GENESIS 8
8
Utit Akwa Mmɔŋ Ukwɔ
1EKEM Abasi eti Noah ye kpukpru unam, ye kpukpru ufene oro edude ye enye ke ubom: 2Abasi oyuŋ anam ofim ebe ke isɔŋ, ndien mmɔn ɔsuhɔre; ndien esiri idim inyaŋ, ye window ikpa enyɔŋ, ŋkpɔsɔŋ edim oro otode ke enyɔŋ onyuŋ ebiere; 3ndien mmɔŋ afafiak ɔkpɔŋ isɔŋ, asaŋa afiak edem: ndien mmɔŋ etek ke utit usen ikie ye aba ye duop.
4Ekem ubom oro abak ke obot Ararat, ke ɔyɔhɔ ɔfiɔŋ itiaba, ke 5ɔyɔhɔ usen ɔfiɔŋ efureba. Ndien mmɔŋ osuk etetek tutu osim ɔyɔhɔ ɔfiɔn duop: ke ɔyɔhɔ ɔfiɔŋ duop, ke akpa usen ɔfiɔŋ, ekut mbuot obot.
6Edikem ke utit usen aba, ndien Noah eberede window 7ubom emi enye akanamde: ndien enye ayak raven aka, ndien raven aka afiak, aka afiak, tutu mmɔŋ 8asat ɔkpɔŋ isɔŋ. Ndien enye ayak ibiom aka, ete ise mme mmɔŋ emetek ɔkpɔŋ iso isɔŋ: 9edi ibiom oro ikwe ɔtɔ eke enye ɔsɔride ikpat ukot esiemɔ, ndien afiak etiene enye ke ubom, koro; mmɔŋ odude ke iso ofuri isɔŋ; ndien enye anyan ubɔk esie omum enye, ada esin ke ubom. 10Ndien enye osuk etie usen itiaba eŋwen; ndien ɔtɔŋɔ ntak ayak 11ibiom ke ubɔk aka; ndien ibiom oro editiene enye ke ini mbubreyo; ndien sese, nsek ikɔŋ olive odu enye ke inua. Ndien Noah ɔfiɔk ete ke mmɔŋ ama etek ɔkpɔŋ isɔŋ. 12Ndien Noah osuk etie usen itiaba enwen, ndien ayak ibiom oro aka; edi enye itɔŋɔke aba ntak ifiak itiene enye.
13Edikem ke ɔyɔhɔ isua ikie itiokiet ye kiet; ke akpa ɔfiɔŋ, ke akpa usen ɔfiɔŋ, mmɔŋ ama asat ɔkpɔŋ isɔŋ; ndien Noah osio ɔkɔm ubom efep ese, ndien, sese, iso isɔŋ amasat. 14Ndien ke udiana akpa ɔfiɔŋ, ke ɔyɔhɔ usen ɔfiɔŋ edip ye itiaba, isɔŋ ama asat ama.
15Ndien Abasi ɔdɔhɔ Noah, ete, 16Wɔrɔ ke ubom, afo ye ŋwan fo, ye nditɔ-iren fo, ye iban nditɔ-iren fo ŋko. 17Sioŋo kpukpru unam emi edude ye afo, ye kpukpru obukidem, ke inuen, ye ke ufene, ye ke mme andinyɔni eke enyɔnide ke isɔŋ; ndien yak mmɔ esiaha ke isɔŋ, enyuŋ etɔt, enyuŋ ewak ke isɔŋ. 18Ndien Noah ɔwɔrɔ ye nditɔ-iren esie, ye ŋwan esie, ye iban nditɔ-iren esie ŋko. 19Kpukpru unam ye kpukpru mme andinyɔni ye kpukpkru inuen, kpukpru se inyɔnide ke isɔŋ, ke oruk mmɔ eto ke ubom ewɔŋɔ.
20Ekem, Noah anam itie-uwa ɔnɔ Jehovah, onyuŋ osio ndusuk ke kpukpru oruk edisana unam, ye ke kpukpru oruk edisana inuen, awa uwa ke itie-uwa oro. 21Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde. 22Adaŋa ofuri ini eke isɔŋ ododu, utɔ, ye ukpeŋe, ye tuep ye eyo, ye ndaeyo ye ukwɔ, ye uwemeyo ye okoneyo iditreke.
હાલમાં પસંદ કરેલ:
GENESIS 8: ENA
Highlight
શેર કરો
નકલ કરો
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.