Genesisi 9
9
Txizimu txi maha txitumelelano ni Nowa
1 # Wona ni ka: Gen. 1:28. Se Txizimu txi to katekisa Nowa ni vanana vakwe, txi va gela tiya:
“Velekani, mi anda mi tata mafu. 2Sihari sotshe sa ha mafuni, ni sotshe sinyana sa nzuma, ni sotshe si si tsimbilatsimbilako ha mafuni, ni sotshe sihaka sa mu lineneni, si na mi thava ni kudhudhumela. Sona na si ningela manzani kwanu. 3Sotshe si si tsimbilatsimbilako, si ku ni wutomi, si na va i di sakudya sanu, sotsheso na mi ninga, kufana ni ku ni nga mi ninga sotshe similwa si si hanyako. 4#Wona ni ka: Levh. 7:26-27; 17:10-14; 19:26; Dhewut. 12:16,23; 15:23. Aniko mi nga dyeni nyama ni mnoha wa yona, nguko mnoha mbutomi. 5Ngu ditshuri ni na lava mnoha wanu, ngako mnoha wa m'thu wu txi theketwa, ni na maha ti to wu dihwa. Hambi i di txihari txi wu theketako, mwendo i m'thu a wu theketako, ni na wu dihisa. 6#Wona ni ka: Eks. 20:13. Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.
7 # Wona ni ka: Gen. 1:28. Anu velekelani mi anda; tatani mafu mi txi hangalaka ka ona.”
8Txizimu txi to kha txona ka Nowa ni ka vanana vakwe:
9“Wonani, na tsanisa Txitumelelano txangu ni nanu, kumweko ni vanana vanu, ava va no velekwa msana kwanu, 10ni sotshe#9:10 Mwendo: sivangwa. sivangwa si si hanyako, si ku ni nanu, sinyana, sihari so fuywa, sotshe sihari sa txitinga, sotshe si si nga huma ngu ngalavani kumweko ni nanu, sotshe sihari sa ha mafuni. 11Se ni na tsanisa Txitumelelano txangu ni nanu, sotshe si si kuho, kha si na mbi ngadi si hihiritwa kambe ngu mati a ndambi. Kha ku na mbi vaho kambe ndambi yo lovisa ditiko.” 12Se Txizimu txi to kha txona: “Txikombiso txa Txitumelelano txi ni txi mahako hagari kwangu ni nanu, ni sotshe sivangwa si mi ku naso, ni votshe vanana va liveleko la ka kwanu, va masiku awa matako, ngu txiya: 13Ni vekile wulaho wangu marefuni, wu na maha txikombiso txa Txitumelelano, hagari kwangu ni mafu. 14Ngako ni txi wuyisa marefu txitimwi ka mafu, se ku txi woneka wulaho marefuni, 15sekoko ni na alakanya Txitumelelano txangu, txi ku hagari kwangu ni nanu, ni sotshe si si hanyako ha mafuni. Konaho mati kha ma na mbiswa ma txi maha ndambi ya kufuvisa sotshe sivangwa. 16Ngako wulaho wa nzumani wu di ha mafuni, ani ni na wu wona, ni txi alakanya mhaka ya Txitumelelano txo mbi guma, atxi txi kuho hagari kwangu ani Txizimu, ni sotshe sivangwa si si hanyako ha mafuni.” 17Se Txizimu txi to kha txona ka Nowa: “Atxiya njikombiso txa Txitumelelano ni txi mahako hagari kwangu ni sotshe sivangwa so hanya, si kuho ha mafuni.”
Nowa ni vanana vakwe
18Se vanana va Nowa, va nga huma ngu mu ngalavani, i Semi, Kame ni Jafete. Kame i tate wa Kanana. 19Ava vavararu, ngu vona vanana va Nowa, se kukhukhela kwawe kuhumile vathu va va nga aka ka otshe mafu.
20Se Nowa a to maha m'dimi wa mafu, e phaya mivhinya. 21Kambe a to sela vhinya e leva, eza eya otela a sa ambala txilo, mu ditendani kwakwe. 22Kame, tate wa Kanana, a woni tate wakwe i di tximbwiri, a to ya zivisa vanawe vavambidi, hahanze. 23Sekoko Semi ni Jafete va to teka didhamba, ve di kapeka ha makata kwawe, ve tshuketela tate wawe ngu nyatxisane, veya fenengeta tate wawe tikhohe tawe ti di tshemberekile ti wona phuho. Ngu mhaka yeto, kha va wona wumbwiri wa tate wawe. 24Mbimo yi Nowa a nga wuka ngu kulevani kwakwe, a ti zivile tile mwanana wakwe wam'dotho a nga mmahela. 25Se Nowa a to khene:
“A na ruketelwe Kanana,
ka vanawe a na va
khumbi ya tikhumbi!”
26Se Nowa a to womba kambe, a txi khene:
“A na dhumiswe Mkoma Txizimu txa Semi,
Kanana a na mahe khumbi yakwe.
27Txizimu txi na mkulise Jafete,
kambe a na zumbe
matendani ka Semi,
Kanana a nave khumbi yakwe!”
28Se msana ka ndambi, Nowa a hanyile 350 wa malembe. 29Otshe masiku a kuhanya ka Nowa, i 950 wa malembe, se a to fa.
હાલમાં પસંદ કરેલ:
Genesisi 9: BEC2016
Highlight
શેર કરો
નકલ કરો
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.