لُكَّ 16
16
مِصَالِ عَكَنْ وَكِيلِ مَرَرْ غَسْكِيَ
1 عِيسَىٰ يَثٜىٰ وَ أَلْمَجِرَنْسَ «أَنْ تَٻَيِنْ وَنِ مَيْ أَرْزِڧِ وَنْدَ يَبَا وَكِيلِنْسَ كَايَ يَلُورَ مَسَ دَسُو؞ دَغَ بَايَ أَنْكَٰوُاْ مَسَ لَابَرِنْ يَدَّ وَكِيلِنَّنْ يَنَ بَنْظَ دَ كَايَنْ مَيْغِدَنْسَ؞ 2سَيْ مَيْغِدَنْ يَكِرَا وَكِيلِنْ يَثٜىٰ مَسَ، ‹مٜىٰنَكٜىٰجِ حَكَ عَكَنْكَ؟ كَكَٰوُاْ مِنِ لِسَّڢِنْ عَيْكِنْ دَ كَكٜىٰيِ، دُواْمِنْ بَذَاكَ ڧَارَ ذَمَ وَكِيلِنَبَ؞› 3سَيْ وَكِيلِنْ يَثٜىٰ أَ رَنْسَ، ‹مَيْغِدَانَ ذَيْ كُواْرٜىٰنِ دَغَ عَيْكِ، مٜىٰ ذَنْيِ؟ غَاشِ بَانِ دَ ڧَرْڢِنْ نُواْمَ، كُمَ إِنَجِنْ كُنْيَا إِنْ ڢَارَ بَرَ؞ 4يَوَّ! نَسَنْ أَبِنْدَ ذَنْيِ، دُوانْ عِدَنْ أَنْكُواْرٜىٰنِ دَغَ عَيْكِنَ، مُتَنٜىٰ سُكَرْٻٜىٰنِ أَغِدَاجٜىٰنْسُ؞›
5«سَيْ يَكِرَا دُكَنْ مُتَنٜىٰنْ دَ مَيْغِدَنْسَ يَكٜىٰبِنْسُ بَاشِ؞ يَتَمْبَيِ نَڢَرْكُوانْ يَثٜىٰ، ‹نَوَنٜىٰ مَيْغِدَانَ يَكٜىٰبِنْكَ؟› 6يَثٜىٰ، ‹غَرْوَرْ مَيْ غُدَا طَرِے؞›
«وَكِيلِنْ يَثٜىٰ، ‹غَا تَكَرْدَرْكَ؞ مَظَا، كَرُبُوتَ حَمْسِنْ؞› 7يَكُمَثٜىٰ وَوَنِ، ‹كَيْ ڢَا، نَوَنٜىٰ عَكٜىٰبِنْكَ؟› سَيْ شِے كُمَيَثٜىٰ، ‹بُهُنْ أَلْكَمَ غُدَا طَرِے نٜىٰ؞›
«وَكِيلِنْ يَثٜىٰ، ‹غَا تَكَرْدَرْكَ، كَمَيْدَشِ تَمَٰنِنْ؞›
8«سَيْ مَيْغِدَنْ يَيَبِے وَكِيلِنَّنْ مَرَرْ غَسْكِيَ سَبُواْدَ يَيِ وَيُواْ؞ غَمَا یَنْ زَامَانِ سُنْ عِيَ بِيدَ مُتَنٜىٰنْ زَامَانِنْسُ دَ وَيُواْ ڢِيٜىٰدَ مُتَنٜىٰنْ حَصْكٜىٰ؞»
9 عِيسَىٰ يَثِيغَبَدَ ثٜىٰوَ «إِنَ دَيْ غَيَ مُكُ، كُيِ أَمْڢَانِ دَ دُوكِيَرْكُ دُواْمِنْ كُسَامُواْ وَكَنْكُ أَبُواْكَيْ؞ تَهَكَ إِنْ دُوكِيَرْ تَڧَارٜىٰ، ذَاعَ كَرْٻٜىٰكُ أَغِدَاجٜىٰ نَهَرْ أَبَدَا؞ 10وَنْدَ يَ إِسَ أَعَمِنْثٜىٰ دَشِ عَڧَرَمِنْ أَبُ، ذَاعَ عِيَ أَمِنْثٜىٰوَ دَشِ عَبَبَّنْ أَبُ مَا؞ وَنْدَ يَكٜىٰ مَرَرْ غَسْكِيَ عَڧَرَمِنْ أَبُ، ذَيْ عِيَ ذَمَ مَرَرْ غَسْكِيَ مَا عَبَبَّنْ أَبُ؞ 11عِدَنْ ڢَا بَكُيِ أَمِنْثِ دَ دُوكِيَ تَوَنَّنْ دُونِيَا بَ، وَ ذَيْبَاكُ أَمَانَرْ دُوكِيَ تَغَسْكِيَ؟ 12عِدَنْ كُمَ بَكُيِ أَمِنْثِ دَ كَايَنْ وَنِبَ، وَ مَا ذَيْبَاكُ وَنْدَ يَكٜىٰنَاكُ؟
