Popular Bible Verses from POTETALA WA'A NCURO 1

શેર કરો

Paikanya komi da marata kuasa, ane Inosa mPue Ala rata ri komi. Pai komi da mewali waʼa sabi-Ku ri Yerusale, ri samalele Yudea, ri Samaria, pai rata ri tando lino.”

Mesono i Pue Yesu ndatoʼo, “Papaku ngkalio-A anu mampakanoto eo pai temponya. Incetu bereʼe yowenya ndiincani, maka incetu kuasa i mPapa.

Sindara pompasambaka sangkani-ngkani Sira pai tau seʼe, ndapatiendo tau seʼe, “Neʼe boi ndipalaika kota Yerusale. Da ndipopea njairia rantani ndawai i mPapa nunjaa anu roomo kujanjika komi inceʼemo anu roo Kutoʼoka komi owi. Maka i Yohane mariuka komi ue, paikanya mosumo remenya komi da ndariu pai Inosa mPue Ala.”

Ungka ri pembangu-A ungka ri oyo ntau mate, ri raya anu aopo mpuyu ndeme, sira mariangkani mepapamara ri kayosa-yosanya kojo ri waʼa ncuro setu, mampatongawa sira monco-monco kojo tuwu. Nakita ntau seʼe sira, pai sira mompau pai tau seʼe mangkono ewambeʼi Pue Ala da moparenta ewa Mokole.

Roo mompau i Pue Yesu ewanceʼe, ndaoretakamo Sira ndeki suruga naole-oleka ntau seʼe, nepa maʼi limu mangkulamuti Sira painaka bareʼemo nakita ntau seʼe.

Ntongo mpetingara tau seʼe ndeki yangi malulu mata peoretaka i mPue Yesu, tingkarasaka setu tau radua morengko mabuya mekakore ri sori ntau seʼe. Mompau tau radua setu natoʼo, “Ee komi waʼa nto Galilea, makuja komi mekakore ireʼi, seʼi metingara ndeki yangi? I Yesu anu ndikita teoretaka ndeki suruga ri suarami seʼi, da mewalili muni ewa pangkitami peoretaka-A roo.”