
Nesesuasan le nekin neremera te Juda,
Mero in ka resipena lam Ieremera,
Ierem terepasig tahak neremim Israel.
7An Herod neteraunin maniwan ilar nerem kamailbakau, neterhinatin pen to ilar nepenian peten mahau remet.
8An neterhalipen ilar le Bethlehem, meni, Aruan, maitkoigen ut kova; ama neknaihm in nakarua mani tonio moma io mun tia puna mohwak kam in.
9An netakairo ieremera ilar netakamaruan; an ahm ru, mahau ka kamaihm ibat neterampaupan in ilar merotis iken wusuas rakamel iken an neteramail.
10An netakaihm mahau maigien le nagienan asul aken.
11An netakarua le nimwa netakaihm kova ilau Meri inen; an netakaram mamehwak kam in; an netakatita karam tenilar mamarofen kam in kold mene silver mene fragkinsense mene mer.
12An kameni to ilar le nemelaitan noma takasalelegpenan mun to Herod, an netakalelegpen mun imwan ilar le suatu pusen.
13An netakamaruan, an agelo ker taha Ieremera neterua to Josef le nemelaitan meni, Armig an mir kova mene inen an makam muan Ijipt, an mamarik iken moma tiakani tonik; mero in ka Herod rametkoigen kova moma terhwapnin.
14An neterermig mir kova mene inen neteruan Ijipt lapin. An neteramarik iken meroatis nemisan te Herod.
15Mero in ka reknet le nakaran Ieremera rameni le profeta, moma, Le Ijipt iemaunin neruk.
16An Herod neterahm moma nalbakau kamareuhiatin in, an niehma rametik aken, an neterhalipen neremim moma takarhwaphin petum kova i Bethlehem mene iken min le kova min ka kamaribor le nu kiu mene irwasuas min.
17Loanian ka remet le nekaran kameni le Jeremaia profeta moma,
18Nakaran kamero le Rema.
Nasakan mene nerapan asul,
Retsel ramasak to nererin,
An teresero ravit an mero in ka kenarika.
19An Herod neteremis an ahm ru, agelo ker taha Ieremera neterua to Josef le nemelaitan le ten Ijipt, meni,
20Armig mir kova mene inen muan le ten Israel, mero in ka nerem kamemaitkoigen kova mama takarhwapnin kenaremis.
21An neterermig mir kova mene inen muan le ten Israel.
22Mero neterero moma Arkileas remeremera i Judia mavinum le remin Herod, an neteragen to nuanan iken, an kameni ton le nemelaitan neterelegpen le ten i Kalili.
23An neterua mamarik le nauanu netigen Nazareth; mero in ka terepet le nakaran kameni le profeta min moma tepeni moma Ierem te Nazareth.
હાલમાં પસંદ કરેલ:
Mathiu 2: LEN1902
Highlight
શેર કરો
નકલ કરો
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.
