Genesis 10
10
Nan Holag nan Imbabaluy Noah
(I Chron. 1:5-27)
1Hiyatuy holag nan tulun linala'in imbabaluy Noah an diday nunholag hidin nalpahan di lobong.
Nan Holag Japheth
2Hay holag Japheth ya da Gomer,#10:2 Nunhitu nin hinan pingit di Black Sea. Nan udumnan holag Japheth an nitudo' hitu ya niddumdan AntiKristu (unu nan Mi'bohhol ay Jesu Kristu) hinan Punligatan di Tatagu ta mi'gubatdah nan Hudyu (Ezek. 38:2, 5-6). Umat ay da Gomer, ya hi Magog, ya hi Tubal, ya hi Meshek. Ya niddum goh nan udum an holag Ham (verse 6) an umat ay da Cush ay Put. ya hi Magog,#10:2 Nunhitu nin hi appit hi agwan di Black Sea hi un hagangon di buhu'an di algaw. ya hi Madai,#10:2 Nan ma'alih Medes an iMidia. ya hi Javan,#10:2 Nunhitud Greece hi appit hi agwan hi un hagangon di buhu'an di algaw, ya nunhitu goh ad Asia Minor hi a'unugan di algaw. ya hi Tubal,#10:2 Nunhitu nin ad Pontus (unu ad Turkey). ya hi Meshek,#10:2 Nunhitu nin hinan Moschian Mountains an wad Asia Minor (unu ad Turkey). ya hi Tiras.#10:2 Nunhitu nin ad Thrace.
3Ya hi Gomer#10:3 Nan tulu an holag Gomer ya numpunhitudad Iraq hi appit hi iggid hi un hagangon di buhu'an di algaw. ya nunholag ta da Ashkenaz ay Riphath, ya hi Togarmah.
4Hi Javan ya nunholag ta da Elishah,#10:4 Mid mapto' ya nunhitud Cyprus, ya bo'on ay ya ad Sicily hi ad Italy. ya hi Tarshish,#10:4 Nunhitu nin ad Spain hi appit hi agwan hi un hagangon di buhu'an di algaw. ya nan tatagun numpunhitud Cyprus, ya nan tatagun numpunhitud Rhodes. 5Ya nan holag Japheth di o'ommod nan numpunholag an numbino'ob'on di hapitda an numpunhituh nan abablubabluy hinan pingit di baybay.
Nan Holag Ham
6Nan linala'in holag Ham ya da Cush,#10:6 Nunhitud Egypt ya ad Ethiopia hi appit hi agwan hi algaw hi un hagangon di buhu'an di algaw. ya hi Mizraim,#10:6 Ohan ngadan di ad Egypt. ya hi Put,#10:6 Nunhitu nin ad Somalia, ya bo'on ay ya ad Libya. ya hi Canaan.#10:6 Nunhitud Phoenicia.
7Ya hay holag Cush#10:7 An amin nan pitu an holag Cush ya numpunhitudad Arabia. ya da Seba, ya hi Havilah, ya hi Sabtah, ya hi Raamah, ya hi Sabteka. Ya nan holag Raamah ya da Sheba ay Dedan.
8Hi Cush#10:8 Mid mapto' ya bo'on hiyay tagun mungngadan hi Cush an nibaag hinan verses 6-7, ya hay nunhituwana ya ad Mesopotamia. ya wada han ohan imbaluynan lala'i an hi Nimrod#10:8 Mid mapto' ya hiyah ne ngadanah nan hapit di Hebrew, ya hay oha goh an ngadana ya hi Sargon I. an hiyay hopap di nangameh an amin hinan abablubabluy hitun luta. 9Ya nala'eng an manganup ti hi Apo Dios di namadang ay hiya. At hiyanan inalin nan tataguy, “Maphod ahan un'a umat ay Nimrod an manganup an binadangan Apo Dios!” 10Hay hopap di babluy hi numpapto'ana ya ad Babylon, ya ad Uruk, ya ad Akkad, ya ad Kalneh an hakup di ad Shinar.#10:10 Ohan ngadan di ad Babylon. 11Ya ilagatna nan babluy ad Assyria ta hidiy numpangipaphodanah nan siudad an umat ad Nineveh, ya ad Rehoboth Ir, ya ad Calah, 12ya ad Resen an numbattanan ad Calah ya ad Nineveh ya nundongol an siudad.
13Hi Mizraim#10:13 Ohan ngadan di ad Egypt. an imbaluy Ham ya nunholag ta nan tatagud Lydia,#10:13 Nan numpunhitud Asia Minor. ya ad Anam,#10:13 Nan numpunhituh nan neheggon ad Cyrene hinan ongol an babluy ad Africa. ya ad Lehab,#10:13 Nan numbino'ob'on an tribon numpunhitud Libya hinan mapulun. ya ad Naphtuh,#10:13 Nan numpunhitud Egypt hi appit hi iggid hi un hagangon di buhu'an di algaw. 14ya ad Pathrus,#10:14 Nan numpunhitud Egypt hi appit hi agwan hi un hagangon di buhu'an di algaw, ya nan numpunhitu goh ad Sudan. ya ad Casluh (an nalpuwan nan iPhilistia#10:14 Gapu ta do'oldad Canaan at palpaliwan ya nangadnan ad Israel ta Palestine an miyunnudan hinan ngadanda.), ya nan iCrete.
