NITRITI 10
10
Yo di intun Nuh nipmot bat nya him
(1Taw. 1:5-23)
1Nuh nipmot bat di intun noni him inyeng rino Sem kin Ham kin Yafet. Niabiati minyei po su pima pingge hanyen lene ibou ningai dini ibon ipmot bat nya bu.
2Yafet nimunggwom bat di intun noni him inyeng rino Gomer kin Magog kin Madai kin Yawan kin Tubal kin Mesekh kin Tiras. 3Yo di intun Gomer him ne timiei minu Askenas kin Rifat kin Togarma nya ri. 4Yo di intun Yawan him ne timiei minu Elisa kin Spanyol kin Siprus kin Rodes nya ri. 5Yo dini inok pung dino yo di ibong mukti kin mios nya yahagom intun him.
Ba, yahagom intun Yafet him leu api ikwas yam bit leu ide keret nya kin ide minu nya cem lewo bikwop keret dini ighyet ter leu yam.
6Ham nimunggwom bat di intun noni him inyeng rino Kus kin Mesir kin Libia kin Kanaan. 7Yo di intun Kus him ne timiei minu Seba kin Hawila kin Sabta kin Raema kin Sabtekha ri. Yo di intun Raema him ne timiei minu Syeba kin Dedan ri. 8Lene Kus yai nipmot Nimrod ba, noni ne ningim kan cig di nimbie him ngat dor njiriek nindigsi nya ri. 9Noni ngim igkei tug hon tuhan de nisindemti. Gima rino tungwatu itri tut “Nna ba tuhan bindei ba, angim igkei dem kep nok Nimrod.” 10Habiei ei nimbie him lene Nimrod ninyeng tak kep Babel kin Erekh kin Akad ba, minu ndig ningai dini jo ei minu Babilonia. 11Lene Nimrod jo leu minu dima buug ei minu Asyur biwin minu ndig nijep nya ei Niniwe kin Rehobot-Ir kin Kalah, 12kin Resen ba, Resen jo ei Niniwe kin Kalah nikieti. Minu ndig dini yok hagom nindig krop.
13Yo di intun Mesir him ne timiei minu Lidia kin Anamim kin Lehabim kin Naftuhim, 14kin Patrusim kin Kasluhim kin Kaftorim nya ba, mben Kasluhim inok pung di mben Filistin intun him.
15Lene Kanaan nipmot mighumbou ninyeng Sidon ba, nikinjoi ninyeng Het. 16Kanaan nok pung di mben Yebusi kin mben Amori kin mben Girgasi, 17kin mben Hewi kin mben Arki kin mben Sini, 18kin mben Arwadi kin mben Semari kin mben Hamati yahagom intun him ri. Yo di intun Kanaan him ikieng kep minu dima hagom. 19Apino ide hanjop nsi jo ei Sidon nite bei mpia nibiho kikau ug bipek kin Gerar kin Gaza kikau ug bipek kin Sodom kin Gomora kin Adma kin Zeboim ba, nohon keti jo dideu Lasa.
20Yo dini yahagom intun Ham him ba, ikwas yam bit leu ide keret nya kin ide minu nya cem lewo bikwop keret dini ighyet ter leu yam.
21Lene Yafet nikindig Sem nok pung di mben Ibrani yahagom intun him. 22Sem nipmot bat nya inyeng rino Elam kin Asyur kin Arpakhsad kin Lud kin Aram. 23Aram de nintun him yamti di bram yam nya rino timiei minu Us kin Hul kin Geter kin Mas nya ri. 24Arpakhsad nipmot ninyeng Selah ba, Selah nipmot ninyeng Eber. 25Lene Eber yai nipmot bat nya ibou can. Gi mighumbou ninyeng Peleg lewo tirigi nide njap ngwig hon bigyo lene tungwatu ikwas yam bintek gimahap. Lene Peleg nikinjoi ninyeng Yoktan. 26Yoktan de nintun him yamti di bram yam nya ne timiei minu Almodad kin Selef kin Hazar-Mawet kin Yerah, 27kin Hadoram kin Uzal kin Dikla, 28kin Obal kin Abimael kin Syeba, 29kin Ofir kin Hawila kin Yobab nya rin ba, yahagom intun Yoktan him. 30Ide minu bon hanjop nsi di nyan bibor ei Mesa kikau ug bipek kin Sefar ei nungug him nite bei mpia nipriti.
31Ba, yahagom ne Sem de nintun him yamti di bram yam nya ri. Ikwas yam bit leu ide keret nya kin ide minu nya cem lewo bikwop keret dini ighyet ter leu yam.
32Yo dini yahagom ne Nuh de nintun him yamti di bram yam bit leu nok ide keret hi gom hi gom tug hon idigup bat-idigai bat nya hi gom hi gom ri. Yo dini inok pung di mben dihyeisi dini hagom intun him ba, ikieng kep minu dima hagom niabiati minyei po su pima pingge leu dihyei ninjek dip tu.
હાલમાં પસંદ કરેલ:
NITRITI 10: HAD
Highlight
શેર કરો
નકલ કરો
Want to have your highlights saved across all your devices? Sign up or sign in