لُكَّ 15
15
مِصَالِ نَتُنْكِيَرْدَ تَٻَثٜىٰ
﴿مَتْ 18.12-14﴾
1وَتَرَانَ مَاسُ كَرْٻَرْ هَرَاجِ دَ مَاسُ ذُنُوبِ سُكَذُواْ دُواْمِنْ سُجِ كُواْيَرْوَرْ عِيسَىٰ؞ 2سَيْ ڢَرِسِيَاوَا دَ مَلَمً كُواْيَرْوَرْ مُوسَٰى سُكَ ڢَارَ غُنَغُنِ سُنَ ثٜىٰوَ «حَبَ! وَنَّنْ مُتُمْ يَمَيْدَ كَنْسَ أَبُواْكِنْ مَاسُ ذُنُوبِ، حَرْ مَا يَنَثِنْ عَبِنْثِ دَسُو؞»#لُكْ 5.29-30 3سَيْ عِيسَىٰ يَبَاسُ وَنَّنْ مِصَالِ؞
4«عَثٜىٰ طَيَنْكُ يَنَدَ تُمَكِ طَرِے، سَيْ طَيَنْسُ تَٻَثٜىٰ، أَيْ، ذَيْ بَرْ ثَسَعِنْ دَتَرَنْ أَ عِنْدَ سُكٜىٰ كِيوُاْ، يَجٜىٰ نٜىٰمَنْ وَنَّنْ دَتَٻَثٜىٰ؞ 5عِدَنْ يَا سَامٜىٰتَ، ذَيْ يِمُرْنَ، يَطَوْكٜىٰتَ عَكَڢَطَ 6يَكَيْتَ غِدَا؞ سَعَنً يَكِرَا أَبُواْكَنْسَ دَ كُمَ وَطَنْدَ سُكٜىٰ ذَمَ تَرٜىٰدَشِ يَثٜىٰمُسُ، ‹كُتَايَنِ مُرْنَ غَمَا نَا سَامِ وَنَّنْ تُنْكِيَرْ دَتَٻَثٜىٰ!› 7إِنَ دَيْ غَيَ مُكُ، حَكَ ذَاعَيِ مُرْنَ سُواْسَيْ أَ سَمَ عَكَنْ مَيْ ذُنُوبِ غُدَا طَيَ وَنْدَ يَتُوبَ، ڢِيٜىٰدَ مَاسُ أَدَلْثِے ثَسَعِنْ دَتَرَ، وَطَنْدَ بَاسَ بُڧَاتَرْ تُوبَ؞
مِصَالِ عَكَنْ كُطِنْدَ يَٻَثٜىٰ
8«عَثٜىٰ، مَثٜىٰ تَنَدَ كُطِنْ أَظُرْڢَا غُدَا غُواْمَ، طَيَ يَٻَتَ، أَيْ، ذَاتَ كُنَّ ڢِتِلَ تَشَارٜىٰ غِدَنْ، تَيِتَنٜىٰمَنْسَ سَيْ تَسَامٜىٰشِ؞ 9عِدَنْ تَسَامٜىٰشِ، سَيْ تَتَارَ أَبُواْكَنْتَ دَ وَطَنْدَ سُكٜىٰ ذَمَ تَرٜىٰدَ عِتَ، تَثٜىٰمُسُ، ‹كُتَايَنِ مُرْنَ، دُوانْ نَسَامِ كُطِنَّنْ دَيَٻَثٜىٰ؞› 10إِنَ غَيَ مُكُ، حَكَ ذَيْ ذَمَ أَبِنْ مُرْنَ غَ مَلاَىِٕكُنْ اللَّهْ إِنْ مَيْ ذُنُوبِ غُدَا يَتُوبَ؞»
مِصَالِ عَكَنْ بَابَ مَيْ ڧَوْنَ
