OKUBANZA 2
2
1NUKWO iguru nensi byahwa okukurwa, nihe lyabyo lyona. 2Kandi hakiro kyamusanju Ruhanga akamara emirimu ye yakozere; yahumura hakiro kyamusanju emirimo yona eyiyakozere. 3kandi Ruhanga yakiha omugisa ekiro kyamusanju, nakyeza: baitu eki nikyo yahumuriremu emiromo ye yona eyiyahangire eyiyakozire.
4Kunu nikwo kuzarwa kwiguru nensi, nebyahangirwe, hakiro MUKAMA Ruhanga ekiyakoreiremu nsi neguru. 5Nomuti gwona ogwomu kisaka gukaba gutakabaireho munsi nebinyansi byona obyomukisaka bikaba bitakamezire: 6baitu ekiho kikatamba okuruga ahansi nikitonya amaizi hansi yona. 7Kandi MUKAMA Ruhanga yakora omuntu omu cuncu itaka yamuhuha omunyindo orwoya lyobwomezi omuntu yafoka obwomezi obwomire. 8Kandi MUKAMA Ruhanga akabyara orugonjo omu adeni burugaizoba nuho yataire omuntu owuyakozere 9Kandi omu itaka MUKAMA Ruhanga akameza omuti gwona ogusemeirere amaiso, nemiti yona esemerire okuribwa; nomuntu gwobwomezi hagati omu rugonjo, nomuti gwokumanya oburungi nobubi. 10Kandi ekyambu kyiraruga omu Adeni okwitira orugonjo; nuho kyayebaganirize nikifoka emitwe ena. 11Ekyokubanza eibara lyako Pisoni: eki nikyo kyayehingurize ensi yona ya kavira nambere hari ezabu; 12Nezabu eyomu nsi egi enungi. Niho hari bedorahi nibara sohamu. 13Nekyambu ekyakabiri ibara lyakyo Gihoni: eki nikyo kyayehinguririze ensi yona eya Kusi 14Nekyambu ekyakasatu ibara elyakyo Hidekeri: eki nikyo kirikugenda harubaju rwa asura. Nekyambu ekyakana Furati. 15Kandi MUKAMA Ruhanga akatwara omuntu yamuta omurugonjo rwa Adeni okururima nokululinda. 16MUKAMA Ruhanga akaragira omuntu nagamba ati, Ha muti gwona ogwomugonjo olyehoga nkokwogonza 17baitu Ha muti ogwokumanya oburungi nobubi otarigulyaho: Baitu omukiro kyoliguriramu, amazimakwo olifa.
18MUKAMA Ruhanga akagamba ati kiri kirungi omuntu okwikara wenka; ndamuko’ra omukonyezi omusemerire. 19MMUKAMA Ruhanga akakora omu itaka ebisoro byona ebyomu kisaka, na byona ebihu’ruka haiguru; yabiretera omuntu okurora okwarabyeta: Kandi omuntu kyona ekiyayesire ekihangi kyona ekyomire eri niryo ibara lyakyo 20Kandi omuntu akaruka ebisoro amabara, nebihu’ruzana ezomu kisaka; baitu omuntu akaba atakaheirwe omukonyezi omusemereire. 21MUKAMA Ruhanga akaretera omuntu oturo twingi, yagwijagira; yamuihamu orubaju rumu yagaramu enyama omukiikaro kyarwo: 22Kandi MUKAMA Ruhanga orubaju oruyayihire omu muntu akarufora omukazi, yamuleta hari omuntu. 23Omuntu yagamba ati onu niryo igufa erirugire omu magufa gange, kandi niyo nyama erugire omu Musaija. 24Omusaija nikyo alirekera ise na nyina, aterane na mukazi we: nabo bariba omubiri gumu. 25Kandi bombi bakaba bari busa omusaija no mukaziwe, kunu batakwatwe ensoni.
હાલમાં પસંદ કરેલ:
OKUBANZA 2: BRR64
Highlight
શેર કરો
નકલ કરો
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.