Dalaana 5
5
Tii yi yíkëe yí faamma níi Nowe na
1-2Sakaꞌ Koope ow ra, ɗi yugusaꞌ ri ti di man ɗi fi Koope nen. Ɗi sak ow ƴaal a ow ɓeleɓ, barkelte wa, yeɗte wa tii ow yiin saku wa ra.
Ƴee daa tii yi ɓëy faam Aadama.
3Lahaꞌ Aadama kíil tíméer a kíil sabay éeyë (130) rë, ɗi lahte koy ki ƴaali mannaꞌte a ri, ti di man ɗi nen ; ɗi yeɗte ri tii Set. 4Filoon fi límí Set, Aadama pesse kíil tíméer peeye (800) ; ɗi lahte na i koy kay. 5Pesi Aadama ɓéeɓ hente kíil tíméer payniil a kíil sabay éeyë (930), ɗi na anti húl.
6Lahaꞌ Set kíil tíméer a kíil iip (105) ra, ɗi límpé Enos. 7Filoon fi límí Enos, Set pesse kíil tíméer peeye a kíil paana (807) ; ɗi lahte na i koy kay. 8Pesi Set ɓéeɓ hente kíil tíméer payniil a kíil sabboo a kíil ana (912), ɗi na anti húl.
9Lahaꞌ Enos kíil sabay payniil (90) ra, ɗi límpé Kenan. 10Filoon fi límí Kenan, Enos pesse kíil tíméer peeye a kíil sabboo a kíil iip (815) ; ɗi lahte na i koy kay. 11Pesi Enos ɓéeɓ hente kíil tíméer payniil a kíil iip (905), ɗi na anti húl.
12Lahaꞌ Kenan kíil sabay paana ra (70), ɗi límpé Mahaleyel. 13Filoon fi límí Mahaleyel, Kenan pesse kíil tíméer peeye a kíil sabay iniil (840) ; ɗi lahte na i koy kay. 14Pesi Kenan ɓéeɓ hente kíil tíméer payniil a kíil sabboo (910), ɗi na anti húl.
15Lahaꞌ Mahaleyel kíil sabay pëenë a kíil iip (65) ra, ɗi límpé Yeret. 16Filoon fi límí Yeret, Mahaleyel pesse kíil tíméer peeye a kíil sabay éeyë (830) ; ɗi lahte na i koy kay. 17Pesi Mahaleyel ɓéeɓ hente kíil tíméer peeye a kíil sabay payniil a kíil iip (895), ɗi na anti húl.
18Lahaꞌ Yeret kíil tíméer a kíil sabay pëenë a kíil ana (162) ra, ɗi límpé Henok. 19Filoon fi límí Henok, Yeret pesse kíil tíméer peeye (800) ; ɗi lahte na i koy kay. 20Pesi Yeret ɓéeɓ hente kíil tíméer payniil a kíil sabay pëenë a kíil ana (962), ɗi na anti húl.
21Lahaꞌ Henok kíil sabay pëenë a kíil iip (65) ra, ɗi límpé Matusalem. 22Filoon fi límí Matusalem, Henok ñéerëꞌté a Koope kíil tíméer éeyë (300) ; ɗi lahte na i koy kay. 23Pesi Henok ɓéeɓ hente kíil tíméer éeyë a kíil sabay pëenë a kíil iip (365). 24Henok ñéerëꞌ a Koope níi, ɗi olliluy, bi ɓeɓ ri Koo kúɗté rí hëbísí.
25Lahaꞌ Matusalem kíil tíméer a kíil sabay peeye a kíil paana (187) ra, ɗi límpé Lemek. 26Filoon fi límí Lemek, Matusalem pesse kíil tíméer paana a kíil sabay peeye a kíil ana (782) ; ɗi lahte na i koy kay. 27Pesi Matusalem ɓéeɓ hente kíil tíméer payniil a kíil sabay pëenë a kíil payniil (969), ɗi na anti húl.
28Lahaꞌ Lemek kíil tíméer a kíil sabay peeye a kíil ana (182) ra, ɗi lahte koy ƴaal, 29yeɗte ri tii Nowe, na anti won tih : « Kúkëyí bee ay yen hílíp légéyí yen a coono fa tíkëh sun fi yen af feey fa lec Koo-Yahwee bee ra. » 30Filoon fi límí Nowe, Lemek pesse kíil tíméer iip a kíil sabay payniil a kíil iip (595) ; ɗi lahte na i koy kay. 31Pesi Lemek ɓéeɓ hente kíil tíméer paana a kíil sabay paana a kíil paana (777), ɗi na anti húl.
32Lahaꞌ Nowe kíil tíméer iip (500) ra, ɗi lahte koy ƴaal éeyë : Sem, Haam a Yafet.
હાલમાં પસંદ કરેલ:
Dalaana 5: NDV
Highlight
શેર કરો
નકલ કરો
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.