Luka 19
19
Sakayo wa Yeliko
1Yesu lɔɔtɔ nda Yeliko la Inde lotandela bokenge, la 2aäkä omao boto, lina liande liko Sakayo, inde ayaläkä Bokumi wa basɔnjaki ba bɔsɔmbi la aäkä lifoka. 3Sakayo loluka fofe yɔɛnɛ ani ayali Yesu, kongo ko atiakɔkɔlɔ̈kɔ̈ eoka ya ekuke ya bato, litina mbo aäkä buwe. 4Nde inde lokwa mangu oso w’ato, inde lolila isandu sha liönjï mbo ɛnɛkɛ Yesu eoka loäkä nde mbo Yesu eteke bokenge la mboka ena.
5Ayäkä Yesu nda elela ena, Inde loila baiso likolo, Inde loonga lande mbo— Wendesa, Sakayo, sulwaka se, eoka louse lole loami ndoyala nda ndakɔ yaɛ. 6Limɔ Sakayao loumama osulwa se, inde lonyangela Yesu la limɛngɔ.
7Ɛnɛ̈kɛ̈ bato ongoma, iyo yaatotina loimaima, iyo mbo— Asɔkɛ okaingala nda ndakɔ ya boto obe. 8Kongo ko Sakayo loemala fii, inde loonga la Ngɛnɛ mbo— Tɛnɛ ngo, Ngɛnɛ, itofaefa eba touwe botüku wa biengo la bieto yami; yaambo yɔnɔkɔlɔ̈kɔ̈ yeka ende boto la wiya, itoinola yao binɛi binɛi nda lɔmɔi lɔmɔi.
9Yesu loonga lande mbo— Louse liuwesi lisoya nda e-ndakɔ-ye, eoka inde nd’ale imɔ wana wa Abalayama. 10Wana wa Boto asoya nde ko ndoluka la ndoyuwesa oyasolefa.
Bɔkɔwa wa lotimbana la ewa booshaosha
11Okäka’iyo ebaoi-ba, Yesu loonga imɔ ko liasi, Inde lotel’iyo bombila eoka asoya oko tina la Yelusaleme la eoka mbo batangäkä nde mbo Bɔkɔta wa Mungu bosamboya kwaamao nda mbil’ao.
12Eokao Inde loonga mbo— Boto ɔmɔi wa bɔkɔ̈kɔ wa bɔkɔta, lɔkɛ lɔkɛndɔ nda yese y’esika ndokafomo isosha sha bɔkɔta, limɔ ndoinwa liasi. 13Nde inde lota bɛkɔwa yande liu lioi, inde lofaef’iyo mia liu ya falanga, oto la oto mia ɛmɔi, inde loonga lau mbo— Timbesaka bokalala la yao, konda akainweke’mi.
14Nde bato ba bokenge wande angɛnɛ loiyel’inde, iyo lotoma ikomya sha wange ombisa yande okaonga lande mbo— Totilɛmbɛ mbo oyo ayaleke bɔkɔta wasu. 15Loaaka mbo, ainwäk’inde ani asosila ndɔɔlɔ isosha sha bɔkɔta, inde loonga mbo bɛkɔwa ena ebifak’inde of’iyo mia ya falanga bayeke oso wande, mbo aluweke botalia ebosɔɔl’iyo nda bokalala wau.
16Ewa oso loya, inde mbo— Ngɛnɛ, mia yaɛ ɛmɔi esokondela mia liu. 17Ngɛnɛ loonga lande mbo— Eingo ko, bɔkɔwa olau ako aɛ, eoka osokɔcha loasɔ lona lɔkɛkɛ, ɔlɔkɔ isosha shokomya bekenge liu. 18Ewa ambale loya la inde mbo— Ngɛnɛ, mia yaɛ ɛmɔi esokondela mia bɔɔmwi. 19Ngɛnɛ loonga imɔ lande mbo— Aɛ imɔ, ɔlɔkɔ isosha sha bekenge bɔɔmwi. 20Limɔ wasi loya, inde mbo— Ngɛnɛ, tɛnɛ mia yaɛ ena, eyüchiki’mi nda itambala; 21eoka yawangäk’aɛ eoka wende boto owaü, la otoilaka yeka ebititek’aɛ se, la ototwaka bina ebitilɔɛk’aɛ.
22Ngɛnɛ loonga lande mbo— Ko la lioi lia bɔnɔkɔ waɛ angɛnɛ, isotenel’aɛ loasɔ-lo, aɛ bɔkɔwa obe, oluwiki nde mbo yende boto owaü, la mbo itoilaka yeka ebititeke’mi se, la mbo itotwaka bina ebitilɔɛkɛ’mi; 23eokao monito otiafäkä bieto yami ende bato ebatoisaka yao la bɔsɛɛli, mbo akainyweke’mi, yaɔlɔ eyami bieto la bɔsɛɛli lisanga?
