Ra Vei Hira Yarisula 5
5
NA SOPENA 5.
1Na tajua, na hisena Hananaia, me Savaira tupuna teravolivoliahi pa tano.
2Mopuni na valuna sule, tupumu mono mopinisia, molavi na valuna me ra era Varisula.
3Maa Piter moaso, “Hananaia motoma Setan molavi na lolomu sura jihajiha me na Talume Tapu, sura puni na valuna sule hina tano?
4Hisa toitoho, mopilam, Tau oivolivoliahi nie mopilam? motoma oininima nie me na lolomu? oisajiha ra tajua, oijihai Atua.”
5Hananaia moroho na leo naa, mojovi, momate, me ra tajua vunuvunu teroho ra sanu naa, teine tahajia.
6Ra uluo temaraha, tetalihe na ruru mea, lerahurahai, tejapovia.
7Tau na klok motolu, na tupuna mosapinisia, moruhusahamai.
8Piter moaso ta mea, “Motaharahu oivolivoliahi na pilam tano sura na sule naa?” “Io,” moaso “aravea.”
9“Motoma,” Piter moaso liliu “oraaso vahatea sura jiha na Talume hina Moli? Ra uluo tejapovi na tupumu, teturi me na riohouli, tetalavi tuheho pa mono.”
10Vahatea mojovi me ra ena, momate: ra uluo teruhusahami, terenia momate telavi tuhea, tejapovia me tupuna.
11Ra uluo hi Iesu, ra tajua vunuvtmu teroho na sanu naa, teine tahajia.
12Ra matamata me ra sanu uloulo ra tari ra Varisula tevera me ra tanoho. (Tetihuhurahi me na Perusule hi Solomon.)
13Ra valura tajua teine sura toni hire: ra tanoho teninima hire tahajia.
14Ra taharohoroho motavere jivira tetoni hina Moli, ra tajua me ra hajae ra tari ra tari.
15Suria telavira taharojo teruhusivo me ra rio vunuvunu, tejurira tasivo me na hirera me ra tatavura, suria, vai Piter momalua taroroi na nunuena mojovi mera.
16Ra tajua ra tari ra tari hira vanua taitali Jerusalem, telavi ra taharojo, ra tajua ra talume-oso tetitoho me na lolora, hire vunuvunu temauri hauhaua.
17Natuha na varese-prist momaraha, ra uluo hina vunuvunu mono (na hisera Ra Sattusi)
18Tepuripuri hire. Telavi Ra Varisula, tehajirira.
19Maa na enjel hina Moli monuna tilihoro me na pohi, mojurira teruhusivo.
20Moaso, “otolaho, otolalaa me na pea hina Lotu me ra tanoho na Leo hina Mauri havui.”
21Hisa terohoe, teruhusahamai me na Pea hina Lotu me na malaha pepe vuha, telalaa. Na varese-prist momalua, ra uluo hina mono, teore huhurera tahamata hira sanu tataholo, ra varie hi Israel mono. Tesulara me na pea hina hajihajirira, telavira teruhusahamai.
22Ra tahamata tevano, tesarenira me na pea hina hajihajirira, tetaliliu, tevaraira,
23“Motaharahu na pea hina hajihajirira motilihoro, ra tahamata hina tetitoho me na majaraha: tonunia, tosareni te tajua me na lolona.”
24Hisa na varese-prist, na tahamata hina Pea hina Lotu, ra malisa-prist terohoe, teninima ra sanu naa mojiha tahajia.
25Na tajua motea momalua, movaraira, Otoroho, ra tajua otolavira me na pea hina hajihajirira, tetamaraha me na Pea hina Lotu, telalaa me ra tajua.
26Natuha na malisa, me ra tahamata hina telavira, tesahauhaua ta mera: suria teine ra tanoho tejihira.
27Telavira me ra tahamata hira sanu tataholo: na varese-prist motuhara:
28“Mine toaso hauhaua ta me amiu otosalalaa me na hise naa? maa otovei Jerusalem itavere me na pilamiu lalaa, otomeje na vei amam apalaia alosia.”
29Natuha Piter me ra valura Varisula teaso liliu. “Tosiroho Atua, tosaroho ra tajua.
30Atua hina tamaja movei Iesu motamaraha, isei otolosia, otolihoi me na hau.
31Inie Atua movea motahajia me na matuana havena, mo-Moli, mo-Tahajolo, sura rahu me Israel na jomi, na lavituhe na veivasoosoo.
32Topinisia motaharahu: na Talume Tapu mono, isei Atua morahu ta mera terohoe.”
33Ra tahamata hira sanu tataholo tepuripuri tahajia hire, ihisa teroho na sanu naa, temeje na veimete ra Varisula.
34Natuha Kameliel, na Varisi, na tijer hina Leo hauhaua, ra tanoho teninima mo-varese, momaraha me na vuati hire, moaso ra Vasisula teruhusivo taiti;
35Moaso mera, “Tajua hi Israel, otomata hije suri ra sanu otovei ta niera.
36Sa paravu na tajua Tutas momalua, moaso momalisa, ra tajua tari vahavate tetoni hina.
37Telosimeteia, ra tajua terohoroho mea, terovorovo, saitea tomotoho.
38Me na tahuna Jutas, na tajua hi Kalili, momalua, me na rani teevi ra tajua vunuvunu, molavi ra tajua ra tari mea: momate mono, ra tajua hina terovorovo mono.
39Naanoi aaso ta me amiu, Otosahorohorora, otojuria. Vai ra lalaa me ra varao naa tesanu hira tajua, tau isanu tipa; Maa vai tesanu hi Atua, otosapinisi horohorora, e otojumu me Atua.”
40Tetami: hisa teore ra Varisula, temarasira, teaso hauhaua tetena lalaa me na hisei Iesu, tenunira.
41Ra Varisula telaho turera, teejieji suria teveioso mera sura Lotu.
42Saite rani, tesapalea me na Pea hina Lotu e me na peara, e tevarai na Leo Tahonai hi Iesu Kristo.
હાલમાં પસંદ કરેલ:
Ra Vei Hira Yarisula 5: TLM9109
Highlight
શેર કરો
નકલ કરો
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
