Popular Bible Verses from Lucas 23

શેર કરો

[Jesúsñam ñëqan: “Teytallä, kë runakunata perdonëkï. Manam musyayantsu imata rurëkäyanqantapis” ñir.] Soldädukunañam Jesúspa ratëninta sortiyayäqan mëqanpis gänaq kaq apakunanpaq.

Tsëñam Jesús ñëqan: “Kananpikqa ñoqawanmi paraísućhö kanki”.

Ñirkurmi Jesústa ñëqan: “Teyta Jesús, mandakïnikićhö këkar ñoqallata yarpëkamanki” ñir.

Jesúsñam qayarar ñëqan: “¡Teytë! ¡Makikimanmi almäta ćhurëkamö!” Tsënö ñiskirmi wañuskëqan.

Calavëra ñiyanqan kaqman ćhëkatsirñam Jesústa cruzman clävayäqan. Apayanqan mana alli ruraqkunatam uknin kaqta derëcha lädunman y uk kaqtaña itsoq lädunman crucificäyäqan.

Pullan unaqpikmi hasta las tresyaq patsa tutapaskëqan. Rupëpis manam atsikyäqantsu. Tsë höram templu rurinćhö cortïnapis pullanpa raćhiskëqan.

Tsëkunata rikëkurmi soldädukunapa capitannin Teyta Diosta alabar ñëqan: “¡Rasunpam kë runaqa utsannaq kashqa!” ñir.