24Ngɛnɛ loonga la ebande ebemaläkä omao mbo— Ɔnɔkɔɛlɛk’inde mia ena, faka inde oyayali la mia liu. 25Nde bamɔi loonga lande mbo— Ngɛnɛ ale to la mia liu. 26Ngɛnɛ lomutola mbo— Itoonga lanu mbo inde oyasɛli yeka, efomoko yasi; nde oyatisɛlɛ yeka, atɔɔnɔkɔɛlɔmɔ ko yao eyesɛl’inde. 27Nde loasɔ loa ebaiyeläkä’mi, ebatialɛmbɛkɛ mbo iyaleke Bɔkɔta wau, eshaka iyo eyamaya, singesa iyo oso wami!
Yesu loiya nda Yelusaleme
28Asiläkä Yesu ndoonga, Inde loetel’iyo oso okakɛ likolo nda Yelusaleme. 29Iyak’Inde tina la Betefange I la Betania nda löngo eloatangomökö Löngo loa Elaya, Inde lotoma baeki bambale bande lotomo, 30Inde mbo— Takɛndɛkɛ nda bokenge ebole oso wanu, la akaɔtɛk’ino ina, otoosha efembeli ya punda ekandomu, boto ayayali kɔni nda bɔkɔngɔ wa yao, faikolaka yao, eshaka yao lono. 31Boto efel’ino mbo— ¿Monito otofaikola yao? ongoma ino koonga lande mbo— Ngɛnɛ asoeno yao 32Baeki ebatomomökö, lɔkɛ, iyo loosha loasɔ chaa kwa aongi Yesu lau.
33Afaikoläkä’iyo efembeli ya punda, bangɛnɛ ba yao loonga lau mbo— ¿Otofaikola efembeli ya punda monito? 34Iyo loonga mbo— Ngɛnɛ asoeno yao. 35Limɔ iyo loesha yao ende Yesu; iyo lotalia bisinda yau nda bɔkɔngɔ wa yao la iyo loyalesa Yesu olikolo. 36Aɛk’Inde ongoma, iyo lofalola bisinda yau se nda mboka. 37Asishanäk’Inde tina la bokenge, olo asulwi mboka se nda löngo loa Elaya, ekuke etotina ya baeki loakola ndoficha limɛngɔ la ndoinakela Mungu la limiki lifi eoka ya bisisho ebiɛnɛ̈k’iyo, 38iyo mbo—
Limɛngɔ la Bolau ende Bɔkɔta oyasoya nda lina lia Ngɛnɛ;
Lilatemi olo nda Use la loomalo lofi anamana nda isɔkɔ sha Use.
39BaFalusi bamɔi ebayaläkä nda ekuke loonga lande mbo— Boekesi, imaka baeki baɛ. 40Inde lomutola lau mbo— Isoonga lanu mbo ango beyala ngo tau, ambo batalɛ nde koanjanja.
41Iyäkä Yesu tina, Inde lotangela bokenge, Inde loleela wao, 42Inde mbo— Aɛ Yelusaleme, Eya mbo boluwa ambo louse-lo, ko yao ebisikioeshel’aɛ lilatemi! Kongo ko bisoisomo mbo otɛnɛ yao. 43Kongo ko mbile eyaka nde ani biyani laɛ beswelaka likula lia bita liolingel’aɛ; bekufesak’aɛ la ndokuswaka la ndɔɔtɔkɔ; 44betulunga bokenge la bana baɛ, angomacha litalɛ olikolo lia litalɛ ango limɔi, eoka otilembeeleke yose ya lotichako loaɛ.
Lotaneso loa balɛlɛ ba Tempelo
45Lamao Inde lɔɔtɔ nda Ndakɔ ya Mungu, Inde loakola ndokusola bato ebatoungesa yeka omao. 46Inde mbo— Losɔnɔmu nda lokasa mbo Ndakɔ yami etotangomo ndakɔ ya lisomboli, nde ino nd’asokela la yao, ko lisɛkɔ lia eba biya. 47Yesu loekekesäkä bato lise la lise omao nda Ndakɔ ya Mungu. Kongo ko kanga ebieti la baekesi ba Bikela amamwito la betoli oso ya bato imɔ, iyo loluka fofe yool’Inde, 48kongo ko batiɛnɛ̈kɛ̈ yao eoka bato batotina lowɛlɛ Inde bonono wookamela lioi liande.
હાલમાં પસંદ કરેલ:
Luka 19: NTKE58
Highlight
શેર કરો
નકલ કરો
Want to have your highlights saved across all your devices? Sign up or sign in
Le Nouveau Testament in Kele (Lokele) © British and Foreign Bible Society, 1958, 2019.
