1 Sámìɔ̀ 16
16
Nyɔ́ wrò Dèɓé tuosɥ̀
1Yàwɛ yà pɵ̀ Sámìɔ̀ lǝ̀, “Ч zòɔgɥ́ lò wɥ Sɔ́ɔ̀ mɔ́ɔ̀wɔ̃̀ã̀ yi lɛ̀ɛ̀ ɓàɛ̀? Má kɔ̀ à tò kiŋ ká Ézrɛ̀ sɛ̀ làsɥ̀ wɔ̃̀ká. Ƃò nyɔ́ ye ɓa wɥ sɵ̀ gɥ́ yà pa ɥ́ ló, a ɥ bɔ là Zɛ́sè é Bɛ́fléhɛ́ǹmi káɛ píé, ɓií má m ɓà kíŋ sɥ́ à gbɵnù son.”
2É Sámìɔ̀à pɵ, “A lòà kǝlɛ̀ ã́ã̀ lóe? Àyé Sɔ́ɔ̀ yàà maɛ, è lò n zǝ.”
Yàwɛà pɵ à lǝ̀, “Ƃò dùmu é yaá e kpɔ́ kũ̀ɛ̃̀ sɥ́ ɥ́ loá ɥ́ pɵ, ‘A nù kǝ ã́ã̀ sraɓo Yàwɛ lǝ̀.’ 3Ч́ Zɛ́sè lɔ̀ɔ̀kǝ sraɓo lɛ̀ɓà, ê kɔɔ́ɛ pǝ ɥ́ loà kǝɛ a lòà zɔ̃̀ ɥ lǝ̀. Yàkɔɔ́ɛ, ɥ lò nyɔ́ wrò mɛ á loà tɔ́pɵ ɥ lǝ̀ɛ̀ tuo.”
4Pǝ Yàwɛ è Sámìɔ̀ pã́ã́ɓoáɛ yà kǝ̀, é nu Bɛ́fléhɛ́ǹ. Nyɔàzǝ̀ wó pɵ ɓɛɛ gɥ́ɛ wó nu à gɔ̀ zɛ̃ã wo bũzùù woàsɥ̀ ká, wô pɵ, “Ч nù zòɔyàgrú káa?”
5Ê pɵ, “Zòɔyàgrú tà mɥ̀. A nù kǝ ã́ã̀ sraɓo Yàwɛ lǝ̀. Kàa dè kǝ púú ká nu kwá sra ɓɛɛ ɓo.” Lɛ̀kɔ̀ɔɛ Sámìɔ̀ è Zɛ́sè wãã̀ e gbɵnù kǝ̀ púú, é wo lɔ̀ɔ̀kǝ̀ sra ɓɛɛ là.
6Lɛ̀ wà nuɛ é Sámìɔ̀ è lɛ̀gà Élíábì là éye zòtà nɛ̀ɛ̀, “Wɔ̃́dèká mɛ Yàwɛ yààsɥ́ɛ ye é dɔàlíé ɓǝ.” 7Kǝǝ Yàwɛ yà pɵ̀ Sámìɔ̀ lǝ̀, “Kɵ́kǝ̀ ɥ́ lɛ̀gà à bũã̀zɛ̃̀ã ĩ́ĩ́ àɓà kǝ̀ gbɛ̃̀ɛ̃̀sɥ̀ làluo, ɓií má kɔ̀a, ɓií ma á Yàwɛ káɛ máá lɛ̀gà nɛ̀ɛ̀ mɛɓéì wɛ́á è lɛ̀gà. Mɛɓéì è lɛ̀gà mɛbũã̀ planzɛ̃̀ã, kǝǝ ma Yàwɛ, a lɛ̀gà mɛ zòɔgɥ́.”
8Lɛ̀kɔ̀ɔɛ Zɛ́sè è Ábínádà lɔ̀ɔ̀kǝ̀, ê kǝ̀ é bɔ Sámìɔ̀ pɛá. Ê pɵ, “Yàwɛ yaá mɛ é nɛ̀ sɥ́ pɵ́.” 9Lɛ̀kɔ̀ɔɛ Zɛ́sè yàkǝ̀ é Sámà è zìè. É Sámìɔ̀à pɵ, “Yàwɛ yaá àyé é nɛ̀ sɥ́ pɵ́.” 10Zɛ̃ã nɛ̀ɛ̀ Zɛ́sè yàkǝ̀a éye gbɵnù lɔ́ɔ́yià kǝ̀ wó bɔ Sámìɔ̀ pɛá. É Sámìɔ̀ yà pɵ à lǝ̀, “Kpɛ́í, Yàwɛ yaá mɛ wó nɛ̀ à gbɛ sɥ́.” 11Lɛ̀ yàkɔɔ́ɛ Sámìɔ̀ è Zɛ́sè lɛ̀ɛ̀kpɔ́ kǝ̀ wòa nɛ̀ɛ̀, “Nǝ́gɔ̃ɔ̃̀ nù ɓáá wò ɥ gɔ̀ zɵà?”
Zɛ́sè yà pɵ, “Wo kã̀ã̀là è zɵ, kǝǝ yà ló e zòkǝlɛ̀à ɓlánù píé píílàà.”
