Salmow 13
13
SALM 13.
Usque quo, Domine?
1Pygemmys prys A ARLOEDH? A wredh ow ankevi bynitha : Pygemmys prys y kudhydh dha fas dhiworthiv?
2Pygemmys prys y hworrav fienasow y'm enev, ha galar y'm kolonn der an jydh : pygemmys prys y fydh ow eskar ughelhes warnav?
3Mir, ha gorthyp dhymm, A Arloedh ow Duw : ro golow dhe'm dewlagas, ma na goskiv yn hun ankow;
4Ma na lavarro ow eskar, ‘My re dryghis warnodho’ : ha ma na lowenhaho ow erbynnoryon pan wrav vy trebuchya.
5Mes my re drestyas y'th tregeredh : ow holonn a lowenha y'th selwyans.
6My a gan dhe'n Arloedh : rag ev re beu hel orthiv.
હાલમાં પસંદ કરેલ:
Salmow 13: ASK
Highlight
શેર કરો
નકલ કરો
Want to have your highlights saved across all your devices? Sign up or sign in
© Kesva an Taves Kernewek 1997, 2019
© Cornish Language Board 1997, 2019