Matayo 4
4
Erilengwako rya Yesu
1Neryo Yesu mwasondolibwa neKirimu omo mbwarara erilengwako na Satani. 2Mwatsira akaryo amatungi makumi ani nebiro makumi ani, nenyuma waho mwakwa enzala. 3Nomutebya mwasa mwamubwira ati, Wamabya uri Mugala woMungu, utegeke amabwe aya abye amandu. 4Nikwa mwamusubirya ati, Kisakire kiti, Omundu siaribyaho busana nobundu busa, nikwa busana noburi kinywa kikalwa omo buno bwoMungu. 5Kandi Satani moyamutwala oko muyi abuyirire, moyamuhira oko mukuto wehekalu, 6mwabuga naye ati, Wamabya uri Mugala woMungu uyiguse ahisi; kusangwa kisakire kiti,
Asyaha abamalaika buwe ehamuli busana nawe, eriku teya, kandi,
Noko byala byabo basyakubagarira,
Isiwahuma ekisandu kyawe okwibwe.
7Yesu mwabuga naye ati, Kandi kisakire kiti, Susyelenga oko Mukama Mungu wawe. 8Kandi, Satani moyamutwala oko kitwa kirikiri kutsibu, moyamukangya amami gosi we kihugo kino nolukengerwa lwago; moyabuga naye iti, 9Ebyosi ebi nasyakuhabyo, wamagwa ahisi neringukamira. 10Yesu mwasubiryayo ati, Lwaho, Satani! kusangwa kisakire kiti, Wasyakukamira Mukama Mungu wawe, kandi wasyamukolera iyowene. 11Neryo Satani moyamusigania, neryo lebaya, abamalaika mobasa erimukolera.
Yesu mwikala eKapernauma
12Neryo omugulu owa ko Yoane abiribohwa, mwayilwiraho mwaya eGalilaya; 13nerilwa eNazareti mwayikala eKapernaumu hakuhi nengetsi, omo kihugo kya Zebuluni neNafutali, 14ebyabugawa nomuminyereri Isaya ibyatoka eriberera biti:
15E kihugo kya Zebuluni ne kihugo kye Nafutali,
Obwanga bwengetsi, eyisiria weYorodani,
Galilaya yeBihanda—
16Abandu abikere omo mwirimya
Babirilangira oluseke lunene,
Busana nabo bikere omo kihugo nomo kitsutsu kyoluholo
Ekyakakala kyamakolerya.
17Eritsuka oko mugulu oyo Yesu mwatsuka eritulago ati, Mubinduke, kusangwa obwami bwelubula buri hakuhi.
Abiga aberimbere
18Abere akalendera oko luhande lwe Ngetsi ya Galilaya, mwalola oko ababutirwe haguma babiri, Simoni oyo kahulawa mo Petero na Anderea mugala wabo, bakagusa ekisohi kyomo ngetsi; kusangwa babya basohi. 19Mwabuga nabo ati, Munyikwame, ngandisyabayira mo basohi babandu. 20Neryo-neryo mobasiga ebisohi byabo mobamukwama. 21Neriyitunda embere mwalangira abandi babutirwe haguma babiri, Yakobo mugala wa Zebedayo na Yoane mugala wabo, ibane mo bwato haguma na tata wabo Zebedayo, bakalanda ebisohi byabo, neryo mwabirikirabo. 22Neryo-neryo mobasiga obwato nise wabo, mobamukwama.
Yesu eGalilaya
23Kandi mwatimbatimba eGalilaya hosi, erikangirirya omo manyumba wabo werihindana neritula engulu yowene yobwami nerilamya esyondwala syosi namakoni gosi omukati-kati kabandu. 24Kandi engulu yiwe moyatsungana eSiria hosi, kandi mobamuletera abakoni bosi, abagalawa omo misindomisindo yesyondwala namagali, nabari kwesyombinga, neba tutsa, nababasire, mwalamyabo. 25Nesyondeko nene mosyamukwama erilwa eGalilaya neDekapoli neYerusalema ne Yudea neyisiria oko Yorodani.
હાલમાં પસંદ કરેલ:
Matayo 4: NTN62
Highlight
શેર કરો
નકલ કરો
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
