MATIUS 6
6
Hal melei sedekeak
1“Ingetba jibeak udi menea periteak agamo neak adep dau tun utuk keneliak tun. Udi coa bakea dapet upeak (amal) kunei Baknu neak surgo, amen udi menea awei'o. #Mat. 23:5
2Amen udi melei sedekeak ngen tun peset, jibeak melei namen tun dau tetang hal'o awei de tun munafik. Tobo'o menea neak umeak semyang ngen dalen lai utuk nujai tun. Ingetba tobo'o dapet upeakne. 3Tapi amen udi melei sedekeak, keleiba seca'o diem-diem, jibeak sapei tun namen. 4Kunyauba tun luyen coa namen pelep nu'o, seluyen Baknu neak surgo'o Si kemliak plepnu de coa keten, ngen Si bakea melei upeak ngen ko.”
Hal bedu'o
(Luk. 11:2-4)
5 #
Luk. 18:10-14
“Amen udi bedu'o, jibeakba bedu'o awei tun munafik, tobo'o galok bedu'o je neak lem umeak semyang ngen sipang-sipang dalen lai, kunyau tun namen, ingetba do'o upeak de bi temimo. 6Tapi amen udi bedu'o, moiba lem biliknu, katubba bang ngen bedu'oba ngen Baknu de coa keten'o. Baknu de kemliak plepnu coa keten bakea melei upeak ngennu.
7Amen udi bedu'o jibeakba miling ngen awei tun-tun de coa kenal Tuhan. Tobo'o sako, amen du'one panjang mako jano de tobo'o minoi bakea teni'uk. 8Jibeakba udi awei tobo'o. Baknu bi namen jano de udi perlu, ayok udi minoine. 9Kerno'o bedu'oba awei yo:
‘Bak keme neak surgo:
coa ade Allah seluyen ko.
Kirone Ko senbeak ngen nehormat.
10Ko ba Rajo keme.
Kirone Ko mriteak neak bumai
ngen neak Surgo.
11Keleiba bilai yo kembuk segenepne
de keme perlu.
12Napunba keme kunei saleak keme,
awei keme kulo sudo melei apun ngen tun
de besaleak ngen keme.
13Jibeak muyau keme coa pecayo waktau keme cenuba.
tapi ne'uakba keme kunei kuaso Iblis.
[Koba Rajo de kuaso ngen mulio utuk selamone. Amin.]’
14 #
Mrk. 11:25-26
Amen udi mapun tun besaleak ngen ko, Baknu neak surgo bakea mapun udi kulo. 15Tapi amen udi coa melei apun ngen tun luyen, Baknu kulo coa bakea mapun saleaknu.”
Hal puaso
16“Amen udi puaso, jibeakba papeanu murung awei tun munafik. Tobo'o sengajo kemten papea murung kunyau tun kemliak amen tobo'o dong puaso. Do'oba upeak de tobo'o bi temimo. 17Tapi amen udi puaso, nepukba papeanu ngen senikekba buknu, 18kunyau coa kemliak tun amen ko dong puaso, meluyen Baknu de coa keten'o bae. Si kemliak plepnu de coa keten ngen bakea melei upeak ngen ko.”
Harto neak surgo
(Luk. 12:33-34)
19 #
Yak. 5:2-3
“Jibeakba udi melungguk harto utuk dirainu neak bumai; olok menget musakne ngen tukang maling teko utuk malingne. 20Tapi melunggukba hartonu neak surgo; neak di olok menget coa nam musakne ngen tukang maling coa nam malingne. 21Kerno neak ipe hartonu ade, neak di kulo ateinu!”
Te'ang utuk awok
(Luk. 11:34-36)
22“Matai adeba lapu de tem'ang awok. Amen matainu te'ang kute awoknu te'ang becayo. 23Tap amen matainu pudea, kute awoknu kembiak gelep. Amen lapu neak lem awoknu gelep, padeak kembiak gelepne do'o!”
Allah ngen harto
(Luk. 16:13, 12:22-31)
24“Coa ade do tun dapet kerjo ngen duai tuan. Sebab si lebiak mengasiak de do kunei de luyen atau si lebiak setia ngen tuan de do kunei pado de luyen. Awei yo kulo ngen udi. Udi coa dapet kerjo utuk Allah ngen harto.
25Kerno'o ingetba; jibeakba renyeng tetang idupne, jano de lok udi mbuk ngen menem atau jano de lok udi makei. Iso ka idup lebiak kunei kembuk ngen awok lebiak kunei keracok au coa? 26Denongba burung-burung neak lenget, de coa tembea ngen manen, coa melungguk asea panen neak lem tuoa. Tapi Baknu jemago tobo'o! Udi lebiak bodong kunei burung-burung'o, au coa? 27Api neak antaro udi de kerno kerenyengne dapet manjang omorne kunyau didik?
28Getai udi renyeng tetang keracoknu? Kenliakba bungai bungai de baes idup liea neak kebun imbo. Bungai-bungai'o coa kerjo ngen coa menea keracokne dewek. 29#1Raj. 10:4-7; 2Taw. 9:3-6 Tapi Rajo Salomo de kembiak kayo, coa makeai keracok seba'es bungai-bungai'o! 30Dukut neak imbo temuak tapi men nemben abis, tapi Allah merias dukut'o kembiak baes. Jano igai udi! Tapi udi coa pecayo! 31Kerno'o jibeakba udi renyeng, ngen madeak, ‘Jano de bakea ite mbuk’ atau ‘menem’, atau ‘jano de bakea ite makei’? 32Hal-hal'oba de mesoa tun-tun de kemnal Allah. Tapi Baknu de neak Surgo namen, amen udi perlu kutene'o. 33Tapi kesoaba kileak supayo Kerajaan Allah mriteak das idupnu ngen meneaba kelokne. Mako Allah bakea melei hal-hal de luyenne ngen ko. 34Kerno'o jibeakba renyeng tetang bilai men, sebab bilai men ade.”
હાલમાં પસંદ કરેલ:
MATIUS 6: REJ
Highlight
શેર કરો
નકલ કરો
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
