ڢَارَوَ 6
6
مُغُنْتَارْ یَنْ ءَادَمُ
1سَعَدَّ یَنْ أَدَمْ سُكَ ڢَارَ يِنْ يَوَ عَدُونِيَا، عَكَ كُمَ حَيْڢَ مُسُ یَیَ مَاتَا،#أَيُو 1.6؛ 2.1 2دَ یَیَنْ اللَّهْ سُكَغَ یَنْ مَاتَنَّنْ ݣَوَوَ نٜىٰ، سَيْ سُكَ ݣُونَ دَ دُكْ وَدَّ سُكَ ذَاٻَا؞ 3سَيْ يَهْوٜىٰهْ يَثٜىٰ «رُوحُنَ مَيْ بَادَ رَيْ بَذَيْ كَسَنْثٜىٰ ثِكِنْ یَنْ أَدَمْ حَرْ أَبَدَا بَ، غَمَا سُو نَامَ دَ جِنِ نٜىٰ؞ ݣُونَكِنْسُ بَذَاسُ وُثٜىٰ شٜىٰكَرَا طَرِے دَ عَشِرِنْ بَ؞» 4أَوَطَنَّنْ ݣُونَكِے دَ كُمَ ݣُونَكِنْ دَسُكَبِے بَايَ كُوَ، أَݣَويْ ڧَتِّنْ مُتَنٜىٰ عَدُونِيَا، غَمَا یَیَنْ اللَّهْ سُكَ شِغَ وُرِنْ یَنْ مَاتَا نَیَنْ أَدَمْ، عَكَ حَيْڢَ مُسُ یَیَ؞ وَطَنَّنْ یَیَ نٜىٰ سُكَ ذَمَ ڠُونَيٜىٰ نَدَا كُمَ مَاسُ سُونَ؞#لِـ ڧِدْ 13.33 5يَهْوٜىٰهْ كُوَ يَا لُورَ ثٜىٰوَ مُغُنْتَارْ یَنْ أَدَمْ تَايِيَوَ عَدُونِيَا، كُمَ كُواْوَنٜىٰ تُنَانِنْ ذُوثِيَارْسُ ظَلَّرْ مُغُنْتَا ثٜىٰ كُلُّمْ؞#مَتْ 24.37؛ لُكْ 17.26؛ 1 بِتْ 3.20 6يَهْوٜىٰهْ كُوَ يَيِ بَڧِنْ ثِكِ دَ يَيِ یَنْ أَدَمْ عَدُونِيَا، كُمَ ذُوثِيَارْسَ تَا ٻَثِ ڨُورَيْ؞ 7سَبُواْدَ حَكَ يَهْوٜىٰهْ يَثٜىٰ «غَبَاطَيَ ذَنْكَوَرْدَ دُكَنْ یَنْ أَدَمْ وَطَنْدَ نَحَلِتَّ دَغَ ڢُسْكَرْ دُونِيَا؞ دَغَ یَنْ أَدَمْ ذُوَا دَبُّواْبِے دَغَ حَلِتُّو مَاسُ رَرَّڢٜىٰ عَڧَسَا ذُوَا ڟُنْڟَيٜىٰنْ سَرَرِنْ سَمَ، غَمَا إِنَ بَڧِنْ ثِكِ دَ نَحَلِثّٜىٰسُ؞» 8عَمَّا نُوحُ يَاسَامِ ڢَضٍ جِنِ أَعِدُوانْ يَهْوٜىٰهْ؞
9غَا تَارِيحِنْ ذُرِيَرْ نُوحُ؞ نُوحُ مُتُمْ نٜىٰ مَيْ أَدَلْثِے، مَيْ غَسْكِيَ كُمَ أَ زَامَانِنْسَ؞ نُوحُ يَيِ تَڢِيَ ثِكِنْ زُمُنْثِ دَ اللَّهْ؞#2 بِتْ 2.5 10نُوحُ يَنَدَ یَیَ مَظَا عُكُ مَاسُ سُونَيٜىٰ شٜىٰمْ دَ هَمْ دَ يَڢٜىٰتْ؞
11سَيْ اللَّهْ كُوَ يَاغَ دُونِيَا دُكَ تَا ٻَثِ، تَا كُمَ ثِكَ دَ تَاشِنْ حَنْكَلِ؞ 12اللَّهْ يَا دُوبِے دُونِيَا، غَاشِ كُوَ دُكَنْ دُونِيَا تَا ٻَثِ، غَمَا دُكَنْ یَنْ أَدَمْ سُنْ ٻَاتَ رَايُوَرْسُ عَدُونِيَا؞
