Seera Uumamaa 7
7
Bisaan Badi'ii
1Rabbi Noohiin, «Maatii kee maraa fudhadhuutii markaba seeni; dhaloota bara kanaa keessaa ati qajeelaa akka taate argeeraa. #7:1 qajeelaa Nama dhuga'aa, nama sirri'iitii fi ka fedha Rabbii raawwatu jechu'u. 2-3Busaawaa qulqulluu namni nyaatu maraa torba torba dhala'aa fi kormaa, busaawaa battii namni hin nyaanne lama lama dhala'aa fi kormaa, Allaattii Sami'iillee akkasuma torba torba dhala'aa fi kormaa, lafa irraa akka sanyiin isaanii hin banne fuudhi. #7:2-3 busaawaa qulqulluu namni nyaatuu fi busaawaa battii namni hin nyaanne, Ser. Lew. 11 fi Kes. Deb. 14:3-21 4Guyyaa torbaan maayii guyyaa afurtamaa fi halkan afurtamaa lafa irratti rooba roobsee uumama maraa lafa irraa waan balleessuuf» jedheen. 5Noohillee waan Rabbi isa ajaje maraa godhe. 6Hennaa bisaan badi'ii lafa irratti roobe, Noohi nama woggaa dhibba jahaa ture.
7Noohi badii bisaanii jalaa oolu'uuf ijoolle'ee fi haadha manaa ufii, haawwota manaa ilmaan ufii qabatee markaba seene. #Mat. 24:38-39; Luq. 17:27 8Busaawaa qulqulluu namni nyaatuu fi busaawaa battii namni hin nyaanne, allaatti'ii fi wonti gara'aan lafa irra looyanii fi munyuuqan maruu akkuma Rabbi ajaje 9lama lama dhala'aa fi kormaa ta'a'aa markaba Noohii keessa seenan. 10Guyyaa torbaan maayessa bisaan badi'ii lafa fudhate.
11Noohi dhalatee wogga dhibba jaheesso'oo ji'a lammeesso'oo guyyaa kudha torbeesso'ootitti burqaan gugurdaan maruu dhooye, gubbaan Sami'iillee banamee, #Phex. 2ffaa 3:6 12roobni guyyaa afurtamaa fi halkan afurtamaa lafatti roobe. 13Gaafuma san Noohii fi haati manaa isaa, ijoolleen isaallee Seem, Kaam, Yaafeetii fi dubartoonni ijoollee Noohii sadiinuu isa woliin seenan. 14Busaawaan maruu, horiin, wonti lafa irra loowuu fi munyuuqu, Allaattiin, simbirti barartuu fi wonti lubbuu qabu ka foon uffate maruu, 15akka gosa isaaniitiin lama lama ta'a'aa markaba Noohii keessa seenan. 16Achiin maayessa uumamni lubbuu qabu maruu akkuma Rabbi ajaje dhala'aa fi kormaan markaba seenan; Rabbi balbala markabaa duubaan itti cufe.
17Bisaan badi'ii guyyaa afurtamaa lafa irra turee baay'atee markaba lafa irraa ol kaase; 18Bisaan guddatee lafa irra garagale, markabni bisaan gubbaa deeme. 19Bisaan lafa irra guutee guddisee cambalaqee gaarran gugurdaa lafa irraa maraa dhosse. 20Bisaan ciqilee kudha shanii gaarran irra ol fagaatee gaarran dhosse. 21Namni kamuu, allaattiiwwan maruu, busaawaan maruu, wonti gara'aan lafa irra loowuu fi ka munyuuqu maruu uduu hin hafin badan. 22Wonti lafa irra jiraatu ka hafuura baafatu ka lubbuu qabu maruu hin dhuman. 23Wonti lafa irra jiru maruu nama irraa jalqabee haga waan lafa irra munyuuqanii, haga allaattii Samii irra bararanii maruu lafa irraa barbadaayan; worri du'a hafan Noohii fi worra markaba keessa isa woliin jiran calla'a. 24Bisaanillee haga guyyaa dhibbaa fi shantamaa lafa irraa hin dhidhanne ture.
હાલમાં પસંદ કરેલ:
Seera Uumamaa 7: KitWoy
Highlight
શેર કરો
નકલ કરો
Want to have your highlights saved across all your devices? Sign up or sign in