Mak 6
6
1GO Yecu jal; ku ler panden; ku buot̤ koickek puoic yecok. 2Ku te yen akol e T̤abat̤, ke Yecu koic lo wet luang de N̤ialic. Go koic welke ping, ku gaike, ku jamke, An ci rane kak yok teno? an̤yic kang teno, ku luoi dit loi yecin? 3Deka yen cʼaten e tim, wen de Mari, ku wanmet̤ 14 e Jakop, ku Jot̤et̤, ku Juda, ku T̤aimon? Ku n̤yiraken dekʼaci to ke gho? Ku jeike. 4Go Yecu ke yok, An te lui bain̤ pande, ku d̤ien̤de, kʼaci bi riou. Te ler en lui temaic kʼabi riou. 5Ku acin luoi dit ci Yecu loi panden, aci koic bec lik t̤ap e yecin, ku puat̤ kegwup. 6Ku te ci koic welke cuok gam ke Yecu gai.
Ku ler bei kok ler koic wet.
7Go Yecu koickek col, koic t̤ier ku rou, ku toic ke, rou, ku rou, ku rou. Ku moic ke riel bik jak raic lo ciec we koic gwup. 8Ku yok ke, An duongka ka ke d̤olic ghat̤, e lec yetok, acin kumon, acin bon, acin weou. 9Ku cengka buokuen e wecok, ku duongka alet̤ ke kou ceng karou. 10Ku ber jam, An te ler we ghot, we jalka rer t̤in ku berka cat̤. 11Ku te ci koic we jai e gong, ku ci welkuen ping, te jel wek panden, we tangka buokuen e wecok e liet, bi koic n̤yic. 12Goke lo cat̤, ku wetke koic bik puot̤ken wel. 13Ku ciecke jak raic we e koic gwup, ku taicke koic bec e muok, go koic pir.
14Go bain̤ col Erod go luoi de Yecu ping. Rin ke Yecu aci koic n̤yic bei ked̤ia. Go Erod jam, An Jon yor koic n̤im aci ber ben apir, ku luoi dit e luoide. 15Ku jam koic kok, An e Ilaija, ku jam koic kok, An e bain̤ dit acit bain̤ dit t̤er. 16Ku te ci Erod ping ke jam, An Jon ca nomde tok we aci rot ber jot. 17Ku Erod aci koic toic ku lek Jon kwak piny ku maic ghot, etong Erodiat̤ ting de Pilip wanmet̤ e Erod aci Erod tiak. 18Ku Jon aci Erod yok, An yin aci keraic loi te t̤iak yin ting de wanmut̤. 19Ku Erodiat̤ aci Jon man aret, ku puonde ayuic nong nak e Jon. Ku ci leu nak. 20Erod arioic e Jon, ke n̤yic yen e ran puat̤ laijik. Ku gel Jon. Ku te ci wel ke Jon ping, ke mit puou ku mum nom. 21Ku te yen akol e d̤iet̤ e Erod, go Erod bain̤ dit gong, ke ke bain̤ ke lat̤ker, ku ror dit ke Galili ked̤ia. 22Go n̤yan de Erodiat̤ ben ku jal dir e koic n̤im. Go Erod ku koic mit̤ ke ye, goke puot̤ lo yum. Go Erod n̤ya yok, An luel kedu puondu ku yin aba moic. 23Ku kweng mel, An luel kedu puondu abaic, ku yin aba yek bak e cengdie. 24Go n̤ya jal lo ku t̤iec man, An ba Erod t̤iec ngu? Go man jam, An t̤iec nom de Jon yor koic n̤im. 25Go n̤ya dai lo ben tong bain̤ dit ku jiam, An yek a nom de Jon yor koic n̤im aleic. 26Go Erod keng, ku riou melden ci kweng ku koic mit̤ ke ye, ku kec n̤ya jai. 27Ku toic Erod lat̤kari tong de koic ye tit, ku yok e, An diec nomde. Go lo, ku tok nom ghot, 28ku bi nomde aleic, ku yik e n̤yan nia; ku jal n̤ya lo yek man. 29Ku te ci koic puoic Jon ye ping, eke lo ku jotke gwobde ku lek t̤iok.
