Genese 10
10
Noa ve akoremari ve huhuve
1Ma va Noa ve akoremari, Sema, Hamu i Iapeta ila, ve vilakao mai; ma haa oropa leipe, ere ma akoremari aireaki erape. 2Iapeta ve akoremari ma: Gomera, Magoga, Madai, Iavana, Tubala, Meseka, kai Tirasa ila. 3Gomera ve akoremari ma: Asekenasa, Ripata i Togama ila. 4Iavana ve akoremari ma: Elisaha, Tasisa, Kitima i Dodenima ila. 5Miri ukai la ita ve haela ma haela ve meavohula. Ma va Iapeta ve akoremari, elarelare ita ve, elarelare uvi ve, elarelare lalava lalava ve, elarelare vila ipipi ve.
6Hamu ve akoremari ma: Kusa, Miserai, Puti i Kanana ila. 7Kusa ve akoremari ma: Seba, Havila, Sabata, Raama i Sabateka ila. Raama ve akoremari: Sieba i Dedana ila. 8Kusa va Nimeroda epape. Are meahaiapo akea ve oropa haela aheke iele leipe. 9Are Iehova oropa ve hahie haela aheke iele leipe. Laelave are v'ila mariape: “Nimeroda hovea, Iehova oropa ve hahie haela aheke iele.” 10Areve basileia ipopeavape hoa va Babela, Ereka i Akada ila; ere oaria Sinara ve karikara hoa. 11Are la ita harepai Asiria hoaupe; are Nineva i Rehobota‐ira, Kala ila karikara eraripe; 12aeka Resena, Nineva i Kala ve aru hihi ve kupe, la va karikara eapapo. 13Miserai va Ludima, Anami, Lehabi, Napetuhi ila erape, 14aeka Patarusi, Kasaluhi (Filistia haela Kasaluhi horeavape), kai Kapetori ila erape.
15Kanana akore koare Sidona epape, kai Heta ila, 16Ere v'ila kihoreavape va Iebusi haela, Amori haela, Giragasa haela, 17Hivi haela, Araka haela, Sini haela, 18Avada haela, Semara haela, Hamati haela. Aireaki la hoa Kanana ve lalava lalava oaria ita lahua lahua kopurapape. 19Kanana haela ve mea eapapo leipe, Sidona hoa (Gerara ukai ve) aiai Gasa ve hoa. (Sodoma, Gomora, Adama i Seboiima aiai Lasa ve ukai). 20La va Hamu ve akoremari, ereve elarelare lalava lalava ila, elarelare uri, elarelare ita, elarelare vila‐ipipi ila.
21Sema, Ebera ve meavohula oaria ve vilali, Iapeta ve akoreapo, akoremari kara erape. 22Sema ve akoremari ma: Elama, Asura, Arepakasada, Luda i Arama ila. 23Arama ve akoremari ma: Usa, Hula, Getera i Masa ila. 24Arepakasada Sela epape, kai Sela Ebera epape. 25Ebera akoremari orahokaila erape, haroapo ve rare Pelega, ehovea areve hoa meahaiapo haela hiru lahua lahua leivahaeape; areve akoreheari ve rare va Iokatana. 26Iokatana epape akoremari ma: Alemodada, Selepa, Hasaramaveta i Iera ila. 27Hadorama, Usala, Dikala ila, 28Obala, Abimaela, Sieba ila, 29Opira, Havila, Iobaba ila: ere oaria Iokatana ve akoremari. 30Ere apearoape ita eapapo va Mesa hoa (Separa ukai ve) aiai kauri ukai la kela ita. 31Ma va Sema ve akoremari, elarelare lalava lalava ve, elarelare uri ve, elarelare ita ve, elarelare vila ipipi ve.
32Ma va Noa ve akoremari ve lalava lahua lahua, ereve elarelare vilakao ve, elarelare vila ipipi hovea hovea; ere v'ila vila ipipi oaria meahaiapo ita oaria kopurapape, ma haa hape la aire ve.
હાલમાં પસંદ કરેલ:
Genese 10: ORO
Highlight
શેર કરો
નકલ કરો
Want to have your highlights saved across all your devices? Sign up or sign in
Published by the British and Foreign Bible Society 1963-1972