Popular Bible Verses from Lukâs 5

શેર કરો

Abù ù tyii dê mâ tsə ayiə yiy, u dzày yə̀ awò Simùn a we nə, “Soŋ nyi fwuli yə nə̀ mfə̀n kə̀ anə lòʼo kə̀ myilə kiy tə̀ ghà maʼà nyi tsə təwee ghà ki kwi tətsi.”

Simùn mee a we nə, “A Mwe ə̀ Mbyi, ghè mə tswàb bwuni iwee yiy nə̀ ntsukə tiy nə̀ ghě kə̀ kwi fə̀nɛ̀bəwà fìy. Yəə à sì dzày bə̂ dzə̂ wô, ghee myaʼà yə̀ kə ŋwò wee tələ tiy.” Ghu ə màʼà nyi tswi yə̀ tə̀wee, zù bòʼò fyi kwoʼ bə̀ ndə̀mə̀ ndə̀mə̀ tə̀tsi, yəə tə nə bən saa maʼà wee tə.

Yesù ə kwuni ŋwò zù a lòʼo k-a-nù ani zù gwùŋì.

Mə kə̀ bû dzə̂ ani bù toŋə àghù yə̀ ghu də nəniy tsitsi anə sə k-a-zə̀, mə kwuni bù ani bù toŋə aghê àbɛbə yiy nə̀ ghu kyemì ŋwô fyi bə̂ anə bɛb tə ghu.”

Abù Simùn Pità kòʼ tsə nəniy ayiə yə a fyi nəniy, u nyaʼa yə̀ a təŋə̀ Yesù dzày yə̀ a we nə, “A Mwe ə̀ Mbyi kə̀ koŋə bə̀ dzə̀ a kələ̀ mìə̀, Mə də wù ù bɛbə̀ wìy!”

Yesù ə bèlì kə a ghu nə, “À kwu dzə̀ way aghê à taw yiy ani zù tə̀ wù ùtiə byaŋi ghu, à kwuni kwu aghê dzaŋə ani zù tə̀ wù ùtiə byaŋi ghu.

Abù Ghu sî na koŋə bə̂ nəniy ùmfə̀n wə̀ a kìingûŋ, ghu na sə tsə ufyiə udzə̀m, dyaŋi ŋwò dzwùmì yə̀ Yesù.

Yesù ə zù kə ntsuk fə̀liy fiy anə nàʼà fə̀liy fiy, u kòʼ tsə wù ù lìy nə̀ ùŋkə̀m wìy ŋge də azoŋə we awote, abù ù kòʼ yə̂ nəniy Yesù, u bvə̀ fwuə yə̀ ùtwùmusə a mbvə̀d bwoʼ Yesù nə̀ wokiy ghii dzìy tsə nə̀, “A Mwe ə̀ mbyi, abu wò liə nəniy wò də̀ ŋwô ani zəŋi taw kə miə.” Yesù ə nìày fyi yə̀ ùkwe mwàm tsə we, dzày tsə a we nə, “Mə liə ŋwô, taw kə. Ùŋkə̀m wə̀ ə dyaŋi mày fyi ŋwò tsə a zoŋə̀ wù wə̀.”

Ùzòŋ u Yesù wìy ə foŋ tsìy kyabi yə̀, ndə̀mə̀ àghè ə ba tə̀ŋì fyi bə̀ ani bù zuw ayiə yə ù nìʼà nəniy, nə̀ u zəŋi taw bə̂ soʼò àghû anə dzàŋ tə ghu.