Rioiatatokenti Luc 18
18
Satekon-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.
1Sekon, are oia tonsasakoriȣakentonkȣen, ȣasakonatonnihtakȣe tsi teiotonȣentsiohon ne tiotkon aiakoterennaientake, tosa taieȣishenheie;
2Ȣahenron: Saiatat naha ne tehaiatoretha nehne iah othenon tehostsanis ne Niio iah oni onka tesakokonniensta nonkȣesonha.
3Ok neh sakanata, enskat ne ioterehons kanakere-kȣe, niateȣenniserake ronenrotanireskȣe nahariȣakȣa-risiase tsi teioriȣarheon.
4Kariȣes tsinahe iah othenon oriȣa teronnis: khare kati onen ȣakanontonnion nok ȣahenron ne raȣerientakon: saeto sane nehne tsi iah tehitsanis ne Niio iah oni othenon tekhekonniensta nonkȣeokon:
5Kenh ki kaien kehiken iotereons teȣakenikonrharanis, onen ki nah enkeriȣakȣarisien, kati oni ken onhiorane tiotkon onȣe tenȣakaterientakariaton.
6Ȣahenron kati ne Roianer: akȣa otokenhon seȣataonsatat: tsini haton ne tehaiatoretatseraksenskȣa.
7Nok ne Niio, iah onteken tataontasakonnhe ne sakoiatarakȣen tiotkon onȣe iatehotihenretha raonhako, ethoneh ne sane roniskohe nahatreȣate ne rononha raotiriȣake.
8Ȣakȣarori, iah tehoniskohe tsi tentesakonnhe. Kenh oni kaien, nonen tentre nʼOnkȣe Roienha iseȣere ken enhatsenri ne teȣetakon tsi ionȣentsiate?
9Kenh oni nontahaiorate tsi ȣathariȣakentonȣe, neh notiake tsi akaonhaa ki ok iakoianere nok iah othenon notiake.
10Teniiase ȣahenron ȣahiaterennaionna Ononsatokentike, saiatat Pharisian, nok nesaiatat rakarotasions nehne.
11Ihrate ne Pharisian nok raton tsi roterennaion: O Niio! teken nonȣeratons tsi iah eh tekiatoten nii tsiniiot notiake nonkȣesonha, ratinenskȣas, iah tetho-tiriȣaieri, ratinakȣaiesen, tsi oni niiot ne kenh rakarotasions.
12Tekeni teȣakontontiotha tsioiaiaksera, nok akȣekon kkariaks noierihaton tsini ȣakien.
13Nok no rakarotasions otasetonke tontahatonstsoten akȣekon iah teȣatarakestskȣonhatie, nok raton tsi roterennaien: O Niio! Takitenr ȣakeriȣaneren.
14Oriȣiio tsi kȣarori: neh kehiken shotiatokeȣen-hatie tsi shotentionhatie nok iah no saiatat: asekon onka iontatharatasts ehtake niienhentsion; nok onka ehtake iontatonni enhiontharatate.
15Otiake oni eh iesakotiiatatastskȣe eksaokonha neok oni ne iasakoiatosere; ȣahotisȣaton noraotiokȣa tsi ȣaontkatho, nok ȣasakotinnhese neh niiesakotiia-tenhaskȣe.
16Nok tanon ne Iesos iasakohnonke nehne nok ȣahenron: tosa iestsiiotasts karo aontaiente neksaokonha, tosa oni iestsinnhes: aseken neh akoȣenk ne Niio raonakerasera ne tsiontatieren.
17Oriȣiio tsi kȣarori, nonka iah tenhaienasere tsiniiot neksaa no Niio raonakerasera, iah ki tiiahata-ȣeiate.
18Saiatat rasonnoȣanen ȣahenron tsi ȣahoriȣanon-tonso: saianer ise ne tisariȣaieri! Oh nenkiere no Karonhiake akatsennonni?
19Iesos tahenron: oh noh niiotieren tsi saton tisa-riȣaieri? Iah onka nakoren tetiakoriȣaiori neok enskat nehne Niio.
20Saterientare tsinahoten ne kontiriȣakȣeniios: tosa seriȣanerak ne kentesera; tosa sherio; tosa senensko; tosa sheianoȣenten; shekonnienst ne iesaienha.
