MI CILIMA 15
15
1Laa bonla kuli n den pendi, Li Miali Diedo den maadi leni Abalama li bonlekaala nni ki yedi o: «Abalama, ŋan da jie, n tie apo a gbankoandigu, ŋan baa baa yaa panpaani baa yaa yaba boncianla.»
2-3Abalama den goa ki yedi: «N Diedo, Li Miali Diedo ŋan baa pa nni yaala pia npo mi laa fuome ke n caa ki baa kpe kaa pia biga? Lanwani yua baa tua min pia yaala kuli yaa faajielo baa tua Damasa dogu yua Elieseli n yonbo yeni.»
4Lanwani Li Miali Diedo go den maadi leni o ki yedi mine: «Laa tie wani ka baa tua a faajielo, ama li baa tie a bimadiga yua n baa ña a tugu nni, wani n baa tua a faajielo.»
5O den teni ke o ñani o gbandieli nni ki yedi o: «Diidi tanpoli ŋmabila ki coadi ŋa, a yaa sua ke a baa fidi.» O go den yedi o: «A puoliŋuani baa yaba yeni.»#Lom 4.18; Ebl 11.12
6Abalama den daani Li Miali Diedo yedima po, lani yaa po Li Miali Diedo den coadi opo la ke li tie teginma.#Lom 4.3; Gal 3.6; Jak 2.23 7Li Miali Diedo go den yedi o: «N tie Li Miali Diedo yua n den teni ke a ñani Ula po Kalide diema nni ki baa pa ŋa ŋan diedi mi naa diema.» 8Abalama den goa ki yedi o: «N Diedo, Li Miali Diedo, n baa bandi ke n baa diedi ma lede?»
9Li Miali Diedo den goa yedi o: «Ŋan taa yaa naasalo n pia bina taa ki go taa yaa ŋuasalo n pia bina taa ki go taa yaa petonli n pia bina taa leni kpaajefanyenga, leni kpaajenawuunyengu.»
10Abalama den taa laa yandi kuli ki yagidi ti siiga ki bili boagidima kuli man teli mi yama. Ama waa den yagidi ti bonyugiditi. 11I yobili den cua ki jiidi ti nandi po, ama Abalama den deli ba.
12U yienu n den bua ki baa yaa yogunu mi goacianma den cuo Abalama, li biigicianli den baa, ti jawaanciandi mo den cuo o.#Job 4.13,14 13Li Miali Diedo den yedi Abalama: «Ŋan bandi ke a puoliŋuani baa ti faa ki kali diemaba nni ki yaa tie canba. Bi baa tua yonbi laa diema nni ban waani ba fala hali bina kobinaa.#Ñam 1.1-14; JTT 7.6 14Ama n baa faligi yaa nibuolu n baa teni ban tua i yonbi yeni, bi baa yaa pia mi piama boncianla.#Ñam 12.40-41; JTT 7.7 15Ama fini a baa podi bonŋanla ke a yema mo n yaa mani. A yaa ti kpe yaa yogunu, a baa kuni a baanba kani leni mi yanduanma. Bi baa piini a, ŋan guani a danba kani. 16Nifiima naa yaa yogunu, bi baa guani ki yaa ye nekanba kelima li baa sua ke Amola yaaba biadima yabidi ki tuoni mi bianu.»
17U yienu n den baa ki gbeni yaa yogunu ke li bii cain, o den laa ki buaga ke ki ña i muñii, ki go laa i mukaani ke yi pendi ti yanyagidikaadi yaa siiga. 18Laa daali denge ke Li Miali Diedo den kuani o *ŋantaado leni Abalama ki yedi o: «N puni a yaa yaabila mi naa diema ki cili Ejipiti yaa kpenu ki gedi hali u kpenciamu, lani n tie Yufilata.#JTT 7.5 19Laa diema kuli tie Kena yaaba yaa diema leni Kenisa yaaba leni Kadoma yaaba, 20leni Heta yaaba leni Felesa yaaba leni Lefayima yaaba, 21leni Amola yaaba leni Kanana yaaba leni Giligasa yaaba leni Jebusa yaaba yaa diema kuli.»
Isimayeli madi yaa maama
હાલમાં પસંદ કરેલ:
MI CILIMA 15: GUX03
Highlight
શેર કરો
નકલ કરો
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.