Luka 23
23
Yesu mu ci:na ca Pilato
(Mt. 27:1-2, 11-26; Mk. 15:1-5; Yo. 18:28-40; 19:1-15)
1Ecise co:ne nici:muka, nibamusira imbere ya Pilato. 2Nibamba okumubu:ra, niba:ika ati, Unu camubwene ne:kotya riyanga ryeswe, nabaganya okutobera Kaisari rigoti, na:ika ati, anye ndi Kristo Omukama. 3Pilato namubu:sya ati, ?Na:we Omukama wa Bayaudi? Namuindura ati, Awe na:we wa:ika. 4Pilato nabwira abagabisi abakuru ne bise ati, Nitakubona cikayo ku mu:nu unu. 5Nawe abe:ne nibongesya okukungirisya niba:ika ati, Kayoganya aba:nu, ne:igisya mu Buyaudi yo:ne, ambiye Galilaya kukinga na anu. 6Nawe Pilato ejire ongwa, nabu:sya araba omu:nu uyo ni Mugalilaya.
Yesu imbere ya Erode
7Wejire amenya ati, ni wa bukama bwa Erode, namutuma ewa Erode, okuba omwene ariga:ri mu Yerusalemi mu siku ijo. 8Mbe Erode ejire arora Yesu, nakonderwa muno, okuba kuso:ka kara endaga okumurora, okuba onguywe emisango jae, ne:ikanya okumurora nakora ecirugu:ro. 9Namubu:sirisya misango myafu, nawe omwene atainduye musango. 10Abagabisi abakuru na bandiki nibe:mereguru okumubu:ra na managa, 11Mbe Erode na basirikare bae nibamugaya mbamujimya nibamufwafya ecifwaro ce cire:re, nibamusubya ku Pilato. 12Erode na Pilato niwo nibongwana ku rusiku urwo, okuba okwamba bariga basokene.
Yesu amwi Baraba
(Mt. 27:15-26; Mk. 15:6-15; Yo. 18:39-40)
13Pilato nabirikira abagabisi abakuru na bakuru na ba:nu. 14Nababwira ati, Mwari mwande:tee omu:nu unu, ati niwe ke:kotya aba:nu. Mbe namwitetya imbere yemwe, nitakumubonako cikayo mu jinu omumubu:ra. 15Nakabee ari Erode one, okuba amusubya kwiswe, na rora, gutario musango gunu akorere gunu gwiire okumwita. 16Mbe araba namara okumubuma, enimuta:tira. 17Na kwariga kumwiire okubata:tirira omuboywa umwi ku rusiku orukuru.
18Nawe nibayogana bo:ne aamwi, niba:ika ati, Numuso:syeo mu:nu unu, ucita:tirire Baraba. 19Niwe omu:nu unu bariga batee mwiboero kurwo rwango runu rwariga ruri mu musi, na kurwo bwiti. 20Pilato na:ika nabo rindi, nenda okuta:tira Yesu. 21Nawe abe:ne niba:ikirira inguru ati, Mumubambe ku musaraba, mumubambe ku musaraba! 22Nababu:sya orwa kasatu ati, ?Kubaki, akora cikayo ki? Nitakumubonako musango gwa kumwita. Mbe araba namara okumubuma, enimuta:tira. 23Nawe abe:ne nibakome:ra okwaika na maraka manene nibasabwa ati, Abambwe ku musaraba! Amaraka gebwe nigaiga. 24Pilato natema eci:na ati, cinu abasabwa cikorwe. 25Nata:tira oyo ariga:ri mu mabubusi kurwo rwango no bwiti, unu bariga nibenda. Nawe naurusya Yesu okumukora kutyo bendere.
Yesu nabambwa ku musaraba
(Mt. 27:32-44; Mk. 15:21-32; Yo. 19:16-27)
26Mbe anu bariga nibamusira, nibagwata Simoni wende Kurene, unu aso:kaga mu ndimiro, nibamutwika omusaraba, agwitwike naru:ba Yesu. 27Ebise byafu bya ba:nu nibimuru:ba, na bagasi banu bamuririraga, nibarira ji:mamu. 28Nawe Yesu nabaindukira na:ika ati, Emwe bayara ba Yerusalemi, musige kundirira, nawe mwiririre abe:ne na ba:na bemwe. 29Okuba rora, jisiku jiri:ja anu baryaika ati, Bari na ribando abagumba, na jinda jinyate:bura, na mabere ganu ganyatanenia. 30Mu siku ijo baryamba okubwira ebi:ma ati, Mucigwire, ne bisuma ati, Mucifundikire. 31Okuba bakakora jinu kwiti ribisi, ?ku ryumu kuriba kutiki?