13«بَا بَاوَنْدَ ذَيْ عِيَ بَوْتَا وَشُوغَبَنِّ بِيُ، كُواْ دَيْ يَڧِ طَيَ، يَسُواْ طَيَ، كُواْ كُوَ يَيِ وَطَيَنْ أَمِنْثِ، يَرٜىٰنَ طَيَنْ؞ بَا دَامَ كُسَا رَنْكُ غَ بِنْ اللَّهْ كُكُمَسَا غَ كُطِ دُكْ غَبَاطَيَ؞» #مَتْ 6.24
وَطَنْسُ كُواْيَرْوَرْ مُوسَٰى
﴿مَتْ 11.12-13؛ 5.31-32﴾
14دَيَكٜىٰ ڢَرِسِيَاوَا مَاسُ سُوانْ كُطِ نٜىٰ دَ جِنْ أَبِنَّنْ دَ عِيسَىٰ يَڢَطَا، سَيْ سُكَيِ ڟَكِ؞ 15عَمَّا عِيسَىٰ يَثٜىٰمُسُ «كُو نٜىٰ مَاسُسُوانْ نُونَ أَغَبَنْ مُتَنٜىٰ ثٜىٰوَ كُو مَاسُ أَدَلْثِنٜىٰ؞ عَمَّا اللَّهْ يَسَنْ ذُوثِيَارْكُ؞ أَبُبُوَنْ دَ مُتَنٜىٰ سُكٜىٰ بَاسُ غِرْمَ، سُونٜىٰ اللَّهْ بَايَ مَا سُوانْغَنِ؞
16«كُواْيَرْوَرْ مُوسَٰى دَ تَأَنَّبَوَ نٜىٰ أَبِنْدَ مُتَنٜىٰ سُكَيِ تَبِے حَرْ ذُوَا لُواْكَثِنْ يَحْيَى مَيْ بَڢْتِسْمَ؞ عَمَّا تُنْدَ عَكَيِ وَعَظِنْ لَابَرِ مَيْ دَاطِے نَمُلْكٍ اللَّهْ، كُواْوَ يَنَ ڧُواْڧَرِ سُواْسَيْ يَسَامِ شِغَ؞ #مَتْ 11.12-13 17دُكْدَهَكَ ذَيْڢِ سَوْڧِ سَمَ دَ ڧَسَا سُشُوطٜىٰ دَاعَثٜىٰ طِغُواْ طَيَ دَغَ كُواْيَرْوَرْ مُوسَٰى يَٻَثٜىٰ؞ #مَتْ 5.18
كُواْيَرْوَا عَكَنْ كَشٜىٰ عَوْرٜىٰ
﴿مَتْ 19.1-12؛ مَرْ 10.1-12﴾
18«دُكْ وَنْدَ يَسَكِ مَاتَرْسَ يَعَوْرِ وَتَ، يَيِ ظِنَ كٜىٰنَنْ، كُمَ دُكْ وَنْدَ يَعَوْرِ مَاتَرْ دَ تَبَرْ مِجِنْتَ، ظِنَ نٜىٰ يَكٜىٰيِ دَ عِتَ كَوَيْ؞ #مَتْ 5.32؛ 1 كُوارْ 7.10-11
وَنِ مَيْ أَرْزِڧِ دَ لِعَظَرُ
19«أَنْيِ وَنِ مَيْ أَرْزِڧِ وَنْدَ يَكَنْسَا رِيغُنَ مَاسُ ڟَادَ مَيْ كَلَرْ جَرْ غَرُورَا، يَكَنْ كُمَثِ عَبِنْثِ مَيْݣَوْ كُواْوَثٜىٰ رَانَ؞ 20عَڧُواْڢَرْ غِدَنْسَ كُوَ أَݣَويْ وَنِ مَتَلَوْثِ مَيْ سُونَ لِعَظَرُ، وَنْدَ مِيكِ سُنْ رُڢٜىٰ جِكِنْسَ؞ عَكَنْ كَٰوُاْ شِ عَݣُونْتَرْ دَشِ أَنَنْ كُلُّمْ؞ 21شِے كُوَ يَكَنْسُواْ يَثِ كُواْ دَ سَوْرَنْ عَبِنْثِنْدَ يَڢَاطِ دَغَ كَنْ تٜىٰبُرْ نَمَيْ أَرْزِڧِنَّنْ؞ حَرْ كَرْنُكَ مَا سُنَ ذُوَا سُلَّشٜىٰ مِيكِنْسَ؞
