JOHAN 7
7
Isu unauhai ringhlana
1Chu zoa chun Isûn Galili ram a fang a, Judahaiin ama sukhlum an tum leiin Judai ram chu a fang nuom naw a.
2 #
Lev 23.34; Dt 16.13 Chun, Judahai Bâwktê Ruoiṭhe chu a hnai ta a.
3Chuongchun, a unauhaiin a kuomah, “Hitaka inthawkin Judai ramah va fe rawh, i închûktirhai khawmin i thilthaw hi an hmu theina dingin.
4Tûkhawmin mâni hming inthang nuom siin arûkin thil iengkhawm an thaw nawh. Hieng thilhai hi i thaw tak zet chun, khawvêl kâwlah inentir rawh,” an ta.
5(A unauhai khawm chun ama an ring si naw a).
6Chun, Isûn an kuomah, “Ka hun a la tlung nawh; nangni hun ruok chu a tlung zing a nih.
7Khawvêlin nangni an theida thei naw cheu, kei ruok chu an mi theida hlak, an thilthawhai a suol ti ka hrilfie hlak leiin.
8Nangni ruoiṭhenaah hang fe ro, kei chu hi ruoiṭhea hin la fe hri naw ning, ka hun a la tlung naw leiin,” a ta.
9Chun, chuong thu chu an kuomah a hril a, Galili ramah a la um zing a.
Isu Bâwkte Ruoiṭhea a ṭhang thu
10Nisienlakhawm, a unauhai chu ruoiṭhenaa an hang fe hnung chun, ama khawm vântlâng ihriet lovin, arûkin a hang fe ve a.
11Chun, Judahaiin ruoiṭhenaa chun ama chu an zawng a, “Khâwlai am a um a?” an ti a.
12A chungah mipuihai laia mi an chier sup sup a, a ṭhenin, “Mi ṭha a ni ie,” an ti a; ṭhenkhatin, “Teu lo e, mipui a hlêm lem hlak a nih,” an ta.
13Nisienlakhawm, Judahai an ṭi leiin tûkhawmin a chungchâng thu an hril lang nawh.
14Chun, ruoiṭhe ṭhat lai takin, Isu Pathien biekinah a hang fe a, ân chûktir a.
15Chun, Judahaiin, “Hi mipa hin inchûk ngai lovin iengtin am lekha a hriet a?” an ta, mak an ti hle a.
16Chun, Isûn anni chu a dawn a, “Ka thu inchûktir hi ka ta a ni naw a, a mi tirtu ta a ni lem.
17Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.
18Tûkhawm mâni phuokfâwm thu hril chu mâni mawina zawng a nih; a tirtu mawina zawng ruok chu, ama chu mi tak zet a nih, amaa chun indik nawna hrim a um nawh.
19Mosiein Dân chu a pêk naw cheu am a nih? Nisienlakhawm, nangni lai tukhawmin Dân chu in hraw si nawh. Nangnîn iengdinga mi sukhlum in tum am?” a ta.
20Chun, mipui chun, “Khawhri zâwl i ni hi, tuin am sukhlum a tum che leh?” an ta, an dawn a.
21Isu chun a dawn a, an kuomah, “Thil pakhat ka thaw kha nangni po poin mak in ti kha.
22 #
Lev 12.3; Gen 17.10 Mosiein sertan thu kha a pêk cheu a, chu chu Mosie suksuok ni lovin, thlâtuhai suksuok a ni lem. Chu lei chun a nih Châwlni khawma mi ser in tan hlak chu.
23 #
Jn 5.9
Mosie Dân bawsiet nawna dingin Châwlnia khawm pasalin ser ân tantir si chun, keiin Châwlnia mi ka sukdam leiin ka chungah in lunginsen bîk maw?
24ân lang angin ngaituo naw unla, feltakin ngaituo lem ro,” a ta.
Ama hi Krista chu a nih
25Chun, Jerusalema mi ṭhenkhatin, “Hi mipa hi sukhlum an itum chu a ni naw am a nih?
26En ta u, ân langin thu a hril a, a kuomah iengkhawm an hril si nawh. Ama hi Krista a ni ti hotuhaiin an hriet tak tak am a ni tah aw?
27Hi mipa hi a piengna chenin ei hriet si a, Krista ruok chu a tlung pha chun a piengna chin tukhawmin hre naw ni hai,” an ta.
28Chuong lei chun Isûn Pathien biekina ân chûktir malamin a khêk a, “Nangnîn in mi hriet, ka piengna chin khawm in hriet deh. Nisienlakhawm mâni thua hung ka ni nawh, a mi tirtu hi mi tak zet a nih, ama chu in hriet si nawh.
