Mateo 1
1
Shihemunwino sha Yeshu Kilishitu
(Luka 3:23-38)
1Ou niwo muhoko wa mazina a lihumo lya Yeshu Kilishitu, mwana Ndavita, mwana Abulahama.*
2Abulahama wengile tata Ishake, na Ishake wengile tata Yakobo. Yakobo wengile tata Yunda na bawushinda wendi. 3Yunda wengile tata Pelizi na Zela mandiyabo wengile Tamale. Pelizi wengile tata Heziloni, Heziloni wengile tata Lamu. 4Lama wengile tata Aminandabe, Aminandabe wengile tata Nahishoni. Nahishoni wengile tata Shalimoni. 5Shalimoni wengile tata Mbowashi, mandiyendi wengile Lahabi. Mbowashi wengile tata Obende, mandiyendi wengile Lute. Obende wengile tata Njeshi. 6Pe Njeshi wengile tata mwene Ndavita.
Ndavita wengile tata Sholomoni, mandiyendi wengile mukaza Uliya. 7Sholomoni wengile tata Lehobowami, Lehobowami wengile tata Abiya. Abiya wengile tata Asa, 8Asa wengile tata Yehoshafwati. Yehoshafwati wengile tata Yeholama. Yeholama wengile tata Uziya. 9Uziya wengile tata Yotamo, Yotamo wengile tata Ahazi. Ahazi wengile tata Hezekiya, 10Hezekiya wengile tata Manashe. Manashe wengile tata Amoni, Amoni wengile tata Yoshiya. 11#2 Bamy 24:14-15; 2 Bya 36:10; Yel 27:20. Pe Yoshiya wengile tata Yekoniya na bawushinda wendi, ha shikati shiya batwaliwile mu wuntapwa ku Mbambiloni.
12Munyima yakutwaliwa mu wuntapwa ku Mbambiloni, Yekoniya wengile tata Shelatiyele, Shelatiyele wengile tata Zelubabele. 13Zelubabele wengile tata Abiyundi, Abiyundi wengile tata Eliyakimu, Eliyakimu wengile tata Azole, 14Azole wengile tata Zandoka. Zandoka wengile tata Akimu, Akimu wengile tata Eliyundi. 15Eliyundi wengile tata Eliyazala, Eliyazala wengile tata Matani. Matani wengile tata Yakobo, 16Yakobo wengile tata Yoshefwa, ou wengile mukokwa Maliya,* ou wabelekele Yeshu, ukutumbiwa Kilishitu.*
17Nohobene kubalika kuli Abulahama kuleta kuli Ndavita kwengile mikoka likumi na inaa, kami kubalika kuli Ndavita kuleta kukutwaliwa mu wuntapwa ku Mbambiloni, kwengile mikoka likumi na inaa. Kami kufuma kukutwaliwa mu wuntapwa, kukuma kushikati shakuhemuwa kwa Kilishitu kwengile mikoka likumi na inaa.
Kuhemuwa kwa Yeshu Kilishitu
(Luka 2:1-7)
18 #
Luk 1:27. Kuhemuwa kwa Yeshu Kilishitu kwekalile nehe. Maliya bamubalikilile kuli Yoshefwa, oho shilolo baliyeke, wawaniwile ngayi uli na livumo lya ku Moyo Wakuyela. 19Haya mukokwendi Yoshefwa wengile mulume mukakutenda byakwoloka, kaliha washingile kumuyuvwisha lisheni ku bantu, nohobene wekalile na bihanganiko bya kuleha kumuyeka kuwi. 20Ngoboni oho ekalile na bihanganiko byanoho, lingeloyi lya Mwene lya limonekeshele kukwendi mu mulo, pe wambile ngayi, “Obe Yoshefwa mwana Ndavita, hinga utina kuyeka mukazobe Maliya. Ndaba eshe shinamwimitishi shakufuma ku Moyo Wakuyela. 21Ukabeleka mwana wa mulume, pe ukamutumba ngayi Yeshu, ndaba niye ukalamwina bantu bendi ku wubi wabo.”
22Haya ebye nimwabyo byamonekele ngayi kutendiwe ebye ambile Mwene muli muluwe* ngayi, 23#Isha 7:14. “Kankanga ukemita, pe ukabeleka mwana wa mulume, pe ukatumbiwa ngayi Emanuwele,” (kutontolola ngayi, “Nyambi uli nanetu”).
24Oho Yoshefwa apindukile, wayekele Maliya, ngonehe amutongwezele lingeloyi lya Mwene, 25#Luk 2:21. ngoboni kaliha waliwanine nendi hantu noho abelekele mwanendi wa mulume. Pe Yoshefwa wamutumbile ngayi Yeshu.
હાલમાં પસંદ કરેલ:
Mateo 1: KK2008
Highlight
શેર કરો
નકલ કરો
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.
