INṬANNA 12
12
Pathienin Abram a ko
1 #
Tt 7.3; Heb 11.8 Chun, Lalpain Abram kuoma chun, “I khuoa inthawk le i laibunghai laia inthawk le i pa ina inthawk chu suok la, ram ka lân entir ding che tieng chun fe rawh:
2 #
Gen 15.5; 17.4-5; 18.18; 22.17; 28.14; 32.12; 35.11; 46.3 Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.
3 #
Gen 18.18; 22.17-18; 26.4; 28.14; Gal 3.8 Chun, malsâwmtu che taphawt chu malsâwm ka ta, ṭawngsie inphurtu che chu ṭawngsie inphur ka tih: nangmaa chun hnam tin la thawveng an tih,” a ta.
4Chuongchun, Abram chu Lalpain a kuoma a hril angin a fe ta a; Lota chu ama leh a fe ve a. Abram chu Harana inthawka a suok lai chun kum sâwmsari le panga mi a nih.
5Chun, Abramin a nuhmei Sarai le, a unaupa naupasal Lota le an sum themsuok po po le, Harana an mi neihai chu a ṭhuoi a; Kanaan rama fe dingin an suok a. Kanaan ram chu an tlung chun,
6Abram chu chu rama Sekem hmun chen, More thingsaisuo hmun chen chun a fe pei a. Chuong lai chun Kanaan mihai chu chu rama chun an um a.
7 #
Gen 13.15; 15.18; 17.8; 24.7; 26.3; 28.4,13; 35.12; 48.4; Tt 7.5; Gal 3.16 Chun, Lalpa chu Abram kuomah ân lâr a, “Hi ram hi i thlahai kuomah la pêng ka tih,” a ti a; chuongchun, chutaka chun a kuoma inlâr Lalpa ta ding chun maichâm a siem a.
8Chutaka inthawk chun Bethel saktienga tlânga chun ân tâwl a, chutaka chun puon in a zar a, a thlangtieng chun Bethel chu a um a, a sak tieng chun Ai khuo a um a; chutaka chun Lalpa ta dingin mâichâm a siem nâwk a, Lalpa hming chu a lam a.
9Chun, Abram chu Negeb#Sim ram, Sim tiengah panin a lân tâwl ta rawp a.
Aigupta rama Abram Chanchin
10Chun, chu rama chun ṭâm a hung tla a; chu rama chun ṭâm chu a nasa êm leiin Abram chu Aiguptaa um hri dingin a zu fe ta a.
11Aigupta a lût ding lai chun a nuhmei Sarai kuoma chun, “Ngai ta, nuhmei hmêl ṭhatak i nih ti ka hriet;
12chuleiin, Aigupta mihaiin an hmu pha che chun, ‘Hi hi a nuhmei a ni hi,’ tîng an ta, kei chu mi that an ta, nang ruok chu hlâng an ti che.
13I zâra ṭhataka ka um theina ding le, nangma leia ka hring theina dingin, ‘A farnu ka nih,’ ti pei raw aw,” a ti a.
14Chun, Abram chu Aigupta a lût chun Aigupta mihai chun nuhmei chu an hmu a, a hmêl chu ṭha an ti êm êm a.
15Pharao milienhai khawmin an hmu a, Pharao kuomah a ṭhatzie an hril a; chuongchun, nuhmei chu Pharao inah an ṭhuoi lût ta a.
16Chun, ama chun Sarai lei chun Abram chu ṭhatakin a sawngbâwl a; chuongchun, berâm dâm, bâwng dâm, sabengtung chal dâm, suokpa dâm, suoknu dâm, sabengtung pui dâm, sanghâwngsei dâm a nei pha ta a.
17Nisienlakhawm, Lalpa chun Abram nuhmei Sarai lei chun Pharao le a sûnghai chu hripui nasatak ân tuortir a.
18Chuongchun, Pharao chun Abram chu a ko a, “Ka chunga i thilthaw hi iengtizie am a ni ta leh? I nuhmei a nih ti iengdinga i mi hril naw am a na?
19Iengdinga ‘ka farnu a nih’ i ti? Chu lei chun an nâwm ka nuhmeia ka lo nei ta hiel hi: en rawh, taka hi i nuhmei, ṭhuoi la, fe hmang dai rawh,” a ta.
20 #
Gen 20.1-18; 26.7-11 Chun, Pharao chun a chungchâng thua chun mi kuomah thu a pêk a; chuongchun, ama an hang inthla ta a, a nuhmei leh, a nei po po le chun.
હાલમાં પસંદ કરેલ:
INṬANNA 12: HMOVBSI
Highlight
શેર કરો
નકલ કરો
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.