29Kei ruok chun ama chu ka hriet; a kuoma inthawka hung suok ka na, ama chun a mi tir a ni si a,” a ta.
30Chuongchun, ama chu man an tum a, nisienlakhawm, a hun a la tlung naw leiin tukhawmin a chungah kut an thlâk si nawh.
31Mipui laia tamtak ruok chun ama chu an ring a, “Krista chu a hung tlung pha khawm, hi mipa thaw nêka tam thilmak a hung thaw ding am a nih?” an ta.
Isu man dingin manmihai an tir
32Chun, Pharisaihaiin a chunga mipui chier rûknahai chu an hriet a, chuongchun, thiempu lalhai le Pharisaihai chun ama man dingin manmihai an tir ta a.
33Chun, Isûn “Sâwt nawtê in kuomah la um hri phawt ka ta, chun a mi tirtu kuomah fêng ka tih.
34Nangnîn mi zawng in ta, mi hmu si naw ti niu; ka umnaa khawm hung thei naw ti niu,” a ta.
35Chun, Judahai an inbiek a, “Ei hmu naw dingin hi mipa hi khâwlai am a fe ding a ni leh? Grikhai laia Inpêmdarhai laia fein Grikhai chu ân chûktir ding am nîng a ti?
36‘Nangnîn mi zawng in ta, mi hmu si naw ti niu a; ka umnaa khawm hung thei naw ti niu,’ a ti hi, ieng a tina am a na?” an ta.
Tui hring vadunghai
37Chun, ruoiṭhe ṭumṭiek ding ni, ni ropuitaka chun Isu a ngîr a, a khêk a, “Tûkhawm a dangchâr chun ka kuomah hung sienla, dâwn raw se.
38Tûkhawm a mi ring chu Pathien Lekha hril angin, tui hring vadunghai a phînga inthawkin hung luong suok a tih,” a ta.
39 #
Lev 23.36; Ezek 47.1; Zek 14.8 (Chuong thu chu ama ringtuhaiin Thlarau an nei dingzie thu a hrilna a nih; Thlarau chu pêk a la ni hri nawh, Isu chu chawimawia a la um hri naw leiin.)
Mipuihai laia inṭhena
40Chuongchun, mipui laia ṭhenkhatin chuong thu chu an hrietin, “Hi mipa hi zâwlnei chu a ni ngei hi,” an ta.
41Ṭhenkhatin, “Hi hi Krista chu a nih,” an ta. Ṭhenkhatin, “Khâwlai am Krista chu Galili ramah hung suok hlak a ta?
42 #
Mik 5.2
Krista chu David thlahai laiah, David umna khuo Bethlehemah a suok ding a nih ti Pathien Lekhain a hril naw am a nih?” an ta.
43Chuongchun, ama leiin mipui chu an inṭhe a, an inkhing ta a.
44Ṭhenkhat chun man an nuom a, nisienlakhawm, tukhawmin a chungah kut an thlâk si nawh.
Hotu thuneituhai ring nawna
45Chun, manmihai chu thiempu lalhai le Pharisaihai kuomah an hung nâwk a, chun, anni chun an kuomah, “Iengdinga in hung ṭhuoi naw?” an lo ti a.
46Manmihai chun, “Hi mipa thuhril ang hrim hin tukhawmin thu an hril ngai nawh,” an ta, an dawn a.
47Chun, Pharisaihai chun an kuomah, “Nangni khawm hlêmin in um ve tah a ni maw chu?
48Hotuhai le Pharisaihai laia mi hrim hrim ama ring an um ta am a nih?
49Hieng dân hre naw mipuihai hrep hi ṭawngsephur an nih in sawnnaw,” an ta, an dawn a.
50 #
Jn 3.1-2
Nikodem, inhmaa Isu kuoma hung kha, anni laia ṭhang ve a na, an kuomah,
51“Ama bau ngeia a thu hriet le a thilthaw hriet hmain ei dânin mi thiemnaw ân changtir hlak am a nih?” a ta.
52Anni chun a kuomah, “Nang khawm chu Galili mi i ni ve am a nih? Zawng la, Galili rama chun zâwlnei tukhawm an suok ngai nawh ti hrieng i tih,” an ta, an dawn a.
53[Chun, mi tin mâni in sengah an fe ta a.
હાલમાં પસંદ કરેલ:
JOHAN 7: HMOVBSI
Highlight
શેર કરો
નકલ કરો
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