21Tontahenron; shontonkenikonrote ok nehne oni hakȣekon shiȣakeriȣaieritonhatie.
22Iesos Sahaȣannaronke neh nikaȣennoten, ȣahenron: sekon ki tsioriȣat tisatoktani: satenninon tsinisaien, nok sheiakhonhas ne iakotent, onen tokenske entisastsokoȣatseraientane Karonhiake; nok tontase oni tenesek.
23Ȣahonikonraksen tanon tsini kaȣennoten ȣahagennaronke sotsisekenh rokȣastsehno.
24Nok ne Iesos Sahattoke tsi ȣahonikonraksen, ȣahenron: oriȣiio tsi ȣentore ne Karonhiake aionta-ȣeiate ne iakokȣastse.
25Sekon senha ȣatiesen nʼOnrakȣaher taontohestste tsi teiohontakaronte ne ienikhonkȣa, tsiniiot ne rokȣastse Karonhiake ahataȣeiate.
26Tsiniiakon ȣahonronke ȣahiron: onka kati neh-kenhakȣa enhieniakenne?
27Tontahenron: tsinahoten ne iah taiekȣeni nonkȣe, onhakȣeni ne Niio.
28Tier tahatati: ok kati nii nakȣekon ionkȣateȣenteton nok kȣateranentaktenni?
29Tontahenron: oriȣiio tsi kȣarori tsi iah teȣatestsenrionho oni nenskat ne roteȣenteton, raononsa, raoȣatsire, tehatennontere, ok no ens rone, sakoienhokonha ne Niio raonakerasera ahorionniatsera.
30Ne iah senha ihsinonȣe taonsahaienasere kentho tsi ionȣentsiate, nok nisinonkati enkahaȣite, enhronnheke onȣe.
31Ethono no Iesos ȣasakoiatotarho no tekeni ia-ȣenre Nihatikȣekonne, nok ȣasakaȣonhase: kehiken nonȣa Jerusalem ȣeteȣe, onen akȣekon enkanane tsinihotiiaton ne Rotitokensehakȣe nonkȣe Roienha raiatatake.
32Aseken onhonȣateȣenteto tsinonkati nionkȣetaksenokon; ok tenhonȣaieron, enhonȣakenrenseronni, nok enhonȣanistskeroseraȣe rakonsake.
33Nok tsi nenhonȣasokȣaȣessonsi ethone enhonȣario; nok tanon asen-aton nenȣata enshatonnhete.
34Iah tanon othenon tehotinikonraientaon; eh oni niiore tsi ronateriȣasetennine neh nikarihoten akȣa ki iah othenon tehotinikonraientaskȣe tsinahoten ratonhakȣe.
35Onen toha siiahraȣe ne Jeriko, teharonȣekon ohahakta renstskȣahere tehastsarites.
36Sahattoke kati tsi kentiokoȣanenhatie ihien, ȣahariȣanonton oh niiotieronhatie.
37Nok ȣahonȣarori tsi Iesos Nazaretronon rotoheststonhatie.
38Nensok ȣathohenrete, ȣahenron: Iesos Taȣit Iaionha! Takitenr.
39Ȣahonȣannhese nohenton ihien, nok tanon ne raonha tahakȣisronne tsi tehohenreta raton: Taȣit Iaionha! Askitenre.
40Ȣathatano kati ne Iesos, iahatennhane iahonȣennonke, nok nonen eh sathatano ȣahoriȣanontonse.
41Ȣahenron: oh nahoten saskaneks? Tontahenron: Seȣenniio! Akkenheke.
42Tontahenron ne Iesos: eh niiaȣenn skenhek: neh Sesatsiente tsi tisetakȣen.
43Nok oksaok ȣahaken; nok ȣahosere ne Iesos tehononȣeronnionne ne Niio: Nok nonkȣeokon no ȣaontkatto ȣattonȣanonȣeron oni nehne ne Niio.
હાલમાં પસંદ કરેલ:
Rioiatatokenti Luc 18: MOH1880
Highlight
શેર કરો
નકલ કરો
Want to have your highlights saved across all your devices? Sign up or sign in
Published by the British and Foreign Bible Society in 1880.
