MATHAIIN 2
2
Puma Isua Naipang laia
1Herod reng huna Judai ram Bethlehema Isua anzir suale han sak ram ata mi hian ngai 2Jerusalema a honga, “Juda ngai reng ha hovanmo ei anzir? ati u asik chu sak rama ama arasi na lei muna anmok rang nei hong.” 3Hava chong ariata Herod reng anlaia ama bila Jerusalem doram anlai u. 4Hatuka aman chaizung ngai, Lekhanziak ngai ha a manchuna hangai ha a rakela, “Krista hovanmo ei anzir rang?” atia.
5“Judai ram Bethlehema” ati pe u. “Asik chu deari lekhana hintin hin anziak:
6‘Nang o Judai rama Betlehem nang hi Judai
ram khopui aruai ngai bila sin khit mak che
asik chu nang ata ha ulian ha anlang inti
aman ka mi Israel manliang inti,’ ”
ati na. #Mik 5.2
7Hanke, Herod ha mi hian ngai ha maruka akuia ha arasi ha hova huna mo ei anlang akom u na ei riat sadim. 8Hatuka aman hangai ha, “Bethlehema se u tan asadima ha naite ha varok u ro na mu uten na hong manthei u ro kei va mok theina rang.” 9Reng he ariat u na ase u hatuka sak rama arasi ei mu u ha a maton tir u na ase, nukhona naite ei om na chung taka ava ngir. 10Arasi ha amu u na raisan sabaka a rai ei mansan u. 11Hatuka in sunga ase u na naite ha a nu Mari bila amu u hanke anboklaka amok u na anei kok akheka rangkachak bero le marim hui ei pek u. 12Hatuka Herod akom ei kir u nokna ranga ramang aphan u na lam atei tiang a ram u na ase u.
Aiguptana Rot
13Ase sua u le enta Puma vanpalai khat Joseph a ramanga anlanga, “Anthuia naite le a nu ha a tuanga Aiguptana rot pui ro. Ka na ril ret man kar pei chu hava han om u ro asik chu Herod in naite ha athat ranga arok inti,” atia.
14Hanke Joseph anthuia zan zana naite le a nu atuanga Aiguptana ase. 15Hanke Herod ei thi tenpei hava han ei om ei kipna Dearin ei ril Puman hiva chong ei kipna rang, “Aigupta ata ka naipasal ka paia ka hong tuang.” #Hos 11.1
Naiten That
16Hatuka Herod, mi hian ngaiin ei tel lai nok ha ariata a takasi sabaka ha mi hian ngai kom ei riat ang han kum anni athuaia pasal sanai Betlehem le a rikung kola om ngai dora han mi atira a manthat zit.
17Hava han Jeremia Dearin ei ril hiva chong ei kip:
18“Ramana a rasa anthang zei
achan ankheka achap.
Rakil a nai ngai ranga achap
zeia phukdai zot mak asik chu hangai ha athi u.” #Jer 31.15
Aigupta ata Akir
19Herod athi suale han Puma a vanpalai khat Aiguptana Joseph a ramanga ei ril. 20“Anthui ro naite le a nu ha ruai tan Israel rama se ro, asik chu naite that rang ati ngai ha athi u zei,” ati. 21Hanke anthuia naite le a nu tuanga Israel rama a hong.
22Tenchu Arkelaus a pa Herod a sutmuna Juda rama reng ei kai ariata ase rang a china hava suale a ramanga ase na chong ariata amana Galili biala ase u. 23Hatuka Nazaret khuana a sena ava om. Dearin ei ril hiva chong ei kip ama hi “Nazareta anti inti.” #Mk 1.24; Lk 2.39; Jn 1.45
હાલમાં પસંદ કરેલ:
MATHAIIN 2: RANGBSI
Highlight
શેર કરો
નકલ કરો
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
