Кʼаред Шандийа Пешготьн
Пешготьн
Кʼьтеба «Кʼаред Шандийа» думайийа «Мьзгинийа Луԛа» йә, йа кӧ бь дәсте Луԛа һатийә ньвисаре. Мәрәме кʼьтебе әԝ ә, кӧ шьровәкә пәйчуйед Мәсиһ чаԝа бь рʼебәрийа Рʼӧһʼе Пироз ль Оршәлиме, Щьһустане, Самәрйайе у ԝәлатед майинда бунә шәʼдед Ԝи (1:8). Ӧса жи дьдә кʼьфше, кӧ щьвина ну бь чь зәлулийе у тәʼли-тәнгийе һʼиме хԝә гьрт у бь аликʼарийа Рʼӧһʼе Пироз чаԝа нава ԝан охьрмед гьранда пешда дьчу. Алики дьнва жи гава һе кʼур дьби, дьбини кӧ әва кʼьтеба тʼариха мәсиһийе йә, кӧ жь Фьльстине нава щьһуйа дәстпебу у паше бу баԝәрикә тʼәмамийа дьнйайе.
Әм дькарьн Кʼаре Шандийа сәр се пʼара пʼарәвәкьн:
1. Бәлабуна мәсиһийе Оршәлимеда, пәй жорһьлатьна Исарʼа (1:1–8:3)
2. Бәлабуна мәсиһийе жь Оршәлиме у Щьһустанеда гьрти һʼәта Самәрйайе, Шаме у щийед дьнә дор-бәред Фьльстине (8:4–12:25)
3. Бәлабуна мәсиһийе нава ԝәлатед дор-бәре Бәʼра Сьпи (Бәʼра Навбәре), һʼәта Рʼомайе (13:1–28:31)
Жь ԝан ԛәԝьмандьнед ве кʼьтебеда йәкә һәрә бәрбьчʼәʼв бона кьред Рʼӧһʼе Пироз ньвисар ә, кӧ Рʼожа Пенщийә һʼәсабда ль Оршәлиме сәр баԝәрмәндада чаԝа ԛәԝат бари у рʼебәрийа щьвине кьр, щьвин у сәрԝеред ԝе нав хәбата ԝанда ԛәԝат кьрьн. Һинкьрьнед мәсиһийед пешьн нава даннасинкьрьнада хӧйа дьбә. Аԝа мәсәлә, нава даннасинийа Пәтрусе шандида пәй стандьна Рʼӧһʼе Пирозрʼа (2:14-36), нава даннасинийа пʼарьстгәһеда пәй ԛәнщбуна йе ньгсәԛәтрʼа (3:11-26), щабдайина Стәйфанда бәр щьвина гьрәгьред Оршәлиме (7:1-53) у готьнед Паԝлосда (13:16-41; 17:22-31; 20:18-35; 22:1-21; 24:10-21; 26:2-23). Әԝ ԛәԝьмандьнед кʼьтебеда кӧ тенә биранине дьдьнә кʼьфше, кӧ чаԝа даннасинкьрьн у һинкьрьнед шандийа бь ԝе ԛӧдрәте тенә кьрьне, йа кӧ бь ԛәԝата Рʼӧһʼе Пироз щьвинеда нава әʼмьре баԝәрмәндада те кʼьфше у бь щьвине Мьзгинийа Иса Мәсиһ дьнйайеда бәла дьбә.
Сәрәщәма фькьра кʼьтебе
Һазьркьрьна шәʼдәтийа шандийа (1:1-26)
1. Соз у тʼәмийа Исайә хьлазийе (1:1-14)
2. Бьжартьна Матийо дәԝса Щьһудайе Исхәрйот (1:15-26)
Шәʼдәтийа Оршәлимеда (2:1–8:3)
Шәʼдәтийа ԝәлатед Щьһустане у Самәрйайеда (8:4–12:25)
Ԛӧльхе Паԝлос (13:1–28:31)
1. Рʼеԝитийа Паԝлосе шандийә пешьн (13:1–14:28)
2. Шеԝьра щьвина Оршәлимеда (15:1-35)
3. Рʼеԝитийа Паԝлосе шандийә дӧда (15:36–18:22)
4. Рʼеԝитийа Паԝлосе шандийә сьсийа (18:23–21:16)
5. Паԝлосе гьрти Оршәлимеда, Ԛәйсәрийеда у рʼеԝитийа ԝийә һʼәта Рʼомайе у ахьри (21:17–28:31)
હાલમાં પસંદ કરેલ:
Кʼаред Шандийа Пешготьн: KmrNTC
Highlight
શેર કરો
નકલ કરો
Want to have your highlights saved across all your devices? Sign up or sign in
© Институт перевода Библии, 2000, 2011