15Hi Canaan an imbaluy Ham ya nunholag ta hi Sidon an pangpangullu ya un hi Heth.#10:15 Nunhitud Asia Minor. 16Ya nunholag goh hi Canaan ta nan himpampun an holag Jebus, ya nan holag Amor, ya nan holag Girgas, 17ya nan himpampun an holag Hiv, ya nan holag Ark, ya nan holag Sin, 18ya nan holag Arvad, ya nan holag Zemar, ya nan iHamath. Ya hanan holag Canaan ya diday niwa'at an nepongdah nan udumnan babluy 19an nete"ah ad Sidon ta numpa'uy ad Gerar ta nangamung ad Gaza. Ya inipluy di udumnan immuy ad Sodom, ya ad Gomorrah, ya ad Admah, ya ad Zeboyim ta nangamung ad Lasha. 20Hiya hanay holag Ham hi nun'epong hinan do'ol an abablubabluy ya numbino'ob'on di hapitda.
Nan Holag Shem
21Nunholag goh hi Shem an pangpangullu ya un hi Japheth, ya hiyay ad holag hinan dana' Eber. 22Hiyatuy holag Shem an da Elam,#10:22 Nunhituh appit hi buhu'an di algaw ad Mesopotamia (unu ad Iran). ya hi Ashur,#10:22 Nunhitud Assyria hi appit hi iggid hi un hagangon di buhu'an di algaw ad Mesopotamia. ya hi Arphaxad,#10:22 Nunhitu nin hi appit hi agwan hi un hagangon di buhu'an di algaw ad Mesopotamia. ya hi Lud,#10:22 Nunhitu nin ad Asia Minor. ya hi Aram.#10:22 Nunhitud Syria.
23Hay holag Aram ya da Uz, ya hi Hul, ya hi Gether, ya hi Meshek.
24Hi Arphaxad ya nunholag ta hi Shelah an ad imbaluy ay Eber.
25Hi Eber ya duwaday linala'ih holagna. Nan oha ya nginadnanda ta hi Peleg#10:25 Hay pohdon nan ngadana an ibaga ya na'uhig. Mu ngadan nen na'uhig hidin timpun din nitungawana? Hay kulugon nan do'ol ya na'uhig nan hapit di tataguh tun luta ti oh'ohhay hapitda (Gen. 11:1-9), mu wada goh di mangulug an na'uhig nan luta ti alyonda an oh'ohhay babluy hidin pengpenghana, mu hidin timpun din nitungawan Peleg ya inlahhin Apo Dios ta na'uhi'uhig, hiyaat un waday pitun ongol an babluy an ma'alih continents ad ugwan an ad Asia, ya ad Australia, ya ad Africa, ya Europe, ya ad North America, ya ad South America, ya ad Antarctica, ya hay panginnilaan anu ya gulat ta tigonyu hanah nan mapa ya mabalin an ipabangngadyu dida ta ma'ohhay luta ti nan continent ad South America ya miha"ad hinan continent ad Africa, ya nan continent ad Australia ya miha"ad hinan continent ad Asia. ti hidin ataguna ya na'uhi'uhig nan tataguh tun luta. Ya nan oha ya hi Joktan. 26Ya hay holag Joktan#10:26 Nan holagna ya numpunhitudad Arabia hi appit di agwan hi un hagangon di buhu'an di algaw. ya hi Almodad, ya hi Sheleph, ya hi Hazarmaveth, ya hi Jerah, 27ya hi Hadoram, ya hi Uzal, ya hi Diklah, 28ya hi Obal, ya hi Abimael, ya hi Sheba,#10:28 Nunhitud Yemen. Mu nan i'Ethiopia ad ugwan ya alyonday hiyah ne babluyda tuwali. 29ya hi Ophir,#10:29 Nunhituh nan lugal hi awadan nan do'ol an balitu' (I Ki. 9:28; 10:11), mu mid nanginnilad ugwan hi awadana. Mid mapto' ya ad Africa, ya bo'on ay ya ad Arabia hi appit hi agwan hi un hagangon di buhu'an di algaw. ya hi Havilah, ya hi Jobab. Hiyanay holag Joktan.
30Ya hay babluy hi nunhituwanda ya nete"ah ad Mesha ta nangamung ad Sephar hidih nan dudunduntug an niyappit hi buhu'an di algaw. 31Didanay ahimpahimpangapu an holag Shem an numbino'ob'on di numbabluyanda ya ta"on nan hapitda.
32An amin dane an tatagu ya hi Noah di napu'aganda ti ma'alah nan patad. Ti hidin nalpahan di lobong ya anggay nan imbabaluy Noah di numpunholag ya unda dumo'ol an niwa'awa'at hitun luta.
હાલમાં પસંદ કરેલ:
Genesis 10: NHAD
Highlight
શેર કરો
નકલ કરો
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.