Popular Bible Verses from Luke 17

શેર કરો

Ma nia ka soree isana, Tatae, oki lae amua: fitooa oe e faamaruki oe.

Ma mada sa nia abula taa iamu fiu si maṉa afa thato, ma fiu si mana afa thato eri kai akele uri oe, kai una eri, Nau ku akeletania manataku; oki manata lubea boo.

Ma tee wane iada, si maṉa ne rikia na nia maruki naa, ka oli buri, ka ’ai faamau, ka taṉoa tha God; Ma nia ka aru fafia maana isana aaena, ka sore lea iana: ma nia wane i Sameria.

Muki beta suli kamulua: mada sa dooramu e abula taa iamu, oki sore nia; ma mada sa nia akeletania manatana, oki manata lubea.

Ma tha Jesus e luua, ka sorea, Ta na sa akwalee wane kera faafaluda na ba, mado? ma sikwa nonii wane ba ki kera nifei?

Ma ṉa Lord ka sorea, Mada sa amulua fitooa ka ’uria ta foee masitata, do muki soree isana sikamine nei, Keki lafu fa laila ani oe, ma keki fasi oe i la amali; ma do eri kai ade sulia ṉata lamulua.

Ni tei bana na kai rofe uria faamaruki lana maṉona, maṉona kai aana: ma ni tei bana na kai faaaana maṉona kai faamarukia.

Sui nia ka soree isana toa ne toleda, Kera tooa u boo sa si do ni faataofai la ki kai fula: sui taa la kai thauṉia wane eri, na si do eki kai fula sulaania! E lea ana wane eri mada sa kera tarufai nia gwa fau ni maga lana uiti i luana, ma keka naṉa ania i la amali, una eri e lea ka tatha ana sa nia kai adea ta wela ana wela faekwa nei ki kai taofai nia.

Ma ’uria si do ne fula asi maṉa na tha Noa e toto na ba, kai una eri lau boo asi maṉa Kaluwane imole. Kera faṉa, kera kuu, kera tolekini, kera toowane, ka fula ana fa boṉi na tha Noa e tae i la aka, ma kafo ka olo fafia fanua, ma ka labatanida ka sui.