Matthew 1
1
1Neħ ne gaˑya'do̱sˑhăħ ne wat'hyu'oˑwih ne daˑga''waˑji'yăˑdaˑdyĭĕħ' neħˑhuh' ho'na̱ˑgăăˑdo̱h ne Jeˑsus Christ, ne ho'a wak ne Daˑvid, neeħ ho'a wak ne Aˑbraˑham.
2Aˑbraˑham hoˑdeħ'do̱sˑo̱h ne Iˑsaac; Iˑsaac hoˑdeħ'do̱sˑo̱h ne Jaˑcob; Jaˑcob hoˑdeħ'do̱sˑo̱h ne Juˑdas, kuh neh dă̱'no̱nˑdă̱'no̱nˑdeeħ.
3Juˑdas hoˑdeħ'do̱sˑo̱h ne Phaˑrez, kuh ne Zaˑra, no̱ˑwa̱n'diˑaˑwak ne Thaˑmar; Phaˑrez hoˑdeħ'do̱sˑo̱h ne Esˑrom; Esˑrom hoˑdeħ'do̱sˑo̱h ne Aˑram;
4Aˑram hoˑdeħ'do̱sˑo̱h ne Aˑminˑaˑdab; Aˑminˑaˑdab hoˑdeħ'do̱sˑo̱h ne Naasˑson; Naasˑson hoˑdeħ'do̱sˑo̱h ne Salˑmon;
5Salˑmon hoˑdeħ'do̱sˑo̱h ne Boˑoz, neh Raˑchab ho̱ˑwa̱'wa̱k; Boˑoz hoˑdeħ'do̱sˑo̱h ne Oˑbed, neħ ne Ruth ho̱ˑwa̱n'deħˑdo̱ħ; Oˑbed hoˑdeħ'do̱sˑo̱h ne Jesˑse.
6Jesˑse hoˑdeħ'do̱sˑo̱h ne Daˑvid, ne go'wăhˑgoˑwaah; Daˑvid, ne go'wăhˑgoˑwaah hoˑdeħ'do̱sˑo̱h ne Solˑoˑmon, neħ no̱ˑwa̱'wa̱k ne Uˑriˑas yaeħˑtyòħ'gă̱'a̱a̱ħ.
7Solˑoˑmon hoˑdeħ'do̱sˑo̱h ne Roˑboˑam; Roˑboˑam hoˑdeħ'do̱sˑo̱h ne Aˑbiˑa; Aˑbiˑa hoˑdeħ'do̱sˑo̱h ne Aˑsa.
8Aˑsa hoˑdeħ'do̱sˑo̱h ne Joˑsaˑphat; Joˑsaˑphat hoˑdeħ'do̱sˑo̱h ne Joˑram; Joˑram hoˑdeħ'do̱sˑo̱h ne Oˑziˑas;
9Oˑziˑas hoˑdeħ'do̱sˑo̱h ne Joˑaˑtham; Joˑaˑtham hoˑdeħ'do̱sˑo̱h ne Aˑchaz; Aˑchaz hoˑdeħ'do̱sˑo̱h ne Ezˑeˑchiˑas;
10Ezˑeˑchiˑas hoˑdeħ'do̱sˑo̱h ne Maˑnasˑses; Maˑnasˑses hoˑdeħ'do̱sˑo̱h ne Aˑmon; Aˑmon hoˑdeħ'do̱sˑo̱h ne Joˑsiˑas.
11Joˑsiˑas hoˑdeħ'do̱sˑo̱h ne Jechˑoˑniˑas, kuh ne dă̱'no̱nˑdă̱'no̱nˑdeeħ, neħ hóˑo̱ˑweh chiˑga'aˑwiħs neh sha'o̱ˑwa̱nˑdi'aaħ ne Babˑyˑlon.
12Neħ noˑnă̱h' neħˑhuh' chiˑo̱'wa̱nˑdi'yaħˑtheeh ne Babˑyˑlon, Jechˑoˑniˑas waˑóˑdeħˑdo̱o̱ħ ne Salˑaˑthiˑel; Salˑaˑthiˑel hoˑdeħ'do̱sˑo̱h ne Zoˑroˑbaˑbel;
13Zoˑroˑbaˑbel hoˑdeħ'do̱sˑo̱h ne Aˑbiˑud; Aˑbiˑud hoˑdeħ'do̱sˑo̱h ne Eˑliˑaˑkim; Eˑliˑaˑkim hoˑdeħ'do̱sˑo̱h ne Aˑzor;
14Aˑzor hoˑdeħ'do̱sˑo̱h ne Saˑdoc; Saˑdoc hoˑdeħ'do̱sˑo̱h ne Aˑchim; Aˑchim hoˑdeħ'do̱sˑo̱h ne Eˑliˑud;
15Eˑliˑud hoˑdeħ'do̱sˑo̱h ne Eˑleˑaˑzar; Eˑleˑaˑzar hoˑdeħ'do̱sˑo̱h ne Matˑthan; Matˑthan hoˑdeħ'do̱sˑo̱h ne Jaˑcob.
16Jaˑcob hoˑdeħ'do̱sˑo̱h ne Joˑseph ne' yòħ ne Maˑry, neħ' hoˑwa̱'deħˑdo̱ħ ne Jeˑsus, neħ Christ ho̱ˑwa̱'yasˑdo̱h.