Sámìɔ̀à pɵ Zɛ́sè lǝ̀, “Ƃò mɛ bɔ wà mɛɛ̀, ɓií yi káló yàsɛa nyɛ̀ɛ̀ toápɵ́ nyɛ̀ɛ̀ nuá.” 12Zɛ́sè è mɛbɔàlǝ̀ é nu, é nuá kee. Dèɓé è kǝ̀ dɔ̀bĩ́ĩ́sɥ̀, à nyá è kǝ̀ ɓɔù, é à dè ɓɛ é kǝ̀ sǝ̀ gbɵ́ngbɵ̀n. Lɛ̀kɔ̀ɔɛ Yàwɛà pɵ, “Ƃò nyɔ́ wròàtuo, ɓií ye é ɓǝ.” 13Sámìɔ̀ è yaa wɥ sɵ̀ é nyɔ́ kǝ̀àgɥ́ɛ sɥ é nyɔ́ wròàtuo à legrúzǝ̀nù son. Zálɵɛ Yàwɛ Zùù è nù Dèɓé là, é kǝ̀àpíé gó yi ɓɛɛ ɓà ɥ́ ló líéɛ ká. Lɛ̀kɔ̀ɔɛ Sámìɔ̀ è yìɛ̀ e zɥ́ é lo Wrámà pɵɵ.
Dèɓé ɓà kǝ̀ Sɔ́ɔ̀ píékee sɥ̀
14À yi ɓɛɛ káɛ, Yàwɛ Zùù è kã̀ Sɔ́ɔ̀ ɓà, kǝǝ zùùyaa é Aaɓi yàbɔà píéɛ yà króɓò. 15Lɛ̀kǝ̀pɵ́ɛ Sɔ́ɔ̀a yuɔkǝ mɛ̀nù wô pɵ à lǝ̀, “Lɛ̀gà ɓǝ, zùùyaa é Aaɓi yà bɔ ɥ píéɛ è ɥ króɓolà. 16Lɛ̀ é pɵ́ɛ yi dɛn, ɓò ɓa yuɔkǝmɛ̀nù yi nɛ̀, yi pã́ã́ɓo nyíì mɛ é zìnò zǝlɛ̀dɔ sǝ̀káɛ mɛɛ̀. Yàkɔɔ́ é zùù yàà é Yàwɛ yàbɔɛ yànu ɥ làɛ̀, kǝ nyɛ̀ɛ̀ yaa zìnò ɓɛɛ zǝ, kǝ ɥ́n kǝ klêklèn zɥ́.”
17Sɔ́ɔ̀à pɵ yaa yuɔkǝmɛ̀nù lǝ̀, “Kà mɛ é zìnò zǝlɛ̀dɔ sǝ̀káɛ mɛɛ̀ ká nuá n píé.”
18Nǝ́gɔ̃ɔ̃̀zǝ̀ é kǝ̀ zòkǝ̀ Sɔ́ɔ̀ píé mɛ̀nù waa mɛdo káɛ ê pɵ, “Lɛ̀gà, má Bɛ́fléhɛ́ǹmi Zɛ́sè gbɵ do é zìnò zǝlɛ̀dɔ sǝ̀ɛ̀ ye. È gɔ̃ɔ̃̀ zògbéèzǝ̀ ká, é krúá ká. È wɔ̃́ biɛ̀lɛ̀ dɔ, é gɔ̃ɔ̃̀ sǝ̀ dèèdè ká, ĩ́ĩ́ Yàwɛ ɓɛɛ yà píé.”
19Àmɔ́ɔ̀wɔ̃̀ Sɔ́ɔ̀ è mɛnù bɔ Zɛ́sè píé, ê pɵ, “Ƃò ɥ gbɵ Dèɓé é ɓlánù píé ɓɛ bɔ n lǝ̀.” 20Zɛ́sè è sòfã̀ã do é blɛɛ̀ luàlàɛ̀ sɥ̀, wãã̀ wɥ kwi ɓɔ̀ɔ wô pa mɥpǝ̀ káɛ ká, ê kpà ɓònǝ́ do ɓà ê dɔ e gbɵ Dèɓé gɔ̀ é loá Sɔ́ɔ̀ píé. 21Lɛ̀kɔ̀ɔɛ Dèɓé è nu Sɔ́ɔ̀ píé, e ye yuɔkǝsɥ̀à Sɔ́ɔ̀ píékee. Sɔ́ɔ̀ yà lɔ̀kǝ̀a dùò, ê kǝ̀ yaa kózǝ̀a pǝ̀nù bũmɛ̀ ká. 22Lɛ̀kɔ̀ɔɛ Sɔ́ɔ̀ è mɛ bɔ Zɛ́sè píé wòa nɛ̀ɛ̀, “Gó Dèɓé è tó n píé zɵ, ɓií a lɔ̀kǝ̀a dùò.” 23Góɓomɥ́ɛ àyé zùùyaa é Aaɓi yà bɔɛ yànu Sɔ́ɔ̀ làɛ̀, to Dèɓé è yaa zìnò ɓɛɛ sɥ yaà zǝ̀ e kɔ̀a. Yàkɔɔ́ɛ to zùùyaa ɓɛɛ é go Sɔ́ɔ̀ píé, é kǝ̀ klêklèn.
હાલમાં પસંદ કરેલ:
1 Sámìɔ̀ 16: DHB
Highlight
શેર કરો
નકલ કરો
Want to have your highlights saved across all your devices? Sign up or sign in