1 Sámìɔ̀ 21
21
Dèɓé è dùà Sɔ́ɔ̀ lǝ̀
1Lɛ̀kɔ̀ɔɛ Dèɓé è nu Nɔ́ɔ̀ pɵɵ, Àhímɛ́lɛ̀ é kǝ̀ sraɓomɛ̀ káɛ píé, é Àhímɛ́lɛ̀ è nu Dèɓé gɔ̀zɛ̃ã à bũ yaà zùù àɓà, ê pɵ Dèɓé lǝ̀, “Mǝ̀kǝ̀ ɥ́ tà ɥ do káɛ, é mɛgbɛ kâ ɥ píée?”
2É Dèɓéà pɵ sraɓomɛ̀ Àhímɛ́lɛ̀ lǝ̀, “Kíŋ ɓɛɛ yà yuɔ do yà n kɔ̀là ã́ã̀ kǝ, ê pɵ n lǝ̀ ‘Kɵ́kǝ̀ mɛgbɛɛ è wɔ̃́ â yà ɥ kɔ̀là ɥ̃́ɥ̃̀ à kǝɛ gɥ́dɔ.’ Má n kóye nǝ́gɔ̃ɔ̃̀nù gbú ká kǝ nyíì yi kóye lɛdo ɓà. 3Àmɔ́ɔ̀wɔ̃̀ gɥ́ɛ mǝ̀ é ɥ gɔ̀ zɵè? Ƃò n gba blɛɛ̀ kpo sɔ́ɔ́lú ká, yaâ pɵ́ɛ pǝ ɓlɵ́ é ɥ gɔ̀ zɵɛ à nu.”
4Lɛ̀kɔ̀ɔɛ sraɓomɛ̀ yà pɵ Dèɓé lǝ̀, “Blɛɛ̀ wɛ́á gbɛ kâ n gɔ̀, kǝǝ blɛɛ̀ wó sraɓoá Aaɓi lǝ̀ɛ̀ kǝ ye. Wɔ̃́ do é mɥ́ɛ é tɔɔ é kɛ̃̀ɛ̃̀ ɓa nǝ́gɔ̃ɔ̃̀ nù ɓɛɛ wò wo dè kũ̀sɛa lewɔ̃̀ ɓàɛ̀.”
5Dèɓéà pɵ sraɓomɛ̀ lǝ̀, “Wɔ̃́dè mɥ̀, yàkǝɛ wò yia lonnù kũ yi gɔ̀ Àyé wà wɔ̃́ yà yi kɔ̀là nǝ̀ǝɛ ká. Nǝ́gɔ̃ɔ̃̀ nù ɓɛɛ wòo dèkũ̀sɛa tá gɥ́gaɥ̀zǝ̀ gɥ́, à kpókpó tá kpã̀ã̀zǝ̀ é nǝ̀ǝ gbɛ̃́ã̀nɛ̀ gɥ́a.”
6Lɛ̀ é wè pɵ́ɛ sraɓomɛ̀ è blɛɛ̀ wó sraɓoá Aaɓi lǝ̀ɛ̀ nu à lǝ̀, ɓií blɛɛ̀ wɛ́á gbɛ yaá kǝ má kǝǝ blɛɛ̀ nɔ́ é kǝ̀ Yàwɛ pɛáɛ, é wô ɓo Yàwɛ pɛá kǝ wɔ̃̀ɔ̃̀ blɛɛ̀ síézǝ̀ dɔàpĩã̀ yi wô ɓoá mɥ́ɛ ká.
7À yi ɓɛɛ káɛ Sɔ́ɔ̀a yuɔkǝmɛ̀ do é kǝ̀ nyákǝ̀ ɓláàmɛ̀nù waa mɛvà káɛ è kǝ̀ má é kǝ ɓɛàlɛ̀à Yàwɛ lǝ̀. À tɔ́ è kǝ̀ Dúɛ̀ ká, é go Ídɔ̀n sɛ̀ gɥ́.
8Dèɓéà pɵ Àhímɛ́lɛ̀ lǝ̀, “Dɥ́ wãã̀ làà gbɛ waâ ɥ gɔ̀ zɵà? Ƃií n ká nu ma làà wãã̀ kózǝpǝ̀ gbɛ ká ɓií kiŋa wɔ̃́ ɓɛɛ è kǝ̀ síèsíè.”
9Lɛ̀kɔ̀ɔɛ é sraɓomɛ̀ yà pɵ, “Félésã́ã̀mi Gòláyàa làà ɥ́ à zǝá Ílà goopíéɛ è zɵ, sɔ lɵ̀ɵ̀lɵ̀a sɥ̀ mɥ̀ é wɔàká ífɔ̀ #21.9 ífɔ̀ sɔnǝ́ é yuɔkǝ Aaɓíkɔ̀gɥ́ mɛ̀ yà dà yaa sɔlà yiɓɛ káɛ tàà. Ê kɛ̃̀ɛ̃̀ ɥ lòà sɥɛ ɓòà sɥ́, ɓií làà gbɛ wɛ́á yaâ zɵ è kã́ à ɓàɛ̀ ká.”
É Dèɓéà pɵ, “Ƃòà nu n lǝ̀. Làà gbɛ kâlɵ̀ nɛ̀ɛ̀ àyé nɛ̀ lɵ́!”
10É Dèɓé è dùà Sɔ́ɔ̀ ɓà yi ɓɛ ká é lo Ákè é Gáfì sɛ̀gɥ́ mɛ̀nùa kíŋ káɛ píé. 11Lɛ̀kɔ̀ɔɛ kíŋ Ákèa yuɔkǝmɛ̀nù wô pɵà lǝ̀, “Dèɓé é kíŋ ká sɛ́ɓɛ làɛ̀ kṹ é nɛ̀a? Waá tã́ kpòle zùò wo kólǝ̀ wòa nɛ̀ɛ̀, ‘Sɔ́ɔ̀ yà mɛ vù plǝǝ̀zǝ̀ zǝ, kǝǝ Dèɓé yà mɛ vù gɔ́ɔ̀ plǝǝ̀zǝ̀ zǝà’?”
12Dèɓé è wò nù nɛ̀ kpɔ̀ e zòɔpíé é sùò gbɔɔ kíŋ Ákè é go Gááɛ̀ lǝ̀ dèèdè. 13Àmɔ́ɔ̀wɔ̃̀ɓàɛ̀ èye wɔkɔ̀ tàbɔ̀ɔ̀ wo pɛá, éye dè kǝ̀ nɛ̀ɛ̀ somɛ̀ lɵ́, é pǝ gbɛɛ̀gbɛ bɛ̃̀ɛ̃̀ píé waa glàlí ɓà, éye lɛí kǝ̀ yaà yɔ̀ɔ̀ à ɓúàgɥ́. 14Lɛ̀kɔ̀ɔɛ Kíŋ Ákè yà pɵ yaa yuɔkǝmɛ̀nù lǝ̀, “Lɛ̀àzɵ, ka yè sáálɵ nɛ̀ɛ̀ gɔ̃ɔ̃̀ nɛ̀ɛ̀ è sozǝ̀. Mǝ̀kǝ̀ ká nuá n píée? 15Somɛ̀ sã̀ã̀ dàɥ̀ mɥ̀ n ɓà zɵà? Mǝ̀kǝ̀ kánu à ɓáá ká kǝ nyɛ̀ɛ̀ sokǝ n píékee lɛ̀ dèàɛ̀?”
હાલમાં પસંદ કરેલ:
1 Sámìɔ̀ 21: DHB
Highlight
શેર કરો
નકલ કરો
Want to have your highlights saved across all your devices? Sign up or sign in