Popular Bible Verses from YOHANE 21

શેર કરો

Karoonya tau seʼe mangkoni, ndatoʼo i Yesu ri Peturu, “Simo ana i Yona, Bara monco siko meruu nupampotowe Yaku, pai pampotowe ntau seʼe seʼi Yaku?” Mesono i Peturu natoʼo, “Monco, Pue, ndiincani ewambeʼi kupampotowe Komi Pue.” Ndatoʼo i Yesu ri siʼa, “Porewumo waʼa ana bimba-Ku.” Karadua ngkaninya i Yesu meoasi ri siʼa, “Simo ana i Yona, bara nupotowe Yaku?” Mesono i Peturu natoʼo, “Monco, Pue, ndiincani yaku mampotowe Komi Pue.” Ndatoʼo i Yesu ri siʼa, “Porewumo waʼa bimba-Ku.” Da katatogo ngkaninya i Yesu meoasi ri siʼa ndatoʼo, “Simo ana i Yona, bara nupotowe Yaku?” Mapari raya i mPeturu madonge, maka katatogo ngkaninyamo i Yesu meoasi ri siʼa. Inceʼe painaka mesono woʼu i Peturu, natoʼo, “Pue, Komi Pue mangaincani mpengaya-ngaya. Komi Pue maincani kayakunya mampotowe Komi Pue!” Nepa ndatoʼo i Yesu ri siʼa, “Porewumo waʼa bimbaku.

Monco kojo anu Kutoʼo seʼi: Ntongo mangurapa siko, nupataka ngkaliomu soʼo ntongomu, nepa malai ri mbeʼi ntano pepokono ndayamu. Paikanya ane matuʼamo siko raneo, da nutonju palemu, nepa tau ntaninya mangasoʼo siko, nepa da nakeni siko ri kareʼe anu bareʼe nupokono da njoʼu.”

Ndatoʼo i Yesu ri tau seʼe, “Tende jalami ri tondo mokana duangami, da reʼe ndileʼo bau.” Inceʼe painaka natende kojo ntau seʼe jalanya, paikanya nakeni ngkasondo kojo bau anu kono najala bareʼemo nakoto ntau seʼe mawali noʼo jalanya.

Natoʼo i Ncimo Peturu ri tau seʼe, “Yaku da njoʼu mebau.” Natoʼo ntau seʼe ri siʼa, “Kami woʼu da njoʼu.” Malaimo kojo tau seʼe moduanga. Paikanya sambengi setu bereʼe mau sambaʼa bau naleʼo ntau seʼe.