17Da neħ' ne gaˑgwe'go̱h he'niˑyo''waˑji'yăˑnet, dyiuhˑsaaħ' ne Aˑbraˑham kuh he'niˑyo'oˑweħ'' ne Daˑvid, wʋsˑhă̱' geˑih' sga'eħ niˑyo''waˑji'yăˑneet; neħˑhuh', deˑdyiuh'saaħ ne Daˑvid, kuh he'niˑyò'oˑweħ'' ne Babˑyˑlon gĕh sha'o̱ˑwanˑdi'aaħ, wʋsˑhă̱' ge'ih sga'eħ niˑyo''waˑji'yăˑneet; neħˑhuh', kuh, deˑdyiuh'saaħ neh shaˑo̱'wanˑdi''aaħ ne Babˑyˑlon, kuh heˑniˑyo'oˑweħ'' ne Christ, wʋsˑhă̱' geˑih'' sgaˑeħ niˑyo''waˑji'yăˑneet.
18Da neħ, dih, neh shaˑă̱'na̱ˑgăăd' ne Jeˑsus Christ, nă̱ dah' niˑya'wă̱ħˑo̱h; Neħ no'noħ''ă̱h Maˑry chiˑo'nonˑdi''wihˑsaħ'o̱h nă̱'oˑdiˑnyaak' ne Joˑseph, ahˑso̱h', sho, daħˑde'oˑno̱n'diħˑheħˑo̱h, onˑda'deˑgaħ'ă̱ˑyo̱s'o̱h heh deħˑja'goˑyaħ'dosˑgaħ'ah, neħ neħˑhuh' niˑyuˑye'ă̱h Notˑwais'hăˑdoˑgă̱h'diħ.
19Neħ, dih, ne Joˑseph, ne' yòħ, heh tgai'waˑye'iħ niˑo̱'gweħˑdoħˑdă̱ă̱h, heh tă̱ħ'ă̱h de'óˑgaˑyă̱s' na'shaˑguh'să̱ˑna̱'etˑgă̱nt no̱ˑgwe'neh, haˑweħ'o̱h, oˑdah'sehˑdo̱ħ'gĕh ă̱ˑske'yatˑgaħ, ă̱ntˑkhe''yaˑdo̱s'yo̱ħ heh ă̱ˑskhe'yatˑgaħ.
20Neħ, dih, nah'so̱h deˑa'yaħˑdo'wehˑda'no̱h nă̱ˑgă̱, nă̱' na̱ħˑa̱'wă̱h, hoˑo̱'yaħˑge'oˑno̱ħ Naˑyaħ'daˑgwĕnˑni'yuħ ot'ha'daħt' he'aˑgaħt, oˑe'să̱hˑdaˑgo̱, haˑwă̱'a̱hˑseeh, haˑwă̱, Joˑseph, iis, ne' ya'aˑwak' ne Daˑvid, să̱ˑno̱h ă̱hˑsah'dyo̱ħk na'sheˑguħ ne Maˑry ne deˑsnii, neħ să̱ħ'ă̱h, heˑniˑya'goˑdyaħ'daˑdye'ă̱h heh deħˑja'goˑyaħ'dusˑgaħ'ah neeħ neħˑhuh' dyaˑweh'dahˑgo̱h Notˑwais'hăˑdoˑgă̱h'diħ.
21Neħ na'jiˑno̱h nă̱'yo̱n'deħˑdo̱o̱ħ, Jeˑsus, [chaˑgo'yaħˑdaˑgwʋs,] ăˑeh'syasˑdʋk; neħ, să̱ħˑă̱ħ, ha̱'o̱ˑhwa̱ħ' ă̱ˑcha'goˑyaħ'daˑgwaˑo̱ħ na̱ˑo̱'gweħˑdaħ he'ga'yă̱ħ noˑdi'wa'neħˑak'shăħˑsho̱ħ'.
22Gaˑgwe'go̱h nă̱ˑgă̱' neħˑhuh' niˑya'wă̱ħ'o̱h, neh noħˑgai'waˑye'ih neħ thosˑnyĭĕħ'o̱h Na'wĕnˑni'yuħ, neħ ho'gwa hoˑwă̱'nitˑgă̱h'dahˑgo̱h haˑyaħ'daˑdek, noˑdo'gă̱sˑda'niˑak, haˑwă̱,
23Nă̱' dah neh'huh nă̱'ya'wă̱h', neħ ne yaˑgo̱''gweħˑda'seeħ' ah'so̱h goˑyaħ''daˑwa'do̱ħ', ă̱ˑyeˑne'o̱ħˑheħt; neħ, kuh, ă̱'o̱ˑwa̱nˑdeħ'do̱o̱ħ' na'jiˑno̱h; neħ kuh, ă̱'o̱ˑwa̱ˑyas'thaak, Emˑmanˑuˑel; neħ' gă̱nˑdo̱h', ne deˑga''wă̱ˑna̱n'deˑnyo̱o̱ħ', Deˑdwa'di' Na'wĕnˑni'yuħ.
24Oˑnă̱h', naeh, ne Joˑseph sha'atˑgă̱h hoˑdaħ'o̱ˑno̱ħ, neħˑhuh' na'oˑyă̱ˑna̱'wă̱h no̱'o̱ˑyaħˑge'oˑna̱ħ Naˑyaħ'daˑgwĕnˑni'yuħ naˑoħ'niˑgo'oħˑdă̱s; neħ neh doˑgă̱s', sho̱, wa'oˑdiˑnyaak' ne' yòħ,
25Neħ, kuh, ne tă̱ħ'ă̱h deħˑsha'goˑyă̱n'deħˑo̱h he'niˑyo'oˑweħ' sha''o̱ˑwanˑdeeħ'do̱o̱ħ' ne dyaˑgo'deħˑdo̱h'go̱h; neħ ne Jeˑsus ho̱'wa̱ˑyaˑso̱h'.
હાલમાં પસંદ કરેલ:
Matthew 1: SEE
Highlight
શેર કરો
નકલ કરો
Want to have your highlights saved across all your devices? Sign up or sign in
Gospels published by the American Bible Society in 1872, Psalms in 1892.
