Popular Bible Verses from ಲೂಕ 23

શેર કરો

ತದೆ ಯೇಸುನೆ, “ಬಾ, ಅವ್ಣುನ ಮಾಪ್‌ಕರ್‌! ಅವ್ಣೆ ಶಾತ್‌ ಕರುಕರಸ್ ಕರಿ ಅವ್ಣುನಾಸ್‌ ಮಾಲುಮ್‌ ಕೊಯ್ನಿ” ಕರಿ ಬೋಲ್ಯೊ. ಸಿಪಾಯಿಖ್ಹಾರು ಚೀಟಿ ನಾಖಿನ್, ಯೇಸುನ ಲುಂಗ್ಡಾವ್‍ನ ಇವ್ಣ-ಇವ್ಣಾಮಸ್ ವಾಟ ಪಾಡಿಲಿದು.

ತದೆ ಯೇಸುನೆ ಇನ, “ಮೇ ತುನ ಖ್ಹಾಚ ಬೋಲುಸ್ಕಿ, ಹಮ್ಕೇಸ್ ತೂ ಮಾರ ಜೋ಼ಡೆ ಸೊರ್ಗಾಮ ರ‍್ಹೀಶ್” ಕರಿ ಬೋಲ್ಯೊ.

ಅಜು಼ ಇನೆ ಯೇಸುನ, “ಯೇಸು, ತೂ ರಾಜ್ಯಲೀನ್ ಆವಾನಿ ವಖ್ಹತ್‌ಮ, ಮನ ಯಾದ್ ಕರಿಲಿಜೊ!” ಕರಿ ಬೋಲ್ಯೊ.

ಯೇಸು ಜೋ಼ರೆಖ್ಹು ಚಿಕ್ರಿನ್, “ಬಾ, ತಾರ ಹಾತ್‌ಮ ಮಾರು ಆತ್ಮಾನ ದೆವುಕರುಸ್‌” ಕರಿ ಬೋಲಾನ ಬಾದ್‌ಮ, ಜಾನ್‌ ಮ್ಹೇಲ್ಯೊ.

ಇವ್ಣೆ ‘ಖೋಪ್ರಿ’ ಕರಿ ಬೋಲಾನಿ ಝ಼ಗೋಕನ ಐನ್, ಹಿಜ್ಜಾ಼ ಯೇಸುನ ಶಿಲ್‌ಬೆಪರ್ ಮಾರ‍್ಯು, ಅಜು಼ ಯೋ ಬೇ ಅಪರಾದಿಮ ಏಕ್‌ ಜ಼ಣಾನ ಖಾವಿ ಬಾಜೂ಼ಮ ಅಜು಼ ಬಿಜೇಕ್‌ ಜ಼ಣಾನ ಡಾವಿ ಬಾಜೂ಼ಮ ಶಿಲ್‌ಬೆಪರ್ ಮಾರ‍್ಯು.

ತದೆ ಧೊಪಾರ್‌ ಹುಯಿಗಯುಥು, ಚಾ಼ಂದ್ ಉಜಾ಼ಳು ದ್ಯವಾನು ಭೀರಿಜೈ಼ನ್, ತೀನ್ ಘಂಟಾಲಗು, ಯೋ ಖ್ಹಾರ ದೇಖ್ಹ್‌ಪರ್ ಅಂಧಾರು ಢಫೈಗಯುಥು. ಮಂದಿರ್‌ಮ ಠಂಗೈರಾಖ್ಯುಥೂತೆ ಪಡ್‌ದೊ ಫಾಟಿನ್, ಬೇ ಭಾಗ್‌ ಹುಯಿಗಯು.

ತದೆ ಖ್ಹೋಶಿಪಾಯಿನೊ ಮೋಟಾನೆ ಚಾ಼ಲ್ಯುತೆ ಇನ ದೇಖಿನ್‌, “ಖ್ಹಾಚಮಾಬಿ ಆ ಅದ್ಮಿ ನೀತಿವಾಳೊಸ್‌ ಹುಯಿರ‍್ಹೋಥೊ!” ಕರಿ ದೇವ್ನ ಖ್ಹರಾಯೊ.