Genese 18
18
KHAOLO 18.
1MI Yehova a iponatsa go ena mo tlareñ sa moterebenta sa Mamere, mi a lula mo moyakoñ oa tenta, ka mogote oa motsegare.
2Mi a culetsa maitlo a gague a leba, mi bonañ banona ba teri ba eme ba lebaganye nae; mi eare a ba bona, a taboga a coa moyakoñ oa tenta go ba khatlantsa, mi a ikobela hatsi.
3A re, Morena, etlare ha ki bonye tsalano mo maitloñ a gago, u si hapoge motlanka oa gago:
4Kia lo rapela, a metsana a lerioe, mi tlacua nao tsa lona, mi lo itapolose tlatse ga setlare:
5Mi ki tla lere thathana ea señkhue, mi thethebatsañ pelu tsa lona; mi lo ka heta morago ga mouo: gone lo tletse motlankeñ oa lona mouo. Mi ba re, Riha yalo yaka u buile.
6Mi Aberahame a akohela Sarahe mo tenteñ, mi a re, Bakanyaka ka kakoho lilekanyo li teri tsa setoü; u se rube mi u rihe liñkhue tsa papetla.
7Mi Aberahame a tabogela kua matlapiñ, a khola namane e e boruma, e e molemo, a e nela lekau; mi ya akoha go e bakanya.
8Mi a tsaea serethe le mashi, le namane e o e bakantseñ, a li ba baea pele, mi a ema ha go bona tlatse ga setlare, mi ba ya.
9¶ Mi ba mo raea, Sarahe mosari oa gago o ha kae? mi a re, Bonañ, o mo tenteñ.
10Mi a re, Ki tla ba ki boela go uena rure kaha motleñ oa botselo; mi bona, Sarahe mosari oa gago o tla bona mosimane. Me Sarahe a utlua a le ha moyakoñ oa tenta, o o ha morago ga gague.
11Mi yana Aberahame le Sarahe ba le ba cohetse, ba le nyaga lintsi: mi mokhua oa bosari o lo o khutlile go Sarahe.
12Ki gona Sarahe o la a tsega mo go ena, a re, A ki tla na le boitumelo ki sina cohala, le ena morena oa me a cohetse?
13Mi Yehova a raea Aberahame, Sarahe o la a tsegelañ, a re, A ’nka bona ñuana rure, ka ki cohetse?
14A señue se thata go Yehova? Ki tla ba ki boela go uena e ka ne ka baka lo lo laocoeñ, kaha motleñ oa botselo, mi Sarahe o tla bona mosimane.
15Mi Sarahe a itatola, a re, Ga kia ka ka tsega; gone a boiha. Mi a re, Nya; mi u lu ua tsega.
16¶ Me banona ba nanoga gona, ba menogela kua Sodoma: mi Aberahame a ea nabo go ba bolorisa.
17Mi Yehova a re, A ki tla shubela Aberahame se ki se rihañ?
18Ecoa amarure Aberahame o tla na morahe o mogolu le o o thata, mi merahe eotle ea lehatsi e tla tsegaharioa ka ene.
19Gone ki mo itsile, ka a tla laola bana ba gague, le eintlu ea gague hularoñ sa gague, mi ba tla tsegetsa tsela ea ga Yehova, go riha tsiamo, le tsiamisho; gore Yehova a lere go Aberahame se o se buileñ ga gague.
20Mi Yehova a re, Ere ka pico ea ba Sodoma le Gomora e le kholu, mi ka boleo yoa bona bo le thata bogolu;
21Ki tla hologa yana, go bona ha ba rihile yaka pico ea bona e e tlileñ go ’na; mi ha go sa na yalo ki tla itse.
22¶ Mi banona ba bosa hatlogo tsa bona gona, mi ba ea kua Sodoma; mi Aberahame a hela a sa eme ha pele ga Yehova.
23¶ Mi Aberahame a atamela, mi a re, A basiami le bona, u tla ba senyetsa le baikepi?
24Etlare khotsa go bo go le basiami ba le faevete mo motseñ: a le gona u tla o senya, u si ke u buluke helo ka ntla ea basiami ba le faevete ba ba leñ mo go ona?
25A go ne khakala nau go riha mo gontseñ yalo go bolaela basiami le baikepi, go kaea basiami yaka baikepi: a go ne khakala nau. A mosiamisi oa lehatsi yeotle ga a kitla a riha tsiamisho?
26Mi Yehova a re, Etlare ha ki bona basiami ba le faevete mo motseñ oa Sodoma, eriha gona ki tla bulukañ helo gotle ka ntla ea bona.
27Mi Aberahame a araba, mi a re, Bona yana, ki ipetse go bua le Morena, leha ki le lorole le molora:
28Etlare ba faeve ba tlokahala mo basiamiñ ba faevete: a u tla senya motse otle gone ba faeve ba tlokahala? Mi a re, Etlare ha ki bona ba forte le faeve, go ’nkitla ki o senya.
29Mi a hela a sa coelela go bua nae, mi a re, Etlare khotsa go bonoe ba forte gona. Mi a re, Ga ’nkitla ki riha yalo ka ntla ea ba forte.
30Mi a mo raea, Au! a Morena a si galehe, mi ki tla bua; Etlare khotsa go bonoe ba terte gona. Mi a re, Etlare ha ki bona terte gona, ga ’nkitla ki riha yalo.
31Mi a re, Bona, yana, ki ipetse go bua le Morena: Etlare khotsa go bonoe ba tuente gona. Mi a re, Ga ’nkitla ki o senya ka eintla ea ba tuente.
32Mi a re, Au! a Morena a si galehe, mi ki tla hela ki bua ye ya bohelo: Etlare khotsa go bonoe ba ten gona. Mi a re, Ga ’nkitla ki o senya ka eintla ea ba ten.
33Mi Yehova a tsamaea, ka a sina bua le Aberahame: mi Aberahame a boela heloñ ga gague.
હાલમાં પસંદ કરેલ:
Genese 18: TSN1890
Highlight
શેર કરો
નકલ કરો
Want to have your highlights saved across all your devices? Sign up or sign in
this is a historical text maintained by the British and Foreign Bible Society