شِرْيٜىٰ شِرْيٜىٰ دُواْمِنْ بَبَّرْ أَمْبَلِيَرْ ضُوَ
13سَيْ اللَّهْ يَثٜىٰ وَ نُوحُ «نَايِ نِيَّرْ كَوَرْدَ دُكَنْ حَلِتَّ مَيْ رَيْ، غَمَا دُونِيَا تَا ثِكَ دَ تَاشِنْ حَنْكَلِ سَبُواْدَسُو؞ يَنْذُ كَمْ ذَنْهَلَكَاسُ تَرٜىٰدَ ڧَسَرْ؞ 14كَيِ وَكَنْكَ دَ عِيَلِنْكَ جِضْغِ نَكَتَكُوانْ إِتَاثٜىٰ مَيْݣَوْ، كَسَا طَكُنَ عَثِكِ، كَشَاڢٜىٰ ثِكِنْسَ دَ بَايَنْسَ دَ مَنْݣُولْتَ، دُواْمِنْ كَدَ يَيِ يُواْيُواْ؞ 15غَا يَدَّ ذَاكَيِشِ؞ كَسَا ڟَوُانْسَ ڧَڢَا طَرِے حُطُ دَ حَمْسِنْ، ڢَاطِنْسَ ڧَڢَا سَبَعِنْ دَ بِيَرْ، ڟَيِنْسَ ڧَڢَا أَرْبَعِنْ دَ بِيَرْ؞ 16كَسَا مَسَ رُڢِ، كَكُمَ بَادَ ڢِيلِ مَيْڧَڢَ طَيَ دَ رَبِے ڟَكَانِنْ رُڢِنْ دَ غٜىٰڢٜىٰنْ جِضْغٍ؞ كَغِنَاشِ هَوَ عُكُ، كَكُمَسَا ڧُواْڢَ أَغٜىٰڢٜىٰ؞ 17غَاشِ، نِے ذَنْعَيْكَ دَ بَبَّرْ أَمْبَلِيَرْ ضُوَ عَدُونِيَا، وَدَّ ذَاتَ هَلَّكَ كُواْوَثٜىٰ حَلِتَّ مَيْ رَيْ عَڧَرْڧَشِنْ سَمَ؞ كُواْوَنٜىٰ أَبُ عَدُونِيَا ذَيْ مُتُ؞ 18عَمَّا إِنَ كَڢَ يَرْجٜىٰجٜىٰنِيَ دَكَيْ ثٜىٰوَ ذَاكَ شِغَ جِضْغٍ دَكَيْ دَ مَاتَرْكَ دَ یَیَنْكَ دَ مَاتَانْ یَیَنْكَ؞ 19دَغَ كُواْوَثٜىٰ حَلِتَّ مَيْ رَيْ دَغَ كُواْوَنٜىٰ إِرِنْ دَبَّ ذَاكَ شِغَرْ دَسُو بِيُ بِيُ ثِكِنْ جِضْغٍ، كُواْوَنّٜىٰنْسُ نَمِجِ دَ تَمَثٜىٰ، دُواْمِنْ عَبَرْسُدَ رَيْ تَرٜىٰدَكَيْ؞ 20دَغَ كُواْوَنٜىٰ إِرِنْ ڟُنْڟُ دَغَ كُواْوَنٜىٰ إِرِنْ دَبَّ دَغَ كُمَ كُواْوَنٜىٰ إِرِنْ أَبُ مَيْ رَرَّڢٜىٰ عَڧَسَا، بِيُ بِيُ ذَاسُذُواْ سُشِغَ تَرٜىٰدَكَيْ دُواْمِنْ عَبَرْسُدَ رَيْ؞ 21كَتَتَّارَ كَأَجِيٜىٰ كُواْوَنٜىٰ إِرِنْ عَبِنْثِنْ دَ عَكٜىٰ بُڧَاتَ عَثِكِنْ جِضْغٍ، دُواْمِنْ كَنْكَ دَ سَوْرَنْ حَلِتُّو مَاسُ رَيْ؞» 22نُوحُ كُوَ يَيِ كُواْمٜىٰ دَيْدَيْ يَدَّ اللَّهْ يَعُمَرْثٜىٰشِ؞#إِبْرَ 11.7
હાલમાં પસંદ કરેલ:
ڢَارَوَ 6: hauAS
Highlight
શેર કરો
નકલ કરો
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020