32Nibagegwa bandi babiri abanyamusi, okwitirwa aamwi nage. 33Mbe bejire bakinga anu atogwaga Awe:ciyanga, nibamubambirao ku musaraba, na banyamusi abo nibabambwa oumwi ku kuboko kwae okwe buryo, no undi ku kwe bumosi.
34Mbe Yesu na:ika ati, Rata, ube:swaririre okuba batakumenya jinu abakora. Nibagabana ebifwaro byae, nibe:tongya. 35Aba:nu nibe:mereguru nibarore:rera. Abakuru one nibamuseka, niba:ika ati, Aonyaga abandi, ne:onye omwene, araba niwe Kristo wa Nyamuanga, omusorwa wae. 36Abasirikare one nibamugomberera, nibaja anu ariga, nibamuyana isiki, 37niba:ika ati, Araba na:we Omukama wa Bayaudi, ionya omwene. 38Inguru yae yariga irio inyaruba yae inu yariga yandikirwe ati, unu niwe omukama wa bayaudi.
Omwifi oumwi ne:kirisya
39Oumwi ku banyamusi banu baanikirwe namufuma na:ika ati, ?Atoga na:we Kristo? Wionye omwene neswe one. 40Nawe we:ja:bo namugonya na:ika ati, ?Si utaku:baya Nyamuanga, okuba uri ku ntambara imwi nage? 41Nawe eyeswe ici:ire cimari, okuba eswe cabwene omuyero gunu gwiire ebikorwa byeswe. Nawe omu:nu unu ata:ma:kora cinu cite:ire. 42Nabwira Yesu ati, Ratabugenyi, ariba wa:ja mu bukama bwao, unyicuke. 43Yesu namubwira ati, Ni cimari, enikubwira ati, Oujo:ba aamwi nanye rero mu Paradiso.
Okufwa Kwa Yesu
(Mt. 27:45-56; Mk. 15:33-41; Yo. 19:28-37)
44Mbe yariga uti saa eta:nu na imwi, niciba cisu:te ku ca:ro co:ne kukinga ku saa ya kata:nu na kana. 45Risu:ba niririga. Risaenge rya mu yekaru niritemukira aagati. 46Mbe Yesu na:ika na buraka bunene ati, Rata, enitu:ra omwoyo gwani mu mabako gao. Wejire amara okwaika kutyo, naso:sya omwoyo gwae. 47Mbe omukuru wa basirikare wejire arora jinu jabao, nakuya Nyamuanga, na:ika ati, Ni cimari omu:nu unu ariri murengeresi. 48Ne bise byone binu byariga bikofyanyisye okurora, wejire barora jinu jabao, nibasuba, nibe:kununa mu bifuba. 49Na bo:ne banu bariga bamenyene nage, na bagasi banu baso:kere nage Galilaya, nibe:mereguru kura, nibarora ejo.
Yesu ne:swa mu:fwa
(Mt. 27:57-61; Mk. 15:42-47; Yo. 19:38-42)
50Mbe rora, omu:nu risi:na ryae Yusufu, unu ariga mukuru, omu:nu we kisi, na ka ari murengeresi. 51Oyo ariga atarimo mu cirwaji cebwe amwi mu cikorwa cebwe. Ariga wende Arimatiya, nigwo omusi gwa Bayaudi. Ariga narindirira obukama bwa Nyamuanga. 52Mbe omu:nu uyo nagenda ku Pilato, nasabwa ecitundu ca Yesu. 53Naciyanura, nacisinga mu mwenda gwa bafuta, namuta mu:fwa inu yariga irimire kwibui, acariga kutu:rwamo mu:nu. 54Mbe rwariga rusiku rwa Kwira:ba, mutondo eibao isabato. 55Na bagasi banu baso:kere Galilaya nage, nibamuru:ba, nibarora i:fwa, ne citundu cae kutyo cabikirwe. 56Nibasuba nibe:ra:ba binu ebiranga, na mafuta amarange. Nibe:sya Omwoyo ku rusiku rwa isabato rwe ciragiro kutyo cariga ciri.
હાલમાં પસંદ કરેલ:
Luka 23: KIJ1960
Highlight
શેર કરો
નકલ કરો
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.
