Roukos 18

18 Ik.

1Orowa, utara anak ne ramma inonno-itak ki wa iteki ramu-rai kuni gusu shine itak-maukushte-itak ye wa ene itak-hi :— 2Shine an machiya ta Kamui ko-ishitoma shomoki, ainu ka ko-oripak shomoki koipishi guru an: 3samata, nei machiya ta shine shiyompiyara shiwentep an; awa, nei shiwentep anak ne kanna-kanna Shinuma orota ek, aine :— En epokba guru gusu ikemnu wa en kore, ari itak; 4orowa, shinuma anak ne pon no uturuta shomo ekottanu, koroka, okaketa yaikota koro keutumta ene itak-hi :— Kuani anak ne Kamui ko-ishitoma shomoki, 5ainu ko-oripak shomoki, yakka; tan shiyompiyara shiwentep en ramu-sarakka gusu, ku ikemnu tusu ne, shomo ne chiki shinuma kanna-kanna ek gusu en shingere kusu ne na, ari itak. 6Orowa, Utarapa ene itak-hi :— Oupeka sak no an ko-ipishi guru ye itak nu yan. 7Orowa, tokapto ta hene kunne to ta hene orota ko-hawe ashte koro anumge wa okai utara gusu Kamui anak ne otta eramushiporore wa ikemnu kara shomoki ya? 8Echi otta Ku ye, chashnu no nei utara gusu Shinuma ikemnu kusu ne na. Yakka, Ainu Poho ek ita moshiri kata eishokor-i anukara kusu ne ya?

9Orowa, keutum ta yaikota oupeka ruwe ne ani an ambe ani esanniyo wa moshima okai utara pange utara otta Shinuma tan itak-maukushte-itak ne yakka ye-hi :— 10Inonno-itak ki gusu tu ainu Kamui kora kenru otta hemeshpa nisa ruwe ne; shinen anak ne Parisee un guru ne, nei moshimap anak yaku-etaye guru ne ruwe ne. 11Nei Parisee un guru ash kane yai otta tap okaibe ani inonno-itak ki :— Kamui, kuani anak ne moshima okai utara korachi, niwen no iki guru, oupeka sakbe, omoinu koro guru shomo ku ne gusu, samata teda okai yaku-etaye guru poka ku koheraye shomoki gusu ku yaiiraige ash na. 12Shine mawari uturuta tu shuine shomo ramnu ku ki, nep ne yakka ku eyaiepirikarep wanbe un shinep ku yange ruwe ne, ani itak. 13Koroka, nei yaku-etaye guru anak ehangeko no an wa ash hine kando orun ka koro shikihi hepuni poka shomoki, koroka, koro penram shirikik wa ene itak-hi :— Kamui, chikokatpak guru ku ne gusu imommuye kara wa en kore, ani itak. 14Echi otta Ku ye :— Nei guru kasu no tan guru anak ne aoupekare no koro uni orun san nisa ruwe ne na: inambe gusu ne yakun, nen ne yakka yaikota yairikande gurʼanak ne aramde kusu ne; koroka, yaikota yairamde gurʼanak ne arikta ande kusu ne na, sekoro itak.

15Orowa, atomooshma kuni ne okai utara anak ne koro aiai Shinuma otta koro wa araki: awa, koikara utara nukara chiki nei utara kopao nisa ruwe ne. 16Koroka, Yesu nei utara shihekote hotuyekara wa ene itak-hi :— Nokan utara en orota araki ambe ramuoshma wa iteki hattoki yan: Kamui moshirʼ-unbe anak ne nei no okaibe ne ruwe ne gusu ne na. 17Son no echi otta Ku ye :— Nen ne yakka nokan guru nei no Kamui moshiri uk shomoki gurʼanak ne oara nei moshiri orun ahun shomoki kusu ne na.

