Saint Matthieu 5
5
1Da ko̱ Jésus mi ko̱ ro̱kè njoukouli on, kè hé sé souraguèl; da ko̱ kème kaou tou, njou‐séna‐bong néli mi guè monè. 2Da kè bourou haou‐è ka to̱ko̱ fèn hi kli, ka sa:
3Jangnandaï mi ba baï a foïna njoukouli ka ba esprit, baï ko̱ yé bilkaou a nonkala ba akli!
4Jangnandaï mi ba baï akli ko̱ go̱ro̱ kli mi sé kli ta, baï ko̱ yé kli ma bi hang kli guè tiya!
5Jangnandaï mi ba baï akli ko̱ vomboï, baï ko̱ yé kli ma yapélé an koukoula aïn!
6Jangnandaï mi ba baï akli ko̱ nzala da po̱ko̱ mbi baï ndingna guédék mi i kli ta, baï ko̱ yé kli ma mba bon!
7Jangnandaï mi ba baï akli on ko̱ mi nding haïo hi njoukouli, baï ko̱ yé kli ma ndé ko̱ haïo akli kéng!
8Jangnandaï mi ba baï akli ko̱ go̱ro̱ kli mi na tang fofoto, baï ko̱ yé kli ma ko̱ Ouone!
9Jangnandaï mi ba baï akli ko̱ hara njoukouli, baï ko̱ yé kli ma di kli ba goundi a Ouone!
10Jangnandaï mi ba baï akli ko̱ njoukouli mi to̱ko̱ssé hi kli baï toul ndingna guédék, baï ko̱ yé bilkaou a nonkala ba akli!
11Jangnandaï mi ba baï abaï ko̱ njoukouli mi kèkè oui, da to̱ko̱ssé hi oui, ka sa békékè toutoul toutoul ka mboro wo̱ko̱ kon toul baï, baï touli. 12Oui jangndaï ka kaou ka wala maïya, baï ko̱ toul ndo̱ko̱ abaï mana nyèta an nonkala; baï ko̱ kli ndé to̱ko̱ssé on hi prophèteli ko̱ gui dambèl ka titilikè hi oui kéng.
13Oui ba tome an koukoula. Da tokoré tome mi bo̱l rina nè, yé kè féré kaïn ri an hane dé? Kè na bo̱on, dadaon wounakè kon kala da njoukouli mi nda ka bo̱ko̱ kli. 14Oui ba takanafèn a njou‐koukoulali. Pou on ko̱ mi na souraguèl tane mou ya; 15da njoukouli tane ga bi hèlè lampe baï bana bi bo̱ko̱ dodo ya, da kè ba kane toul gangnafèn, an mi taka guèl bon hi kli on bon ko̱ kaou an bil voulou. 16Da on, oui yèng an takanafèn abaï mi cha an nona njoukouli, baï an klime ko̱ bèla pina abaï, ka jone Baba abaï ko̱ mi kaou an nonkala.
17Oui kèrè ya, ko̱ mè gui baï moungnoura guingna maléba prophèteli; mè tane gui baï moungnourakè ya, da baï bina nonkè tèn kala bon. 18Baï ko̱, babaï, mi mè sa hi oui, bo̱l tèn nonkala da koukoula mi ta, da goune lettre mbéo maléba goune déna a takarata a guingna ba tana tane tiya, bo̱l tèn none fènli bon mi tèn kala ka babaï. 19Mono on, njoukouna ko̱ sél none bina baïnjaka guingna mbéo ko̱ ba lélékè afékéli bon, da yé kè to̱ko̱ on hi njoukouli, yé kli ma di nè ba bètèrè goune and bilkaou an nonkala, da njoukouna on ko̱ bou fal guingna ka to̱ko̱ mborokè hi njoukouli, yé kli di nè ba loukoukè an bilkaou a nonkala. 20Baï ko̱, mème sa hi oui, tokoré ndingna guédék abaï mi tane ga ta ndingna guédék a njou‐to̱ko̱na bong guingnali da pharisienli ya, oui ba rina sé an bilkaou a nonkala tane tiya.
21Oui la baï on ko̱ kè sa hi tangkoli jinguèl soko: Mo i njoukou ya, da njoukouna ko̱ mi i njoukou yé barabaï a walabaï ma lé toulè. 22Da ami, mè sa hi oui, njoukou on ko̱ hèrè mi mba nè jing yine nè, yé barabaï a walabaï m lé toulè; da njoukouna ko̱ sa hi yine nè; Raca! yé barabaï a njou‐walabaïli ma lé toulè; da njoukouna ko̱ sa hi nè: Mo ba ngawa, yé barabaï a guèl hèlè ma ié toulè. 23Mono on, tokoré mome guè baï hina toul ndo̱ko̱ an toul autel, ko̱ mome kèrè an ndourou, ba baï an yine no mana jing mo, 24mo yèng toul ndo̱ko̱ bou njaka autel, ka féré ka sé ka kon ndo̱ko̱ fal hana kira yine no ti dambèl: da afal ko̱ mome gui tou mo hi toul ndo̱ko̱. 25Mo nza mborokè baï mossona baï o̱ kira bakèo̱ jing mo, ko̱ ouime pane jing hana an domboro, maléba touya kè souti mo hi njou‐walabaï, da njou‐walabaï ma hi mo hi kabita, da kè bou mo jo̱bo̱. 26Babaï, mi mè sa hi mo, yé mo ba tèna kala tane tiya, bo̱l ko̱ mome pou baï sèkèrè mbo̱rikè da.
