Popular Bible Verses from Luk 5

શેર કરો

Nug nai matta malowa, aria nug Saimon amegppa aum. “Uub el qeppe, le gamag okkaippa wab, ag uhui kakai aoglagnu ewatteg!” awa aum.

A amu Saimon oɗeppa awa aum. “Danab Naɗi, tuqan imu ohppa ig uɗat naɗi hemut, amge ig kakai laa ii aomut, amge na ame amunu da uhui ekkul,” awa aum. Nug anam a amu ag Jesus aum bia heeg, kakai huanak noeg, uhui pagukkunu heum.

amge Nug haen kuɗum aben laih, danab ii daattebppa ukka, Nug unuqidttom.

Amubia amu da heppi, genab tutukku hak danab ag oolag eɗukkunu ii uɗimi. Iitta. Da heppi, hipunin danab ag oolag eɗukkunu uɗimi,” awa aum.

Anam amu, haen Saimon Pita nug kakai anam aona antta amu, nug Jesus baegppa laippun gateg qaun o, nug aum. “Naɗi, na da uuiɗna ukke! Da hipunin danabde,” awa aum.

Anam aeg amu Jesus Nug ag amelagppa aum. “Danab nug oɗe iitta, nug dokta toppa ii gotte. Iitta. Danab oɗe ele nug gotte.

Aria ag uub eeɗateg, audam teeh, ag keeke amu oh uuadna, ag gona, Jesus dim lamidppig.

Jesus Nug aab laappa oiyeye, danab laa gaɗa oɗe nau ambak ele, nug ele appa oiyom. Nug oiyaya, haen nug Jesus antta amu, nug Jesus noobppa laippun gateg qaun o, gomela, iɗu wanppa ma, unuqa aum. “Naɗi, na oot heeb, na heppe, oɗe dahil iitta mekkunu amu, na elele daattem,” awa aum. A amu Jesus Nug eppeg bahia, danab aɗa, amegppa aum. “Da ool anam daatte, na ena daye!” awa aum. Aria, geha aakku pahanab gaɗa oɗe nau amu uuittom.

Nug anam aum, amge Jesus Nug keeke heumnu nai amu ukke, ag tuɗitteg ukke, oh doona, danab ah kuɗumnab ag ahan, Jesusnu nai dooglagnu, Nug oɗe ahilag bappaladkkunu ele uɗippig