30Go koic puoic Yecu goke d̤uk tong Yecu, ku leke ye kang ked̤ia cik loi, ku ka ci kek e koic wet. 31Go Yecu jam, An loku ror ghopeic, ku longku. Ku koic acat̤ yek aloric, ku acin te mit̤ kek t̤in. 32Goke lo rieic, ku lek ror kepeic. 33Go koic ke bai goke loden ting, ku nyiceke, ku ringke agor nom, ku wereke. 34Go Yecu kaic be rieic, ku ting col dit e koic, ku kaic puou etong ke, koic acit amel ci ran e buok ke jal: ku wet koic ka juec. 35Ku te ci ruel dur lo piny, go koickek puoic goke ben ku jamke, An te rer ghok t̤in e ror abaic, ku ruel abi dai cuol. 36An d̤wet koic bik lo bei kui ku bik mit̤ken lo ghoic. 37Go Yecu d̤uk, An yekeka mit̤ bi ke cam. Goke t̤icc, An bu kumon lo ghoic e gini kat̤icr ku yikuko? 38Go Yecu t̤iec, Nangka kumon kadi? Lak la yueceka. Ku te ci kek ye yok ke jam, An a d̤iec abaic ku rec karou. 39Go Yecu jam, An yok koic bik n̤yuic an̤yuon nom etene, ku bik rot̤ ui. 40Goke n̤yuic ke nong aber, aber kok anong bian tok, ku aber kok anong t̤ierd̤iec. 41Go Yecu kumon kad̤iec ku rec karou kwain, ku liec n̤ial, ku t̤ie ke, ku bain keyic; ku yik ke koic puoic bi ke lo tak koic; ku tek rec karou ya e koic ked̤ia. 42Go koic mit̤, goke kwet̤ ked̤ia. 43Goke ka ci bainic kwain, ku t̤iangke atain de ghuot kat̤ier ku rou, ku rec iya. 44Ku koic ci kumon cam a ye bianabur d̤iec.
45Go Yecu koickek puoic ca lo rieic bi lo tueng long tui, pan e Bit̤aida, ku dong Yecu ad̤wet koic panden. 46Ku te ci Yecu koic d̤wet, ke lo kur nom bi N̤ialic lo long. 47Ku te col ruel, ke rie angot e wer cialic, ku Yecu yetok ato tegher. 48Ku ting koic aci kwer dar, yom abuo tueng. Ku te d̤iau diet ke Yecu jal lo tong kek, ku cet̤ e piu nim, ku adur koic war. 49Ku te ting kek ye acat̤ piu n̤im, ke colke t̤uom ku kuike. 50Go koic ked̤ia goke Yecu ting ku rioicke. Go Yecu dai jam, An ca ke puot̤kuen ca ril, e ghan, duongka rioic. 51Ku ler rieic ke ke, go yom mukic. Go koic puot̤ jiet̤. 52Koic akec luoi de kumon wer gwa n̤yic, aci puot̤ riel.
53Ku te ci ke wer kou tem long tui, ke ghet Genet̤aret, ku maicke rie. 54Ku te kaic kek be rieic, go koic Yecu n̤yic. 55Goke ring ku lek koic bec yuic bai eben, ku keteke Yecu, te cine Yecu ping t̤in. 56Ku bei ked̤ia ci Yecu ke lo t̤in, pan t̤i, ku pan dit, goke koic bec jot be ghot, ku kaneke t̤ukic, ku t̤iecke Yecu bi koic alan̤de got, ku koic ked̤ia koic cʼalan̤de got goke gwup pial.
હાલમાં પસંદ કરેલ:
Mak 6: CIEC1916
Highlight
શેર કરો
નકલ કરો
Want to have your highlights saved across all your devices? Sign up or sign in
© British and Foreign Bible Society
