Mak 14
14
1KU akol e Pat̤ka, ku akol e cam e kuen cin ic awaic, angot nin karou; ku bain̤ ke ka ke N̤ialic ku koic ke waragak ayuic Yecu bik kwal e nak abi t̤ou. 2Goke jam, duongku nak akol e Pat̤ka, duongka koic bi tong jot.
3Ku te to Yecu pan e Bet̤ani, ghon de T̤aimon ran nong abil, te mit̤ Yecu, ke tik buo ku bi agorok nong muong n̤yir, muong puat̤ nong weou juec. Go ben, ku kwem agorok, ku yor Yecu nom. 4Go koic kok ghok ku jamke, Yengu wel yin muong puat̤ we kela? 5Yengu cin e gheic e gini kat̤ier, ku yekeke koic ngong gwup? Ku manke tik. 6Go Yecu jam, Jalka puol, yengu buoika ye? aci kepuat̤ loi etong an. 7Koic ngong gwup ato panduen run ke-d̤ia, ku te yuic wek muoic bi we ke moic abak moic abaic: ku ghan, an aci to eten run ked̤ia. 8Ting nia aci luoide loi eben, ku aci gwobdie yor e t̤iong bin a t̤iok akoldo. 9Wek a ya yok ayic, Pan wet koic wel puat̤ ke N̤ialic t̤in ke luoi ci tinge loi etong an abi koic luel ya, duongka tik abi koic muot̤ n̤im.
10Go Judat̤ It̤kariot ran de koic t̤ier ku rou, go lo tong bain̤ ke ka ke N̤ialic, bi Yecu lo luel. 11Ku te ping kek e, ka mit puot̤ ku jamke, Yin abu riop. Go Judat̤ lo, ku yuic bi Yecu yen kek apuat̤. 12Ku akol tok e nin ke cam e kuen cin ic awaic, akol nak Pat̤ka, go koickek puoic goke Yecu t̤iec, Yuic buk lo lui tio ba Pat̤ka cuet t̤in? 13Go Yecu koickek puoic karou go ke tuoic tueng ku jiam, Jalka lo be, ku wek abi rom ke ran gheic toin de piu, ku biat̤ka cok. 14Ku pan ler en t̤in, jalka ran e pan yok, Bain̤ at̤iec, An to ghondie teno, ban Pat̤ka cuet t̤in ke ke koiciek puoic? 15Ku abi we n̤yuot̤ ghon dit n̤ial, nong kang t̤in. Jalka kakwa loi t̤in. 16Go koickek puoic goke cat̤, ku lek be, ku yoke cit wet nia luel Yecu. Goke Pat̤ka loi. 17Te ci ruel duor cuol, ke Yecu lo ke ke koicke t̤ier ku rou. 18Ku te n̤yuic koic ku mit̤ke, ke Yecu jam, Wek a ya yok ayic, Ran tongduen mit̤ ke ghan eman aba n̤yian. 19Go koic d̤iau kepuot̤, ku t̤iecke, An ye ghan? Ku t̤iec ran do, An ye ghan? 20Go Yecu ke yok, An e ran e koic kat̤ier ku rou angwein ke an aduokic. 21Ku Wen Dit de ran alo, acit gar de waragak ghon. Ku an ad̤iau puou e ran n̤yin Wen Dit de ran. Te kec man ye d̤iet̤ e de puat̤.
22Ku te mit̤ koic, ke Yecu kwain kumon, ku t̤ie, ku bainic, ku yik ke ku jiam, Kap kan, kan e gwobdie. 23Go biny de dek kwain, ku lec N̤ialic, ku yik ke. Go koic dek ked̤ia. 24Go Yecu jam, Kan e riamdie ci kwer we agwop etong koic juec. 25Wek a ya yok ayic, An aci kan bi ber dek, aghet akol ban wain puoi ur ber dek pan e N̤ialic.
26Go koic goke dian tok ket, ku lek kur e Olip.
27Go Yecu ke yok, We wed̤ia abi riet̤. Aci gor, An ran e buok aba nok ku amel abi t̤ie ror. 28Ku te can rot ber jot e rangic, kʼan bi we ngar Galili. 29Go Pita jam, Te riet̤ koic kok ked̤ia, kʼan aci bi riet̤. 30Go Yecu jam, Yin e a yok ayic, Akal, manwara, te ngot agit̤ akec ciu rou, ke yin aba jai diak. 31Go Pita ber jam, Te t̤ou an ke ke yi, yin aca bi jai. Ku jam koic ked̤ia kela.
