Gɔ̃mèjèje be Xoma 2
2
1Nène a ye wo ɖo jiŋùkusi, ànyigbã ku woabe emènuwo kpata yeŋu. 2Mawu ɖo àsitè na yebe èdɔa lè ŋùkèkè adrɛ̃gɔ̃ a gbè. E ɖo àsitè lè ŋùkèkè adrɛ̃gɔ̃ a gbè. 3Mawu tu sì na ŋùkèkè adrɛ̃gɔ̃ a eye e kɔ̀ e ŋuti, ɖo ŋùkèkè ŋua ye Mawu sɔ gbɔ̃jɛ̃ lè yebe èdɔ kèwo kpata be wɔ̀a mè. 4Nène a ye nyi ànyigbã ku jiŋùkusi be gɔ̃mèjèje wàlɛbɛ kè Mawu ɖo wo lè woabe dɛnua.
Edɛ̀n be àbɔ a
5Àgblèji be àti ɖekpekpe mu lè ànyigbã ji ò, eye ègbe ɖekpekpe cã mu mìɔ̃ ɖo e ji ò, ɖo Tɔhonɔ̀ Mawu mu na èji jà ɖo ànyigbã ji hàɖe ò. Eye àmè ɖe mu lè la dè ànyigbã ò. 6Vɔ̀a, èsì ɖe to so ànyigbã mè, eye e gbã ɖo ànyigbã kpata be ŋùkumè.
7Tɔhonɔ̀ Mawu sɔ ànyikɔ sɔ mè àmè. E gbɔ̃ àgbè gbɔ̃gbɔ̃ ɖo yebe ŋɔ̀tiwo mè, eye àmèa trɔ zũ àgbètɔ. 8Tɔhonɔ̀ Mawu sò àbɔ ɖe ɖo Edɛ̀n, lè èwèzɛ̃pe, eye e sɔ àmè kè e mèa do e mè. 9Tɔhonɔ̀ Mawu na àti kèwo nya kpɔ eye woabe èkusɛ̃sɛ̃wo nyɔ ne woa ɖù a, to so ànyigbã mè. Nène a ye àti kè nana àgbèa, mìɔ̃ lè àbɔ a be dòdòmè, ku àti kè nana wo nyana èvuɛ̃ ku ènyuɛ̃ cã mìɔ̃.
10Ètɔ̀ sàsra ɖe to so Edɛ̀n ne bèa sɔ wusì àbɔ a, eye so funua ètɔ̀a mã ɖo àkpa ènè. 11Àlɔ̀zɛ̃ cucugbã be nyikɔ ye nyi Picɔ̀n. E ye nyi ètɔ̀ kè pòhla do Havilà be èdùa kpata, àfi kè wo ɖènà sìka lèa. 12Sìka kèa ɖo àsìxɔ̀xɔ gã ɖe sìgbè Bdelìum ku Ɔ̀nix-kpe nène. 13Àlɔ̀zɛ̃ èvègɔ̃a tɔ̀ Gihɔ̀n; e ye pòhla do Kucè be èdùa. 14Àlɔ̀zɛ̃ ètɔ̃gɔ̃a ye nyi Hidekɛ̀l. E ye srànà le Àsirìa be èwèzɛ̃pe. Àlɔ̀zɛ̃ ènègɔ̃a ye nyi Efratà.
15Tɔhonɔ̀ Mawu sɔ àmè kè be mèa ɖo Edɛ̀n be àbɔ a mè ne bèa dè è, gbà kpɔ e ji. 16Tɔhonɔ̀ Mawu do èse na àmèa, gblɔ̃ be: “Wò teŋu ɖù àti ɖekpekpe kè lè àbɔ a mèa be èkusɛ̃sɛ̃ fàa, 17vɔ̀a, mù gbà ɖù àti kè nana wo nyana èvuɛ̃ ku ènyuɛ̃ be èkusɛ̃sɛ̃ ò, ɖo gbè kè gbè wò la dù ìa, wò la ku.”
18Tɔhonɔ̀ Mawu be: “Mu nyɔ be àmè ɖèka bèa nɔ̀ ànyi ò. Mù la wɔ̀ kpeɖoŋutɔ na ɛ̀.” 19Tɔhonɔ̀ Mawu sɔ ànyikɔ mè ègbemèlãwo kpata ku àyamè xèviwo eye e kplɔ̀ wo va àmèa gbɔ ne Mawu bèa kpɔ àlekè àmèa la yɔ wo ɖoa, ne ènu àgbèagbe kèawo woa ɖo nyikɔ kè àmèa la yɔ na woa. 20Eye àmèa ɖo nyikɔ na àxomèlãwo kpata, àyamè xèviwo ku ègbemèlãwo kpata, vɔ̀a, ye ŋutɔ ya mu kpɔ kpeɖoŋutɔ ɖekpekpe kè ɖo yebe nɔ̀nɔmè ò. 21Eye Tɔhonɔ̀ Mawu na àmèa dɔ̃ àlɔ̃ yì emè; eye e ɖè yebe àhàdaputi ɖèka, trɔ sɔ èlã ɖo ye tèpe. 22Tɔhonɔ̀ Mawu wɔ̀ nyɔ̃nù ku àhàdaputi kè e ɖè lè àmèa ŋutia, eye e kplɔ̀ ɛ̀ va e gbɔ. 23Eye àmèa gblɔ̃ be:
“Fifìa ekèa ye nyi èpu so èpu nyèwo mè,
ŋutilã nyè be ŋutilã.
Eye wo la yɔ àmè kèa be nyɔ̃nù,
ɖo wo ɖè è to lè ŋusù mè.”
24Ekèa ŋuti ye ŋusù la gble ètɔa ku ènɔa ɖɛ, la tɛ ɖo èsrɔ̃a ŋuti, ye wo àmè èvèa la trɔ zũ ŋutilã ɖèka.
25Eye wo àmè èvèa lè àma-àma, ŋusùa ku nyɔ̃nùa eye èŋù mu kpɛ̃nà wo ò.
હાલમાં પસંદ કરેલ:
Gɔ̃mèjèje be Xoma 2: GEN
Highlight
શેર કરો
નકલ કરો
Want to have your highlights saved across all your devices? Sign up or sign in
Mina Bible © Bible Society of Togo, 2014.