Мәтта 19
19
Пьрса жьнбәрʼдане
(Марԛос 10:1-12)
1Чахе кӧ Иса әԝ хәбәр сәр һәвда анин, жь Щәлиле дәркʼәт һатә синоре Щьһустане, ԝи али чʼәме Урдӧне. 2Гәләк әʼлаләт ль пәй Ԝи чун у Әԝи ль ԝе дәре әԝ ԛәнщ кьрьн. 3Жь ферьсийа һьнәк незики Ԝи бун у бона щерʼьбандьне же пьрсин: «Гәло ль гора Ԛануне рʼаст ә, кӧ бона һәр мәʼнике мер жьна хԝә бәрʼдә?» 4Әԝи щаба ԝан да у гот: «Ԝә нә хԝәндийә, сәре серида Әʼфьрандар әԝ ‹ԛьсьме мер у жьнеда хӧльԛандьн?›#19:4 Дәстпебун 1:27; 5:1-2. 5у гот: ‹Бона ве йәке мер ԝе де у баве хԝә бьһелә, хԝә ль жьне бьгьрә у һәр дӧ ԝе бьбьнә бәдәнәк›#19:5 Дәстпебун 2:24. . 6Аԝа иди әԝ нә дӧдӧ нә, ле бәдәнәк ьн. Бона ве йәке әԝед кӧ Хԝәде кьрьнә йәк, бьра мәрьв жь һәвдӧ нәԛәтинә».
7Ԝана жерʼа гот: «Ле чьма Муса тʼәми кьр, кӧ мер кʼахаза жьнбәрʼдане бьдә жьне у ԝе бәрʼдә?»#19:7 Ԛануна Дӧщари 24:1-4. 8Әԝи ль ԝан вәгәрʼанд у гот: «Муса жь дәст сәрһʼьшкийа ԝә изьн да ԝә кӧ һун жьнед хԝә бәрʼдьн. Ле сәрида нә ӧса бу. 9Әз ԝәрʼа дьбежьм, кʼи кӧ бе сәбәбийа ԛавийе жьна хԝә бәрʼдә у йәкә дьн бьстинә, әԝ зьнекʼарийе дькә#19:9 Нав һьнәк дәстньвисарада әв жи һәйә: «У кʼи кӧ йа бәрʼдайи бьстинә зьнекʼарийе дькә». ».
10Шагьртед Ԝи жерʼа готьн: «Һәгәр нав жьн у мерда тьштәки аһа һәйә, һе ԛәнщ ә ԝәки ԛәт нәзәԝьщьн». 11Иса ԝанрʼа гот: «Һәр кәсирʼа әв йәк дәст надә, ле тʼәне ԝанрʼа кʼижанарʼа һатийә дайине. 12Чьмки нәмер һәнә, кӧ жь зькмакийеда ӧса бунә у нәмер жи һәнә, кӧ жь дәсте мәрьва бунә нәмер у нәмер жи һәнә, кӧ бона Пʼадшатийа Әʼзмана ԝана хԝә нәмер кьрьн. Кʼерʼа әв йәк дәст дьдә, бьра ӧса жи бькә».
Иса дӧа зарʼока дькә
(Марԛос 10:13-16; Луԛа 18:15-17)
13Һьнге зарʼок анинә щәм Иса, кӧ дәстед Хԝә дайнә сәр ԝан у дӧа ль ԝан бькә. Ле шагьртед Ԝи ль йед данин һьлатьн. 14Иса гот: «Бьра әԝ зарʼок бенә щәм Мьн, пешийа ԝан нәгьрьн, чьмки Пʼадшатийа Әʼзмана пʼара йед ӧса йә». 15У Иса дәстед Хԝә данинә сәр ԝан у жь ԝьр чу.