32Goke lo te col Get̤emani. Go Yecu koickek puoic yok, N̤yuoicka eten, an abi N̤ialic lo long. 33Ku ghet̤ Pita, ku Jakop, ku Jon. Ku gai Yecu aret ku d̤ur puou. 34Ku yok ke, Puondie ad̤iau aret, ku an aduor t̤ou. Rerka eten ku duongka nin. 35Go Yecu ber lo tueng, ku cuat rot piny, ku long N̤ialic bi ke gum puonde n̤yai. 36Ku jiam, Abba, Wa, yin a kang ked̤ia leu e luoi; n̤yai binye we tong an. Loi puondu, aci e puondie. 37Go Yecu d̤uk, ku yok ke kenin, ku t̤iec Pita, Nin yin T̤aimon? Aci leu e tiet t̤a tokʼ? 38Yenka ku langka, duongka we bi t̤em. Wek anong puot̤ atet ku wegwup aci dak. 39Go Yecu ber lo ku long e welkek nia. 40Ku ber d̤uk ku yok ke ke nin. At̤iek n̤yin e nin. Ku acin te jam kek ke ye. 41Go Yecu ber lo d̤uk adiak, ku yok ke, An taicka ku nianka; aci t̤ok; t̤a aci ben, Wen Dit de ran aci n̤yian e koic raic. 42Jotka rot̤, loku, ran n̤yin a aci ghet.
43Ku te ngot ke jam kela, ke Judat̤ buo, ran e tier ku rou, ku cat̤ koic juec ke ye, ke muk abatau ku laic; aci toic e bain̤ ke ka ke N̤ialic, ku koic ke waragak, ku ror dit. 44Ran n̤yin Yecu aci ke yok, An ran ba lo cim, yen ekan, ke kwaka piny ku t̤elka apuat̤. 45Ku te ci Judat̤ ben, ke lo tong Yecu ku jiam, Rabai, ku cim. 46Goke kwak piny, ku tiamke. 47Go ran kaic tet̤iok go abatau n̤yuan be, ku tok yin dʼaluang de bain̤ e ka ke N̤ialic we. 48Go Yecu jam, Cak ben be ke ke abatau ku laic, cet e we kwak cwer piny? 49An aci koic wet luang dit de N̤ialic nin ked̤ia, ku akecka a kwak piny. Kan aci loi bi wel ke N̤ialic ci gor t̤er bi jal a yit̤. 50Goke Yecu puol ku ringke ror ked̤ia.
51Ku ran rot t̤i nong alan̤ ci kuom egwop aci Yecu buot̤. Goke ye kwak piny, 52go alat̤ nyang we, ku ring ror acin alat̤.
53Go koic goke Yecu t̤el tong bain̤ dit de ka ke N̤ialic. Ku gwerke bain̤ ke ka ke N̤ialic, ku ror dit, ku koic ke waragak ked̤ia. 54Go Pita buot̤ emaic, ku ler pan e bain̤ dit, ku n̤yuic ke ke lat̤ker, ku ghoic maic. 55Ku bain̤ ke ka ke N̤ialic ku ror dit ked̤ia ayuic nak Yecu; ku yuicke koic n̤yic karaic ci Yecu loi bik luel, ku akecke yok. 56Go koic juec goke luet̤ tor tong Yecu, ku ci welken tuom. 57Go koic kok goke ro jot, ku berke luet̤ tor, ku jamke, 58Ghok aci welke ping, An an abi luang dit de N̤ialice, ci loi e koic cin, aba d̤iom, ku an bi luang do ber loi acin koic cin t̤in, nin kadiak. 59Ku welken akec tuom, aci riak. 60Go bain dit e ka ke N̤ialic go ro jot e koic cialiic, ku t̤iec Yecu, Acin ke d̤uk yin ke? Yengu ye koic luel tong yin? 61Go Yecu biat ku akec wetden d̤uk. Ku bain̤ dit aci ber t̤iec, E yin Mat̤ia Wen de N̤ialic? 62Go Yecu d̤uk, An e ghan. Ku wek abi Wen Dit de ran ting aci n̤yuic cin cuec de riel, ku bi piaric n̤ial. 63Go bain̤ dit de ka ke N̤ialic go alet̤ke retic, ku jiam, Yengu yuicku koic kok bik luel? 64Wek aci letde ping let en N̤ialic: yengu cak tak eman? Ku jamke ked̤ia, Aci keraic loi, naka. 65Go koic kok goke ye nguot, ku kumke n̤yin, ku gutke kecin, ku jamke, Leka koic e kak wada: ku koic ke lat̤ker aci ye mang.
66Ku Pita ato gauic. Go n̤yan lui pan e bain̤ dit go ben, 67ku ting Pita ghoic, ku liel ku jiam, Yin ya, yin eyi to ke Yecu ran de Nad̤aret̤ nia. 68Go Pita jai ku jiam, An akuoic, an akec welku ping apuat̤. Go Pita lo koic te de gau t̤ok. Ku ciu agit̤. 69Go n̤yan nia Pita ber ting, ku yok koic kaic yelom, Rane e ran tongden. 70Go Pita ber jai. La, ke koic kaic ke Pita ke ye yok, Yin e ran tongden atet; ku yin e ran e Galili. 71Go Pita lat, ku kweng rot an at̤uou, an akuic ran cak luel. 72Go agit̤ ber ciu, ku tak Pita wel ke Yecu wer, Te ngot agit̤ akec ciu rou, ke yin aba jai diak. Ku te tek Pita ewelke ke d̤iau.
હાલમાં પસંદ કરેલ:
Mak 14: CIEC1916
Highlight
શેર કરો
નકલ કરો
Want to have your highlights saved across all your devices? Sign up or sign in
© British and Foreign Bible Society
