Popular Bible Verses from Ja̰ 2

શેર કરો

Yee gə́ nee ɓa to némɔri gə́ dɔtar gə́ Jeju ra mee ɓee gə́ Kana dɔ naŋg gə́ Galile. Yeḛ riba ne rɔ rɔnduba ləa gə́ raga ndá njékwakiláje d’ɔm ne meḛ dee dəa’g.

Jeju tel ilá keneŋ pana: Dené see ta ɗi ɓa i ə̰ji dɔm’g wa. Kàree ləm nai ɓəi ɓó teḛ el ɓəi.

Jeju ula dee pana: Ɔrje mán areeje rusu jo a̰dje lé léréré-léréré. Ndá deḛ to mán lé d’aree rusu télélé-télélé ya tɔ. Yen ɓa yeḛ ula dee pana: Ɓasinè ɔrje awje ne rɔ mbai gə́ njenaḭ’g lé. Ndá deḛ d’ɔr d’aw ne rəa’g ya tɔ.

Jeju ila dee keneŋ pana: Tujije kəi-Ala gə́ neelé ndá ndɔ munda ba ya m’a ra karee to lée’g gogo gɔl-gɔl.

Yeḛ ra ndəi-kúla tuba dee ne mee kəi-Ala’g gə bɔ maŋgje gə badje lə dee lai tɔ. Yeḛ tila tabulje lə njémbél-larje sané larje lə dee kad-kad tɔ. Tɔɓəi yeḛ ula njérab-dərje neelé pana: Odoje néje neelé ɔdje ne gə́ raŋg ɓó arje kəi lə Bɔm to gə́ kəi rab néje el.