Zenez 6
6
Mesanste Imen
1Kan zonm ti konmans ogmante lo later e zot ti donn nesans bann fiy, 2bann garson bondye ti war ki bann fiy zonm ti atiran. Alor, zot ti swazir zot koman zot fanm. 3Alor, SENYER ti dir: Mon lespri pa pou reste touzour dan bann et imen, akoz i zis laser. Son lavi pou dire zis 120 an.
4Dan sa lepok, e menm apre, ti annan bann zean lo later. Desandan bann garson bondye avek bann fiy bann imen. Zot ti bann ero e bann dimoun renonmen otrefwa.
5SENYER ti war ki mesanste zonm ti gran lo later e zot lespri ti tourn zis ver lemal. 6SENYER ti regrete ki i ti'n fer bann et imen e met zot lo later; i ti aflize. 7I ti dir: Mon pou detri lo later bann et imen ki mon'n kree. Mon pou detri depi zonm, zannimo, pti bebet ek zwazo dan lesyel. Mon regrete mon'n kree zot. 8Me Noe ti trouv faver devan SENYER.
Bondye I Deside Sov Noe
9La lalis bann desandan Noe. Dan zenerasyon sa lepok, Noe ti en zonm zis e san repros. I ti mars avek Bondye. 10I ti ganny trwa garson: Senm, Kanm ek Zafet. 11Bondye ti konstate ki later ti'n koronpi e ranpli avek vyolans. 12Bondye ti war ki later ti'n koronpi.
13Alor, i ti dir Noe, “Mon'n deside met lafen avek tou. Later i ranpli avek vyolans akoz zonm. Mon pou detri zot ansanm avek later. 14Ou ava fer en gro bato avek dibwa solid.#6.14 Sa gro bato i souvan ganny apele lars Noe. Fer bann konpartiman ladan e kouver li, anndan deor, avek goudron. 15La ki mannyer ou pou fer li: I ava 150 met longer, 25 met larzer e 15 met oter. 16Ou ava kouver li avek en twa an tapenak e ou ava kit en lespas en demi met ant twa ek son borde. Ou ava met en laport lo kote. Sa lars ava annan trwa letaz. 17Mwan, mon pou anvoy en deliz lo later pour detri tou sa ki annan souf lavi anba lesyel. Tou sa ki lo later pou mor. 18Mon pou etabli mon lalyans avek ou; ou ava antre dan lars ou, ou bann garson, ou fanm ek bann fanm ou bann garson. 19Ou ava osi fer antre dan lars en per tou zannimo dan sak lespes, en mal ek en femel pour konserv zot vivan avek ou. 20Ou ava fer antre en per zannimo dan sak lespes: Parmi bann zwazo, gro zannimo, bann pti bebet en per dan sak lespes pou vin kot ou pour gard zot vivan. 21Fer tou provizyon, pour ki ou ek bann zannimo, ava annan dekwa manze.” 22Noe ti fer tou sa ki Bondye ti'n dir li.
હાલમાં પસંદ કરેલ:
Zenez 6: BSK
Highlight
શેર કરો
નકલ કરો
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.