Yohané 17

Le'te Nsi Yésu num ben tse

(Yoha. 13.1)

1Yésu tshob ndùlala mbù' miag mi mfe kamànyam, ntshob ndù: Tà, ngelaṅ ku'u, kuni Mén o, ndùlala ndù Mén o kuni o. 2Mb'o na' mfà ngù' yi num njoṅ benntùn fa, ndùlala ndù njoṅ i fa ts'o fà yi là, a fà yôg matmat bo là. 3Là yen ni b'a yôg matmat ndù bo lèn o, wù z'o be nda' ta' Nsi ntshù' ze nenùn nà, mba mèn z'o tum i là, Yésu Kristô. 4Me lo kuni o num nsitsha' mba m'a miagte fa' s'o na' mfà me ndù me fa' là. 5Ndonni, wù Tà, kuni àm mbaṅ tu wul o lèn nkuni mi me ghù mbaṅ o, kà njù njôg mbe là.

6M'a la'te lén so benntùn ts'o na' mfà yub me ntùm njù là. Bo na' mb'a ben tsho, o lo fà yub me, bo lé' ntshob mu. 7Ndonni bo lèn ndù njoṅ tshu fa ts'o na' mfà me là fe à wù. 8Nummbe me lo fà ntshob mi o fà me là bo. Bo kwé ndèn kua' nenùn ndù me fe à mbaṅ o, mbam ndù a b'a wù bèn ntum àm.

9Me ke nde't'a num bo, me ke ke nde't'a num njù, là num ben ts'o na' mfà me là, nummbe bo b'a ben tsho. 10Njoṅ tshu tshàm fa b'a tsho; njoṅ tshu tsho fa b'a tshàm, nkuni màm à tswite wul i num bo. 11Me ke' bèn mb'a ntùm njù, là bo b'a ntùm njù; mba me là me tshwèt nse' tèl o. Tà ze nelàn, lé' ben ts'o na' mfà yub me là ntùm lén su, ndùlala ndù bo be ntshù' ndaṅndaṅ mba be là. 12Ngelaṅ #Yobk. 41.9; Yoha. 13.18me be bag à bo là, me lo lé' ben ts'o na' mfà yub me là ntùm lén su. Me lo zi tshùalo num bo, sàm mèn netèt bo ke' bi, mb'a nda' mèn nebi, ndùlala ndù ṅwa'ni Nsi bumte. 13Là ndonni me tshwèt nse' tèl o, me ke ntshob tshen tshu li à ntùm njù, ndù bo ghù yàm tsiaṅte a dun num bo. 14Me lo fà ntshob mu bo, njù mbàn yube, nummbe bo ke' b'a ba ntùm njù, mba tu wul àm, me ke' b'a ze ntùm njù là.

15Me ke ke nde't'a ndù o sô yub ntùm njù, là ndù o lé' yub num nukebwô. 16Bo ke' b'a ba ntùm njù, mba mba tu wul àm me ke' b'a ze ntùm njù là. 17Lànte yub ntùm nenùne; ntshob mu b'a nenùne. 18Mb'o tum àm ntùm njù là, tu wul àm, me tum yub yàm ntùm njù. 19Me lànte tu wul àm à num bo, ndùlala ndù mba bo yub be nelàn ntùm nenùne.

20Là me ke ke nde't'a nda' num tshen ben ni, là mba num ben tse bo nsi tshùa num ntshob mub bam nà, 21ndùlala ndù njoṅ yub fa be ntshù', ndaṅndaṅ mba wù Tà be num àm, mba me be num o là, mba bo yub be num be, ndùlala ndù njù bam ndù a b'a wù bèn ntum àm. 22Nkuni mi o fà me là, me lo fà bo, ndùlala ndù bo be ntshù', mba be be ntshù' là. 23Me num bo, wù num àm, ndùlala ndù yub nebe ntshù' zwiagte, ndùlala ndù njù lèn ndù a b'a wù bèn ntum àm, mba ndù o be nkô yub mb'o num nkô àm nà. 24Tà, ben ts'o fà me là, me kô ndù dù' ze me be bwe là, mba bo be yub bwe bag à bo, ndùlala ndù bo yen nkuni màm mi o fà me là. Nummbe o lo kô àm kà nenabte njù mbe.

25Tà ze netsin, ṅ njù ke' lèn o, là me lèn o, tshen ben ni bèn ndèn ndù a b'a wù bèn ntum àm. 26Me lo ghù bo lèn lén so, me nsi bèn ghù bo lène, ndùlala ndù nkôni z'o kô àm yi là be num bo, mba me yàm be num bo.

હાલમાં પસંદ કરેલ:

Yohané 17: BMa

Highlight

શેર કરો

નકલ કરો