Ratokenti 8atio 8
8
Satekon-haton nateioteriȣasonterakȣen.
1Nok kentiokoȣanen ronȣanonteratiene Satontaha-nontastsnente.
2Saiatat eh raiataratie ne roststaȣis, iathotontso-thase no Iesos, nok ȣahenron: Saianer! akȣase ok tasanonton nasere shitsient.
3Nok ne Iesos iahonisnonsaerhase, nok ȣahenron: eh nontonkenikonraȣen, satsioȣentann. Akȣa oksaok sahaiegentane.
4Ȣahenron ne Iesos: Seniikonrarak tosa onka sherori; ȣas tanon rahotihenton ratitsihenstatsi seri-ȣaierit tsini horiȣataton ne Moïs aiaȣens neh ȣeno ahononhniem
5Nok nonen Siiaharaȣe ne Capernaiimke, rasenno-ȣanen ȣalmiatorenne ronitentasehatie.
6Nok ratonne: Saianer! Saiatat, nakennhatsera raȣennitaronni nok ȣeso oni tsi roronhiakan.
7Tahenron ne Iesos: ehienke, nok enhshitsiente.
8Tontahenron ne rasennoȣanen: Saianer! iah se teȣakerihonte nʼiasataȣeiate nakenonskon; enskat ok tanon aontasatati, nok enshaieȣentane.
9Aseken nii neok nonkȣene ȣakaterihonte, sekon kis ȣatons nakheienhase nakonkȣeta, ȣas, nensok ȣare; tihaiatate, kats, tare; nok nakennhatsera kenh natsier, oksaok eh nenhaiere.
10Ȣahonerako ne Iesos tsiniiot tsi ȣaharonke, ȣasakaȣenhase ne ronȣanonteratione: Oriȣiio tsi kȣa-rori, tsi iah teȣatkathon nʼisraerrononke neh nikoȣa-nen teȣetakȣon.
11Nese ȣaonni katon kentiokoȣanen, tsi tkara-kȣinekens oni tsi Iateȣatsothos nentienseron, nok ens-katno ienhatikȣekon kanakeraserakon ne karonhia-kon, Abraham, Isaak, Jacob.
12Nok nakȣa Niio sakoienhokonha astste tsi oni nonȣe tetiokaras ienhiontatiatonti, eh nonȣe naten-hionsenthoseke oni tenhionnokaraniehonheke.
13Ethone onen ȣahaȣenhase ne rasennoȣanen: ȣas, nok etho nenhiaȣenne tsiniiot tsi tisetakon. Eh oni nikahaȣi tontahaieȣentane ne rahonnhatsera.
14Onen nonȣa ne Iesos iaharaȣe tsi thononsote ne tier, kanaktake kaiationni ne tier ronȣonnhonsa ioton-kȣarhos iononȣaktani.
15Neok nathanisnonsaerhase; oksaok sontkestsko nok ȣatiakosniene.
16Nok nonen Siiokarahane, kentiokoȣanen ehȣa-ontatiataktato notkon iakohnatiennine, Akȣekon Sasakoiatinekenȣe, Akȣekon oni niionsasakotsiente tsiniiakon iakohnonȣaktanihakȣe;
17Neh naontakaierite tsinihaȣen ne Rotokense hakȣe Isai, tsi raȣen: ȣathatatekȣon akȣekon oni ionsahahaȣe nonkȣannraokonkenha.
18Sahattoke ne Iesos tsi kentiokeȣanen ȣahonȣaia-torenne, ȣahariȣanonton ne tahatiiaiahke.
19Saiatat ne raiatons ȣahoiatorenne, ȣahenron: Saianer! tiotkon enkonhnonteratieseke tsi ok oni nonȣe niienhense.
20Tontahenron ne Iesos: Iohnatsonhionton naha ne Tsistso, nok kontsinakonni notsitenhokonha; Nok ne Niio Roienha akȣekon iah tehoien natkonsera.
21Tihaiatate ȣahenron nehneh: Saianer! takaterharat niare Shiiatatahannha ne rakenikenha.
22Tontahenron ne Iesos; kasts taknonteratie, ion-tatiatata nakaȣenheionta.
23Ok ronȣanor ietane ne raotiokȣa tsi Iahatita.
24Iokontatie takaȣeroten akȣa ikenh kaȣeroȣanen, skanorons hahatihonhiohne; rotas sane ne Iesos.
25Akta niiahonne ne raotiokȣa nok ȣahonȣaiete, ronton; Saianer! takȣaiatakennha ȣatiakȣenheie.
26Tontasakaȣenhase; nahoten Seȣaterontha nise-ȣerientaha? Ethone tontahatane, ȣahatarbase noȣeron oni tsi kaniatare; nok oksaok tonsakaȣeriiake.
27Ȣahakohnerakȣenhaton ne teiekaneronhnion nok ȣahahironhnion; Onkah nah kehiken, akȣekon noȣeron oni tsi kaniatare roȣennarakȣa?
28Nok nonen sihaonrarho skaionhati, Gersenian raotinakeraserakon, teniiase notkonseraksen ronatienni taiatotasi tsi ioshonȣenion iathonȣaterate; iah onka tetsiontoheststakȣe neh nonȣe tsi natehohnate-hnonhianitonno.
29Nok ȣathotihenrete, ȣaniron: nahoten taseniente, Iesos Niio Iaionha? taskenironhiakentane ken tsi kenh nontase, areko sane tiieiohe?
30Iah ihnon teken, kȣiskȣis iohnentiokoȣanen tkonneskȣe tehiohnastskaontieskȣe.
31Ronȣanekennihakȣe kati nohnatkonseraksen, ȣakonniron: tokat enseskȣaiatinekenȣe, astion ki arahona kenhiken tkonnes kȣiskȣis niiaonsaiakȣe.
32Ȣasakaȣenhase, ȣasene: tontakontiiakenne, nok oh niiakonne; nensok ne kȣiskȣis ȣakonteko kaniatarake iakontiatonti akȣekon oni etho ȣakonniheie.
33Ȣahonteko ne kȣiskȣis sakotinonnhakȣe; kanatakon niionsahonne iahontrori tsinaliaȣenne, oni ne teniiase Otkon rohnatiennine niiatatake.
34Kanatakȣekon ȣaheiakenne ȣathonȣateratana no Iesos: nok nonen sahonȣaken, ȣahonȣaneken ne ehren aonsarete tsinihonatonȣentsia.
હાલમાં પસંદ કરેલ:
Ratokenti 8atio 8: MOH1880
Highlight
શેર કરો
નકલ કરો
Want to have your highlights saved across all your devices? Sign up or sign in
Published by the British and Foreign Bible Society in 1880.
