Jona 3
3
NA SOPENA 3.
1Na leo hi Iehova monumai me Jona vaharuana, moaso, 2Oimaraha, oivano me Nineve, na vanua tahajia, oilalaa ta mera me na vanua natuha na lalaa inau avaraiho. 3Tau Jona momaraha suria, movano me Nineve, rotea Iehova moaso mea. Nineve inie na vanua tahajiax tohova, olaholaho me na rio hina na pohi motolu. 4Tau Jona movaere laho ae na pohi motea, molalaa, moaso, Na pohi havulavati maa tau, Nineve isori. 5Tau ra tanoho me Nineve terohoroho me Atua; teaso tisahanihani, hire vunuvunu, ra varese me ra tajua vuso, teriri naruru hi na tahi. 6Tau na taveti hina monu-mai me na moli hi Nineve, momaraha ture na pilana sihesihena moli, moriri-tuhe na visivisina, motohohoro na epena hi na ruru hi na tahi, mosihe toho me na maovi hi na hapn. 7Tau moaso na leo motea, movera tevetia ta mera vunuvunu me Nineve hi na aso hi na moli me ra varese hina, moaso, Moso na tajua me ra sanu taha mauri tihani: moso tihana hara, moso tiooma mara pei: 8motahonae titohohoro ra epera hi na ruru hi na tahi, na tajua me na sanu taha mauri mono, motahonae timatapisi hauhaua me Atua; io, motahonae hire vunuvunu titahaperehei ture na pilara vue oso, titahaperehei ture ra pilara vei vasoosoo. 9Isei mopinisi Atua ijomija e mojoa, isei mopinisia inie itahaperehei ture na sena puripuri e mojoa, tau hije tisamate? 10Tau Atua moreni nasava hire tevea, morenira tetahaperehei ture na pilara vue oso; tau Atua mojomi na sanu oso moaso mine ivea ta mera; mosavea.
હાલમાં પસંદ કરેલ:
Jona 3: TLM9109
Highlight
શેર કરો
નકલ કરો
Want to have your highlights saved across all your devices? Sign up or sign in
This is a historic text maintained by the British and Foreign Bible Society.