Kuyamba 10
10
M'badwe wawana wa Nowa
(1 Mako 1:5–23)
1Uwu ndiwo m'mbadwe wawana wa Nowa, Shemu na Hamu na Jafeti, wana waadabala pambuyo pachigumula. 2Wana wa Jafeti akhali, Gomeri na Magogi na Madhayi na Javani na Tubhali na Misheki na Tirasi. 3Wana wa Gomeri akhali Ashikenazi na Rifati na Togarima. 4Wana wa Javeni akhali Elisha na Tarishishi na Kitimu na Dhodhanimu; 5kum'badwe wa Javani, ndiko kudachoka wanthu adazakhala mumphepete mwanyanja, kuchoka kwaawa, wanthu wamumphepete mwanyanja adamwazikila kuteyeza mbuto zawo, namishowo yawo, namabanja yawo namadziko yawo.
6Wana wa Hamu akhali Kushi na Ijipiti na Phuti na Kenani. 7Wana wa Kushi akhali Sebha na Havila na Sabhuta na Raama na Sabhuteka. Wana wa Rama akhali Shebha na Dhedhani. 8Kushi akhali apayi wa Nimilodhi, ndiye adakhala munthu wakuyamba kukhala wamphamvu padziko. 9Akhali nkhumbalume nkulu patsogolo pa Chawuta, ndibzo bzidazachitisa kuti wanthu ambalewa ntsumo yakuti, “Ninga Nimilodhi nkhumbalume nkulu patsogolo pa Chawuta!” 10Umambo wake udayambila mu Bhabheli namu Ereki na Akadhi, maguta yentse yamweyo yakhali mudziko la Shinari. 11Adachoka mudziko limwelo nkuyenda ku Asiriya kwaadakamanga guta la Ninive naguta la Rehobhoti na Khala 12na Resini, pakati Ninive na Khala guta likulu.
13Ijipiti akhali apayi wa Ludhimu na Ananimu na Lehabhimu na Nafuhimu 14na Paturusimu na Kasuluhimu kudachoka nshowo waa Filisitiya na Kafutorimu.
15Kenani akhali apayi wa Sidhoni, mwana wake wakuyamba, na Heti, 16naa Jebhusi naa Amori naa Girigashi 17naa Hivi naa Ariki naa Sinai, 18naa Arivadhi naa Zemari naa Hamati. Pambuyo pache mabanja yaa Kenani yadazamwazikila. 19Dziko laa Kenani likhayambila ku Sidhoni lichikapita naku Gerari, lichifika ku Gaza, chakumbali yaku Sodhomu na Gomora na Adhima na Zebhoyimu mpaka ku Lasha. 20Awa ndiwo wana wachimuna wa Hamu, kuteyeza namabanja yawo namishowo yawo nambuto zawo namadziko yawo.
21Kwa Shemu, apayi wawana wentse wa Ebheri, nkulu wa Jafeti kudabaliwambo wana. 22Wana wa Shemu akhali, Elamu na Ashuri na Aripakishadhi na Ludhi na Aramu. 23Wana wa Aramu akhali, Uzi na Huli na Geteri na Mashi. 24Aripakishadhi akhali apayi wa Shela, Shela akhali apayi wa Ebheri. 25Kwa Ebheri kudabaliwa wana awili, dzina lamunango wache akhali Pelegi, pakuti muntsiku zake dziko likhadagawika, dzina lam'bale wake akhali Jokitani. 26Jokitani akhali apayi wa Alimodhadhi na Shelefi na Hazarimaveti na Jera 27na Hadhoramu na Uzali na Dhikila 28na Obhali na Abhimayeli na Shebha 29na Ofiri na Havila na Jobhabhi, wentse awa akhali wana wa Jokitani. 30Dziko laakhakhala likhayambila ku Mesha kumbali ya Seferi kufika kudziko lamapili lachakumabveladzuwa. 31Awa ndiwo wana wa Shemu, kuteyeza mabanja yawo, nanshowo yawo, nambuto zawo namadziko yawo.
32Aya ndiyo mabanja yawana wa Nowa, kuteyeza kunembewa kwayakhadachitiwa, mumadziko yawo, kuchoka m'madziko yamweya adamwazikila padziko lapantsi, pambuyo pachigumula.
હાલમાં પસંદ કરેલ:
Kuyamba 10: KUNDA
Highlight
શેર કરો
નકલ કરો
Want to have your highlights saved across all your devices? Sign up or sign in
Bhaibheri reChikunda © Bible Society of Zimbabwe