11سَيْ عِيسَىٰ يَثٜىٰ «أَنْتَٻَ يِنْ وَنِ مُتُمْ وَنْدَ يَكٜىٰدَ يَارَا مَظَا بِيُ؞ 12ڧَرَمِنْ طَا عَثِكِنْسُ يَثٜىٰ وَبَابَنْسُ، ‹بَابَ، نِے عَبَانِ يَنْذُ أَبِنْدَ عَكَ شِرْيَ ذَاعَ بَانِ بَايَنْ كَمُتُ؞› سَيْ بَابَنْ يَرَبَ مُسُ دُوكِيَرْسَ؞ 13بَايَنْ یَنْ ݣُونَكِے، سَيْ طَنْ يَتَتَّارَ كَايَنْسَ دُكْ، يَتَاشِ يَبَرْ غِدَا؞ يَجٜىٰ وَنِ غَرِ مَيْ نِيسَ؞ عَثَنْ نٜىٰ يَجٜىٰ يَيِ بَنْظَ دَ كُطِنْ ثِكِنْ إِسْكَنْثِ؞ 14بَايَنْدَ يَثِنْيٜىٰ دُكْ أَبِنْدَ يَكٜىٰدَشِ، سَيْ مُوغُوَرْ يُنْوَ تَشِغَ وَنَّنْ غَرِنْ، شِيكُوَ يَشِغَ ثِكِنْ رَشِ؞ 15سَيْ يَجٜىٰ يَنٜىٰمِ عَيْكِ أَوُرِنْ وَنِ مُتُمِنْ ڧَسَرْ، سَيْ مُتُمِنْ يَتُورَشِ يَيِ كِيوُانْ أَلَدُنْسَ؞ 16يَنٜىٰمِ دُوسَرْ دَ أَلَدُنْ سُكٜىٰثِ دُواْمِنْ يَثِ، عَمَّا بَاوَنْدَ يَبَاشِ؞ 17عَڧَرْشٜىٰ سَيْ يَدَاوُاْ ثِكِ حَنْكَلِنْسَ، سَيْيَثٜىٰ، ‹كَيْ! غَا مَعَيْكَتَنْ بَابَنَ دُكْ سُنَ بَنْظَ دَ عَبِنْثِ، عَثٜىٰ غَانِ ذَنْ مُتُ دَ يُنْوَ! 18ذَنْ تَاشِ إِنْكُواْمَ وُرِنْ بَابَنَ إِنْثٜىٰ «بَابَ، نَايِ وَ اللَّهْ لَيْڢِے، نَا كُمَيِ مَكَ؞ 19بَنْمَا إِسَ عَڧَارَ كِرَنَ طَنْكَبَ؞ كَسَانِ إِنْذَمَ كَمَرْ طَيَ دَغَ ثِكِنْ مَعَيْكَتَنْكَ؞» › 20سَيْ يَتَاشِ يَكَامَ حَنْيَ ذَيْ كُواْمَ وُرِنْ بَابَنْسَ؞
«تُنْ يَنَ دَغَ نٜىٰسَ، سَيْ بَابَنْسَ يَغَانٜىٰشِ؞ تَوْسَيِ يَكَامَ بَابَنْ، يَتَاشِ دَغُدُ، يَجٜىٰ يَضُنْغُمِ طَنْسَ، يَيِتَيِنْ مَسَ سُمْبَ؞ 21سَيْ طَنْ يَثٜىٰ، ‹بَابَ، نَيِ وَ اللَّهْ لَيْڢِے نَكُمَيِ مَكَ؞ بَنْ إِسَ عَڧَارَ كِرَنَ طَنْكَ#15.21 طَنْكَ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنَدَ «كَطَوْكٜىٰنِ كَمَرْ طَيَ دَغَ ثِكِنْ مَعَيْكَتَنْكَ؞» بَ؞›
