MATIUS 11
11
Utusan Yohanes Pembaptis
(Luk. 7:18-35)
1Sesudo Yesus melei petunjuk ngen keduai belas penotoa-Ne, Si teminggea penan'o. Si lalau majea ngen semiar kabar kunei Allah neak kota-kota de pa'ok neak di.
2Yohanes Pembaptis gi dong neak sel temi'uk tetang kerjo Kristus, lajau si meluak penotoa-penotoane lalau ngen Yesus utuk betanye, 3“Jano Bak tun de bakea teko temurut janjai Allah'o, atau haruskah keme mbot tun luyen?”
4Yesus jemawab, “Lalauba belek ngen Yohanes ngen melei namen jano de udi tem'iuk ngen kemliak: 5#Yes. 35:5-6, 61:1 Tun buto kemliak, tun pakuak paneu, tun de temuan olon babok de kembiak saben ite kemliakne ka'en;#11:5 temuan olon babok de menyaben: Lih. 8:2. tun setiuk temi'uk, tun matei idup igai, ngen Bito Baik kunei Allah senapei ngen tun peset. 6Kirone Tuhan melei rahmat ngen tun de coa temulok Uku!”
7Sesudo utusan-utusan Yohanes lalau, Yesus muloi miling ngen tun dau'o tetang Yohanes, nadeak-Ne, “Udi lalau moi padang pasir utuk kemliak jano? Jano utuk kemliak dukut de genuyang ibut? 8Udi lalau utuk kemliak jano? Jano kemliak tun de makei keracok baes? Tun-tun de makei keracok baes tinggea neak umeak rajo! 9Jijai getai udi lalau moi padang pasir? Jano utuk kemliak suang nebai? Benea, malah lebiak kunei nebai. 10#Mal. 3:1 Kerno tetang Yohanes'oba de tenulis lem ayat Kiteb Ade yo,
‘Dioba utusan-Ku, nadeak Allah,
Uku nutus si lebiak dute kunei Ko,
supayo si mukok dalen utuk-Nu.’
11Ingetba! Neak dunio yo coa perneak ade tun de lebiak lai kunei Yohanes Pembaptis. Tapi tun de kembiak titik neak antaro umat Allah lebiak lai kunei Yohanes. 12#Luk. 16:16 Muloi pado waktau Yohanes kemabar beritane sapei uyo, umat Allah tenetang, ngen tun-tun de berusaho kemuasone seca'o pakso. 13Sapei tekone Yohanes kute hukum Musa ngen ajaran nebai-nebai semapei hal-hal de harus tejijai. 14#Mal. 4:5; Mat. 17:10-13; Mrk. 9:11-13 Amen udi lok pecayo, Yohanes'oba Elia, de tekone sudo nadeak bakea tejijai. 15Api temuan tiuk, teni'uk ba.
16Ngen jano dapet harus Kuumpamo tun-tun zaman uyo? Tobo'o awei anok-anok de temot neak pasar. Tobo'o mengang ngen de luyen, 17‘Keme kembus suling legau riang utuk udi, tapi udi coa lok na'ai! Keme nyanyi legau sedih, tapi udi coa lok ngindoi!’ 18Yohanes teko si puaso ngen coa menem anggur; ngen tun-tun madeak, ‘Si pasuk semat!’ 19Uyo Anok Manusia teko, Si mukmei ngen menem ngen tun-tun madeak, ‘Keliak tun'o! Rakus, pemabuk, kuat tukang penagiak pajak ngen tun beduso.’ Tapi kepacok Allah tebukti kunei asea-asea-Ne.”
Kota-kota de coa pecayo
(Luk. 10:13-15)
20Lajau Yesus muloi kemutuk kota-kota, neak ipe Si dau menea mujizat. Sebab tun-tun neak kota-kota'o coa lok betobat kunei duso-dusone. 21#Yes. 23:1-18; Yeh. 26:1–28:26; Yl. 3:4-8; Am. 1:9-10; Za. 9:2-4 “Celako ko, Korazim! Ngen celako kulo, Betsaida! Seandaine mujizat-mujizat de nea neak antaronu sudo menea neak Tirus ngen Sidon, sahe tun-tun neak di bi an betobat kunei duso-duso tobo'o ngen makei keracok duko serto mpek abau moi das ulau. 22Ingetba, pado Bilai Kiamat, tun-tun kota Tirus ngen Sidon bakea lebiak mudeak napun Allah kune udi! 23#Kej. 19:24-28; Yes. 14:13-15 Ngen ko Kapernaum! Jano ko bakea nlekat sapei moi surgo? Coa! Malah ko bakea nuang moi nerako! Sebab seandaine mujizat-mujizat de nea neak antaronu'o sudo nea neak Sodom, Sodom'o masiak ade sapei uyo! 24#Mat. 10:15; Luk. 10:12 Ingetba, pado Bilai Kiamat, tun Sodom bakea lebiak mudeak napun Allah kunei udi!”
Tekoba ngen Uku
(Luk. 10:21-22)
25Pado waktau'o Yesus bedu'o, “Bapa, Tuhan de kemuaso lenget ngen bumai! Uku mucep syukur ngen-Ko, kerno kutene'o Ko mresione kunei tun-tun pacok ngen pitar, tapi Ko melei namen ngen tun-tun biaso. 26Do'oba de semnang atei Bak.”
27 #
Yoh. 3:35, 1:18, 10:15 Lajau Yesus madeak, kute bi senreak Bak utuk-Ku, “Coa su'ang tun kemnal Anok seluyen Bak. Coa gen kulo de kemnal Bak seluyen Anok ngen tun-tun de niliak Anok'o utuk nelei namen api sebeneane Bak.
28Tekoba ngen Uku kute de litok ngen meding benekne ban; Uku bakea semgar udi. 29#Yer. 6:16 Totoaba periteak-Ku ngen belajeaba kunei pado-Ku. Sebab Uku yo lemah lembut ngen rendeak atei, mako udi bakea meding segar. 30Kerno periteak-periteak-Ku semnang, ngen ban de Uku pek neak das baunu lengan.”
હાલમાં પસંદ કરેલ:
MATIUS 11: REJ
Highlight
શેર કરો
નકલ કરો
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