Хортәки дәԝләти ль жийина һʼәта-һʼәтайе дьгәрʼә
(Марԛос 10:17-31; Луԛа 18:18-30)
16Һьнге йәк незики Ԝи бу у готе: «Дәрсдар! Әз чь ԛәнщийе бькьм, ԝәки жийина һʼәта-һʼәтайе ԝар бьм?» 17Әԝи жерʼа гот: «Тӧ чьма бона ԛәнщийе жь Мьн дьпьрси?#19:17 Нав һьнәк дәстньвисарада аһа йә: «Тӧ чьма Мьнрʼа ԛәнщ дьбежи?» Тʼәне Йәки ԛәнщ һәйә. Ле һәгәр тӧ дьхԝази, бькʼәви жийина һʼәта-һʼәтайе, тʼәмийед Хԝәде хԝәй кә». 18Әԝи жь Иса пьрси: «Кʼижан ьн?» Иса готе: «Нәкӧжә, зьнекʼарийе нәкә, нәдьзә, шәʼдәтийа дәрәԝ нәдә, 19ԛәдьре де у баве хԝә бьгьрә#19:19 Дәркʼәтьн 20:12-16; Ԛануна Дӧщари 5:16-20. у һәвале хԝә ԝәкә хԝә һʼьз бькә#19:19 Ԛануна Кʼаһинтийе 19:18. ». 20Хорт жерʼа гот: «Мьн әв һʼәму хԝәйи кьрьнә. Иди чь кемасийа мьн һәйә?» 21Иса готе: «Һәгәр тӧ дьхԝази кʼамьл би, һәрʼә һәбука хԝә бьфьрошә бьдә фәԛира, һьнге хьзна тә ԝе ль әʼзмана һәбә. У пәй мьн ԝәрә». 22Гава хорт әв хәбәр бьһистьн, бәр хԝә кʼәт у чу, чьмки гәләк һәбука ԝи һәбу.
23Һьнге Иса готә шагьртед Хԝә: «Әз рʼаст ԝәрʼа дьбежьм, дәԝләтийарʼа зәʼмәт ә кӧ бькʼәвьнә Пʼадшатийа Әʼзмана. 24Әз диса ԝәрʼа дьбежьм, дәвә ԝе ԛӧла дәрзийерʼа һе рʼьһʼәт дәрбаз бә, нә кӧ дәԝләти бькʼәвә Пʼадшатийа Хԝәде». 25Гава шагьрта әв йәк бьһист, гәләки әʼщебмайи ман у готьн: «Иди кʼи дькарә хьлаз бә?» 26Иса ль ԝан ньһерʼи у гот: «Әԝ тьшт жь дәсте мерьв найе, ле Хԝәде һәр тьшти дькарә бькә».
27Ԝе гаве Пәтрус ле вәгәрʼанд у готе: «Аԝа мә һʼәму тьшт һьштийә у пәй тә һатьнә, ле ахьрийа мә ԝе чаԝа бә?» 28Иса готә ԝан: «Әз рʼаст ԝәрʼа дьбежьм, гава Кӧрʼе Мерьв Дьнйа Нуда ль сәр тʼәхте Хԝәйи рʼумәт рʼуне, һунед кӧ ль пәй Мьн тен, сәр донздәһ кʼӧрсийа рʼунен у диԝана донздәһ ԛәбилед Исраеле бькьн. 29У һʼәмуйед кӧ мала хԝә, йан бьред хԝә, йан хушкед хԝә, йан баве хԝә, йан дийа хԝә, йан жьна хԝә#19:29 Нав гәләк дәстньвисаред һәрә ԛәнщда «йан жьна хԝә» тʼӧнә. , йан зарʼед хԝә, йан әʼрдед хԝә бона наве Мьн һьштьнә, әԝе сәд ԛат бьстинә у ԝе жийина һʼәта-һʼәтайе жи ԝар бә. 30Ле гәләкед пеш ԝе бьбьнә паш у йед паш ԝе бьбьнә пеш».
હાલમાં પસંદ કરેલ:
Мәтта 19: KmrNTC
Highlight
શેર કરો
નકલ કરો
Want to have your highlights saved across all your devices? Sign up or sign in
© Институт перевода Библии, 2000, 2011