18Orowa, shine esapane guru Shinuma otta nu wa ene itak-hi :— Pirika epakashnu guru, kuani hembara pakno ne yakka okere shomoki inotu eikeshkoro kuni nekon a ku ki yak pirika ya, ari nu. 19Orota Yesu ene itak-hi :— Nep gusu pirika ani En ye ya? Shinen moshima pirikap isama, nei ambe anak ne Kamui ne ruwe ne. 20Eani ikashpaotte eramʼan, Iteki omoinu; Iteki keuk; Iteki ikka; Iteki shunge paweteshu ki; E koro ona unu kooripak yan, ari itak. 21Nei guru ene itak-hi :— Tap okaibe obitta ponram orowa no ku shikkashima nisa ruwe ne, ani itak. 22Yesu nei itak nu chiki otta ene itak-hi :— E sak no an ambe naa shinep an; nep ne yakka e korobe obitta ehok wa otek-sak utara otta eimek, yak anak ne kando oshiketa ikoro e koro kusu ne: orowa, ek hine En osh oman yan, ari itak. 23Koroka, tap okaike nu chiki shinuma shiri yairamkoiki ruwe ne; shiri oteknu an guru ne ruwe ne gusu ne na. 24Orowa, Yesu nei guru nukara koro ene itak-ki :— Nep hokamba no ikoro koro utara Kamui moshiri orun ahup humi! 25Ikoro koro guru Kamui moshiri orun ahun-i kasu no rakuda chikoikip kem-pui oboso wa oman-i anak ne naa isaika ruwe ne. 26Orowa, nu utara anak ne ene itak-ki :— Yakun, kashi-a-obiuki guru anak ne nen ne ruwe he an? ani itak. 27Koroka, Shinuma ene itak-ki :— Ainu utara otta aeaikapbe anak ne Kamui otta eashkaibe ne ruwe ne. 28Orowa, Petros ene itak-hi :— Ingara, chi utara anak ne chi korobe ande wa E osh araki wa okai ruwe ne, ari itak. 29Nei utara orota Shinuma ene itak-hi :— Son no echi otta Ku ye :— Kamui moshiri rengap gusu chisei hene, machi hene, iriwak hene, 30eshikop hene, po utara hene are wa tane an pakita naa kasu no poron no akore, aine, iyoshi no ek pakibita ramina okere shomoki inotu shomo akore guru anak ne isam ruwe he na, ari itak.

31Orowa, Shinuma nei tun ikashima wa niu uk wa orota ene itak-hi :— Ingarʼan, chi utara anak ne Yerusarem kotan orun hemeshpa ruwe ne, orowa, Uweingara utara ani anuye wa an obitta no okaibe 32Ainu Poho otta auweomare kusu ne na. Inambe gusu ne yakun, Shinuma anak ne Oya un utara otta aekoshi, orowa, aeoyaitak, otta shomo yaikatanu ki, kata topse-topse akara; 33samata, nei utara anak ne Shinuma shirikik wa raige kusu ne: orowa, rereko an ita Shinuma hetopo-shiknu kusu ne na, sekoro itak. 34Orowa, nei utara anak ne obitta tap okaibe oara erampeutek: tan okai itak nei utara otta anuina wa okai gusu, aye okaibe ramepakari eaikap nisa ruwe ne na.

35Orowa, Yeriko kotan ehange no ek ita anak ne shine shiknak guru ru parurugeta a hine eungeraitep koramkoro korʼan ruwe ne: 36awa, nei guru inne utara shirikush wa paye shiri nu chiki, nei paye-hi ikkewehe uwepekennu nisa ruwe ne. 37Orowa, Nazaret kotan un Yesu shirikush shiri an sekoro anure nisa ruwe ne. 38Tata otta shinuma hawe ashte wa ene itak-hi :— Dabid poho ne Yesu, en erampokiwen wa en kore, ani itak. 39Orowa, kotchaketa paye utara anak ne shinuma mo no an kuni kopao nisa ruwe ne: koroka, shinuma naa poron no hawe ashte wa :— Dabid koro poho, en erampokiwen wa en kore, ani itak nisa ruwe ne. 40Orowa, Yesu ash wa orota nei guru atura wa ek kuni kashpaotte: orowa, shinuma ehange no an ita anak ne :— 41E otta Ku ki kuni nekon a e kon rusui ya? ani, shinuma otta nu. Nei guru ene itak-hi :— Utarapa, ku ingara kuni ne ku kon rusui, 42ani itak. Orota Yesu ene itak-hi :— Ingara yan, e koro eisbokor-i anak ne e iwangere nisa ruwe ne na, sekoro itak. 43Orowa, nani nei guru ingara wa Kamui ko-oripak hine Shinuma osh oman: obitta no okai utara anak ne nei ambe nukara chiki Kamui ko-iramye nisa ruwe ne na.

હાલમાં પસંદ કરેલ:

Roukos 18: AINU

Highlight

શેર કરો

નકલ કરો