22«عَمَّا بَابَنْ يَكِرَا بَايِنْسَ، يَثٜىٰ، ‹مَظَا! كُكَٰوُاْ رِغَا مَڢِے ݣَوْ كُسَا مَسَ؞ كُسَا مَسَ ذُواْبٜىٰ دَ تَاكَلْمَ، 23عَكُمَ كَٰوُاْ سَانِيَرْ نَنْ مَيْ ڧِبَ عَيَنْكَ، مُثِ، مُيِ مُرْنَ؞ 24دُواْمِنْ طَنَّنْ نَوَ، دَا يَا مُتُ عَمَّا يَنْذُ يَدَاوُاْ؞ دَا يَٻَثٜىٰ، عَمَّا يَنْذُ أَنْسَامٜىٰشِ؞› سَيْ سُكَيِ مُرْنَ سُواْسَيْ؞
25«تُواْ، أَوَنَّنْ لُواْكَثِ دَيْ بَبَّنْ طَنْسَ وَنْدَ يَجٜىٰ غُواْنَ يَنَ دَاوُاْوَ؞ دَيَيِ كُسَدَ غِدَا، سَيْ يَجِ أَنَبُغَ غَنْغَ، أَنَرَوَ؞ 26سَيْ يَكِرَا وَنِ بَاوَنْ غِدَنْ، يَتَمْبَيٜىٰشِ أَبِنْدَ يَكٜىٰ ڢَرُوَ؞
27«بَاوَنْ يَثٜىٰ، ‹أَيْ، ڧَنٜىٰنْكَنٜىٰ يَدَاوُاْ، شِينٜىٰ بَابَنْكَ يَسَا عَكَ يَنْكَ سَانِيَ مَيْ ڧِبَرْ نَنْ سَبُواْدَ طَنْعُوَنْكَ يَدَاوُاْ غِدَا لَاڢِيَ ڧَلَوْ؞›
28«عَمَّا طَنْعُوَنْسَ يَيِ ڢُشِے سُواْسَيْ، يَڧِ يَشِغَ غِدَا؞ بَابَنْسُ كُوَ يَڢِتُواْ يَبَاشِ حَڧُرِ، يَضُواْڧٜىٰشِ يَشِغَ ثِكِ؞ 29عَمَّا يَأَمْسَ وَبَابَنْسَ يَثٜىٰ، ‹دُوبَ، دُكْ وَطَنَّنْ شٜىٰكَرُ، إِنَيِمَكَ عَيْكِ كَمَرْ بَاوَ، بَنْ تَٻَ ڧِنْيِنْ أَبِنْدَ كَثٜىٰ إِنْيِبَ؞ دُكْدَهَكَ، بَكَتَٻَ بَانِ كُواْ یَرْ عَكُيَ إِنْكِرَا أَبُواْكَيْنَ مُثِ دَسُوبَ! 30عَمَّا دَ طَنَّنْ نَاكَ يَدَاوُاْ، وَنْدَ يَجٜىٰ يَثِنْيٜىٰ دُوكِيَرْكَ عَكَنْ كَارُوَيْ، كَا يَنْكَ مَسَ سَانِيَرْ نَنْ مَيْ ڧِبَ؞› 31سَيْ بَابَنْ يَثٜىٰ مَسَ، ‹طَانَ، كُلُّمْ كَنَنَنْ تَرٜىٰدَنِ، دُكْ أَبِنْدَ نَكٜىٰدَشِ، أَيْ، نَاكَنٜىٰ؞ 32يَا كَمَاتَ مُيِ مُرْنَ دَ ڢَضٍ ثِكِ، دُواْمِنْ طَنْعُوَنْكَ نَنْ دَا يَا مُتُ، عَمَّا يَنْذُ يَا دَاوُاْ، دَا يَٻَثٜىٰ، عَمَّا يَنْذُ أَنْسَامٜىٰشِ؞› »
હાલમાં પસંદ કરેલ:
لُكَّ 15: hauAS
Highlight
શેર કરો
નકલ કરો
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