27Oui la baï on ko̱ kème sa jinguèl: Mo nding maïn ya. 28Da ami, mè sa hi oui, njoukou on ko̱ mi ènrèn guè mona waïn hana ka oli nè, kè nding maïn jing nè ka ba bo̱ko̱ go̱rè tou. 29Da tokoré nono an mboro wonron ndo̱ko̱ mi tèn jing mo ba fèn bèna mo, mo go̱koro nè ka wou nè dita jing mo; dadaon baï no ko̱ fèn kli‐mono hana mbéo mi limna da kli‐mono bon mi tane wou bou guèl hèlè ya. 30Da tokoré ndo̱ko̱ an mboro wonronkè mi tèn jing mo ba fèn bèna mo, mo koung nè ka wou nè dita jing mo; dadaon baï no ko̱ fèn kli‐mono hana mbéo mi limna, da kli‐mono bon mi tane sé guèl hèlè ya.
31Kè sa jinguèl kéng: Njoukouna ko̱ mi yèng waïn nè, kème hi takarata hi nè an klime wal jing hana. 32Da ami, mè sa hi oui njoukouli mbéo mbéo bon ko̱ mi yèng waïn nè, wara aïn ko̱ kème nding rome ya, kè nding nè ba waïn maïn, da njoukouna ko̱ é waïn aïn, ko̱ kè mi yèng nè, kè nding maïn.
33Oui la ba aféké ko̱ kème sa hi tangkoli jinguèl soko: Mo lou fèn ka ba wo̱ko̱ ya, da mo nding fènli on an nona Nanjou ka mboro fèn aïn ko̱ mome lou. 34Da ami, mè sa hi oui, oui lou fèn gounfènakè ya, ka ling a nonkala ya, baï ko̱ on ba kangala njaka bara a Ouone. 35Maléba ka ling a koukoula ya, baï ko̱ on ba mbata ndana ka bo̱kè, maléba ka ling a pou Jérusalem ya, baï ko̱ on ba loukou pou a nanjoukaou. 36Da mo lou fèn kon toulo̱ ya, baï ko̱ mo tane ma baï féra pouran toulo̱ ba poukikè maléba yirikè ya. 37Da njaka sana baï abaï mi sa, ii, ii, haï, haï, da fèn ko̱ mome sa kon toulkè gui ka ba mborakè on ko̱ ba békékè. Oui la baï on ko̱ kème sa jinguèl:
38None baï a none, da sél baï a sél. 39Da ami, mè sa hi oui, oui ko̱ féré fal ndo̱ko̱ baï jing kè on ko̱ ba békékè ya. Tokoré njoukouna mi o̱ ngouhaou‐o̱ ka mboro wonron ndo̱ko̱, mo ndé ki mbora lèkè hi nè kéng. 40Da tokoré njoukouna mi sa kita no, ka bi la siya no, mo yèng an kème ndé ya la tétél amo kéng. 41Da tokoré njoukouna mi to̱ko̱ssé hi mo baï séna jing nè ma kilomètre mbéo, mo sé jing nè kilomètre séré. 42Mo hi fèn hi njoukou on ko̱ mi ndou fèn jing mo, da kè ko̱ oui ko̱da jing mo, mo ki kaïn no hi nè ya.
43Oui la baï on ko̱ kème sa jinguèl: Mo sé hang ba no, ka jèk bakèo̱ jing mo. 44Da ami, mè sa hi oui: Oui sé hang a bakèlio̱ jing mo, da hiou Ouone kon toula kli on ko̱ poukou oui, oui nding bèlta jing kli on ko̱ jèk oui, oui hiou Ouone kon toul kli ko̱ mi nding bèlya jing oui ka sènssèna oui, 45an ouime gui goundi a Baba abaï ko̱ mi kaou an nonkala; baï ko̱ kème nding séssé nè mi tèn kon toula kli on ko̱ ba békékè da kli on ko̱ ba bèlakè, da kè pi mbame baï a njou‐guédékli da njou‐vaïnafènli. 46Baï ko̱ tokoré ouime sé hang kli on ko̱ sé hang baï, toul ndo̱ko̱ abaï an hane dé? Njou‐mangna l’impôtli mi ndé nding mabahana ka on kéng ya lé? 47Da tokoré ouime name ba yine baïli ka ho̱kè, fème oui nding ko̱ ta njoukou afékéli lé? Gentili mi ndé nding mabahana ka on kéng ya lé? 48Mono on, oui kaou guédék mahana ko̱ Baba abaï an nonkala mi kaou guédék.
હાલમાં પસંદ કરેલ:
Saint Matthieu 5: KBN1947
Highlight
શેર કરો
નકલ કરો
Want to have your highlights saved across all your devices? Sign up or sign in
Published by the British and Foreign Bible Society in 1947.