22«أَنَانً سَيْ تَلَكَنَّنْ يَمُتُ، مَلاَىِٕكُ سُكَ طَوْكٜىٰشِ، سُكَ بَاشِ وُرِنْ ذَمَ مَيْ دَرَجَ تَرٜىٰدَ إِبْرَٰهِيمْ؞ مَيْ أَرْزِڧِنَّنْ مَا يَمُتُ عَكَ كُمَ بِنّٜىٰشِ؞ 23يَجٜىٰ ثَنْ غِدَنْ وُتَا يَنَ شَنْ وُيَ، سَيْ يَطَغَكَيْ يَغَ إِبْرَٰهِيمْ دَغَ نٜىٰسَ تَرٜىٰدَ لِعَظَرُ؞ 24سَيْ يَيِكِرَا يَثٜىٰ، ‹بَابَ إِبْرَٰهِيمْ، كَجِ تَوْسَيِنَ، كَاعَيْكِ لِعَظَرُ يَسَا یَرْ يَڟَرْسَ أَ ضُوَ يَطِغَ أَ هَرْشٜىٰنَ دُواْمِنْ إِنْجِ طَنْ سَنْيِ، دُواْمِنْ إِنَ جِنْ جِكِے عَثِكِنْ وَنَّنْ وُتَا!›
25«عَمَّا إِبْرَٰهِيمْ يَثٜىٰ، ‹كَتُنَ ڢَا طَانَ، أَ لُواْكَثِنْ دَ كَكٜىٰ عَدُونِيَا، كَنَدَ أَبُبُوَ مَاسُ ݣَوْ، لِعَظَرُ كُوَ يَشَا وُيَ؞ عَمَّا يَنْذُ يَنَ جِنْ دَاطِے، كَيْ كُوَ كَنَ شَنْ وَهَلَ؞ 26بَنْدَ وَنَّنْ دُكَ مَا، ڟَكَانِنْمُ دَكُو أَݣَويْ وَنِ ڧَتُوانْ رَامِ مَيْ ظُرْڢِ سُواْسَيْ دَ عَكَ شِرْيَ دُواْمِنْ كَدَ وَطَنْدَ سُكٜىٰسُوانْ ڧٜىٰتَرٜىٰوَ دَغَ ثَنْ ذُوَا وُرِنْمُ سُإِيَ، كَدَ كُمَ وَنِ يَڧٜىٰتَرٜىٰ دَغَ وُرِنْمُ ذُوَا ثَنْ؞›
27«سَيْ مَيْ أَرْزِڧِنَّنْ يَثٜىٰ، ‹تُواْ، بَابَ، إِنَضُواْڧُوانْكَ، كَعَيْكٜىٰشِ ذُوَا غِدَنْ بَابَنَ، 28غَمَا إِنَدَ یَنْعُوَ غُدَا بِيَرْ مَظَا، يَجٜىٰ يَيِ مُسُ مَغَنَ، كَدَ سُو مَا سُذُواْ نَنْ وُرِنْ عَذَابَ مَيْ ذَاڢِ؞›
29«إِبْرَٰهِيمْ يَثٜىٰ، ‹أَيْ، یَنْعُوَنْكَ سُنَدَ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا، سُجِ أَبِنْدَ سُكٜىٰ ڢَطَا مُسُ؞›
30«مَيْ أَرْزِڧِنْ يَأَمْسَ مَسَ يَثٜىٰ، ‹أَعَ، بَابَ إِبْرَٰهِيمْ، إِنْ دَيْ وَنِ يَتَاشِ دَغَ كَبَرِ يَجٜىٰ وُرِنْسُ ذَاسُ تُوبَ؞›
31«عَمَّا إِبْرَٰهِيمْ يَثٜىٰ، ‹عِدَنْ بَسُجِ أَبِنْدَ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا سُكٜىٰثٜىٰوَبَ، كَيْ، كُواْ دَ وَنِ يَتَاشِ دَغَ كَبَرِ، بَذَاسُ جِيشِيبَ!› »
હાલમાં પસંદ કરેલ:
لُكَّ 16: hauAS
Highlight
શેર કરો
નકલ કરો
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
