Chhóng-sṳ Ki 3

Ngìn Vì-poi Min-lin

1Sà he Chú Song-ti só chhóng-chho ke thung-vu̍t tông-chûng chui káu-koai ke. Sà tui ke ńg-ngìn kóng: “Song-ti kám yû-yáng kóng-ko ngì-têu yit-thin cho-m̀-tet sṳ̍t yèn-chûng só-yû su-táng ke kó-chṳ́?”

2Ke ńg-ngìn en-kóng: “Yèn-chûng su-táng ke kó-chṳ́ ngài-têu chhiòn-phu cho-tet sṳ̍t; 3chṳ́-yû yèn tûng-ông ke-thèu su-táng ke kó-chṳ́, Song-ti sṳt-kóng: ‘Ngì-têu cho-m̀-tet sṳ̍t, ya m̀-hó miâ, na m̀ thâng-chhiùng, ngì-têu chhiu voi sí.’ ”

4Sà tui ńg-ngìn kóng: “Ngì-têu mò yit-thin voi sí, 5yîn-vi Song-ti tî ngì-têu nâ-lòi sṳ̍t, muk-chû chhiu voi pien-kîm, ngì-têu voi chhiong Song-ti án-ngiòng hiáu-tet fûn-phe̍t san-ok.”

6Ke ńg-ngìn khon-tó ke-thèu su-é ke kó-chṳ́ hó-sṳ̍t, hó-khon, yu voi pûn ngìn tet-tó chṳ-fi, kì chhiu chiông kó-chṳ́ chak hâ-lòi sṳ̍t, ya nâ-pûn kiâ ló-kûng, kiâ ló-kûng ya sṳ̍t. 7Kì lióng-sà ke muk-chû chhiu kîm hí-lòi, chang tî chhṳ-kâ he chhak-sṳ̂n lu-thí, chhiu phiên vù-fâ-kó-su ke ya̍p-é lòi-châ sṳ̂n-thí.

8Ke-ngit lìm-am-é, ke-ngìn lâu kiâ pû-ngiòng thâng-tó Chú Song-ti chhai yèn-tú hàng ke sâng-yîm, chhiu khong chhai yèn-tú ke su-lìm chûng, m̀-kám kien Chú Song-ti ke mien. 9Chú Song-ti ham ke-ngìn, tui kì kóng: “Ngì chhai nai?”

10Kì kóng: “Ngài chhai yèn-chûng thâng-tó Ngì ke sâng, yîn-vi ngài chhak-sṳ̂n lu-thí, kiâng-to khong hí-lòi.”

11Chú Song-ti kóng: “Má-ngìn lâu ngì kóng ngì chhak-sṳ̂n lu-thí nè? Ngì kám-yû sṳ̍t Ngài fûn-fu ngì cho-m̀-tet sṳ̍t ke-thèu su-táng ke kó-chṳ́?”

12Ke-ngìn kóng: “Ngì su-pûn ngài cho-phân ke ńg-ngìn, kì chiông ke su-táng ke kó-chṳ́ pûn ngài, ngài chhiu sṳ̍t.”

13Chú Song-ti mun ke ńg-ngìn kóng: “Ngì to-tái cho-má-ke sṳ nè?” Ńg-ngìn kóng: “Sà yín-yu ngài, ngài chhiu sṳ̍t.”

Chú Song-ti Phan Kì-têu

14Chú Song-ti tui sà kóng:

“Ngì ki-yèn cho liá-sṳ, chhiu yit-thin su chit-fa̍t,

voi pí yit-chhiet sên-hiuk lâu yâ-chhu kha chhôi-ko.

Ngì oi yung tú-sṳ́ sò,

chûng-sṳ̂n sṳ̍t-nài.

15Ngài oi sṳ́ ngì lâu ńg-ngìn kiet yên-sù;

ngì ke heu-thoi lâu ńg-ngìn ke heu-thoi pí-chhṳ́ yen-hen.

Kì oi tá ngì ke thèu;

ngì oi ngâu kì ke kiok-châng.”

16Chú Song-ti yu tui ke ńg-ngìn kóng:

“Ngài oi thai-thai chen-kâ ngì fài-yín ke thung-khú;

ngì oi chhai thung-khú chûng kiung chṳ́-ńg.

Ngì voi oi-mu ngiâ ló-kûng;

ngiâ ló-kûng voi kón ngì.”

17Chú Song-ti yu tui Â-tông kóng:

“Ngì ki-yèn thâng ngiâ pû-ngiòng ke fa,

sṳ̍t Ngài fûn-fu ngì cho-m̀-tet sṳ̍t ke-thèu su-táng ke kó-chṳ́,

thú-thi oi yîn-vi ngì lòi-su chu-chú;

ngì oi yit-sên-ngìn lò-luk,

chang-nèn tui thú-thi tet-tó sṳ̍t-vu̍t.

18Thú-thi vi-tó ngì voi sâng net-è lâu chha̍p-chhó,

ngì ya oi sṳ̍t yâ-sâng ke chhoi.

19Ngì oi hon liù ma̍k-lo̍k chang-yû hó-sṳ̍t,

chhṳ̍t-to ngì kûi-thú,

yîn-vi ngì he tui nài chhut-lòi ke.

Ngì pún-lòi he nài,

to-mî oi kûi-thú.”

20Â-tông lâu kiâ pû-ngiòng ôn-to Ha-vâ#3:20 “Â-tông” yi-sṳ he “ngìn-lui”, “Ha-vâ” yû “sâng-miang” ke yi-sṳ., yîn-vi kì he ngìn-lui ke â-mê. 21Chú Song-ti yung chhu-phì cho sâm-fu pûn Â-tông lâu kiâ pû-ngiòng chok.

Kiuk-chhut Yî-thien-yèn

22Chú Song-ti kóng: “Khon â! Ke-ngìn yí-kîn lâu ngài-têu siông-chhiong, voi fûn-phe̍t san-ok; kiâng-pha kì liá-ha yu chhûn-sú chak sâng-miang-su ke kó-chṳ́ sṳ̍t, chhiu yún-yén m̀-voi sí.” 23Só-yî Chú Song-ti chiông kì kiuk-chhut Yî-thien-yèn, pûn kì hi kâng-chung — kì pún-lòi he tui thú-thi chhut-lòi ke. 24Chú Song-ti kiuk-chéu ke-ngìn, yu chhai Yî-thien-yèn tûng-phién ôn-sat kî-lu-pak#3:24 “kî-lu-pak” he fuk-su ke; chhai Khiun-Tûng he yit-chúng koai-vu̍t, mien chhiong ngìn, ngiù, sṳ̂-é, ya-he ên-tiâu, sṳ̂n-thí sòng-sòng chhiong sṳ̂-é, ya yû yi̍t-kap. lâu si-mien chón-thung fat-fó ke kiam, lòi-chóng sâng-miang-su ke lu.

હાલમાં પસંદ કરેલ:

Chhóng-sṳ Ki 3: THV12Rdb

Highlight

શેર કરો

નકલ કરો

Want to have your highlights saved across all your devices? Sign up or sign in

HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) વિષે વધુ શીખો

Chhóng-sṳ Ki 3

Popular Bible Verses from
Chhóng-sṳ Ki 3

બાઇબલ:

Hakkafa (Roman script)

વર્જન: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 3

Chhóng-sṳ Ki 3

Popular Bible Verses from Chhóng-sṳ Ki 3

બાઇબલ:

Hakkafa (Roman script)

વર્જન: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 3

Popular Bible Verses from
Chhóng-sṳ Ki 3